KOHELET 3:19 - Bibəl ta Sar̄

¹⁹ Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

Bible sar

¹⁹ Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

KOHELET 3:19 Referans Kwoze

PĀ GƏ̄ 49:12

Nin̄ ɔjən̄neé na kújə yādə́ gə̄ na a ton̄ ngándáńg, na loo ndidə́ gə̄ na a nujə alé, adə̄ tə́ndān̄ rīdə́ gə̄ dɔ dɔ nang yādə́ gə̄ tə́.

PĀ GƏ̄ 49:20

Ɓá tā ba i gáŕ kadə̄ a oy yā kaw̄ gō kaan gə̄ tə́. Kaan gə̄ ní a a̰a̰n̄ loo kə́ unjə̄ kow to̰ aĺ i kə́ bátə́ gə̄ tə́.

KOHELET 2:16

Yá̰a̰ malang ń rāā yá̰á̰ ní dɔ deē ndígə̄nal kɔ̄ɔ́ kem ndɔ̄ gə̄ ń utə̄n̄ gō tə́ ní. De kə́ nge kum kedə̄ oy tītə̄ ń de kə́ mbóo oyń ní ō, i nin̄ mbak n əga kem de gə̄ dɔdə́ tə́ to̰ aĺ ní ō. Yá̰a̰ to tītə̄ ń noō i najə̄ rí tə́ ō?

KOHELET 2:14

Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

PĀ GƏ̄ 104:29

Ī-tūr̄ gidií kɔ̄ɔ́ tadə́ tə́ anī ɓōĺ rāādə́ ngá̰ý. Ɔ̄r̄ koō yāí kə́ kemdə́ tə́ kɔ̄ɔ́ anī oyn̄ mak ō, télən̄ bumbə́ru gogə́ ō.

2 SAMUEL 14:14

Rɔ̄kum yojí i tītə̄ man̄ ń deē ɓōkə́ nang tə́ anī loo tél kɔyn gogə́ gətóó ní. Ɓá tā ba yá̰á̰ ń Nə́ɓā núm̄ tām̄ yā Absalom tə́ ní, kə ngɔr ń toō tə́ i nge ń noō alé. Ni əndā dɔ rɔ̄n danaá kɔ̄ɔ́ yā kadə̄ Absalom ndi sa̰y rɔ̄n tə́ alé.

TƏ́DA 16:29

Ré de gə̄ ń toō oyn̄ i yo ń de gə̄ malang a oyn̄ ní ō, ré i yá̰á̰ ń a rāā de gə̄ malang ní n rāādə́ ō anī, i Kɔ́ɔ̄ɓē n əlam̄ ní alé.

KOHELET 7:2

Kaw̄ kem kújə́ kə́ de gə̄ a nōōn̄ yo tū tə́ tə́ i só tə́ tɔȳ kaw̄ kem kújə́ kə́ rāān̄ yá̰a̰ kəsa kə́ ngá̰ý kemeé tām̄ yā de gə̄ tə́ tə́. Yo i loo ń de gə̄ malang, a tɔ̄lən tadə́ tū tə́ ní adə̄ majə kadə̄ de gə̄ ń ndin̄ kə kumdə́ ɓáý ní əndān̄ kemdə́ dɔ tə́ majə.

KOHELET 9:2

Yá̰a̰ gə̄ malang ton̄ tītə̄ naā tām̄ yā de gə̄ tə́ malang. Yá̰á̰ ń rāā de kə́ súmūú ō, nge kem ndul ō ní i yá̰á̰ kə́ kógə̄ḿ beē. Yá̰á̰ ń rāā de kə́ majə ō, de kə́ majaĺ ō ní i yá̰á̰ kə́ kógə̄ḿ beē. Yá̰á̰ ń rāā de kə́ unjə̄ njáý njáý ō, de kə́ majaĺ tákə̄n ō ní i yá̰á̰ kə́ kógə̄ḿ beē. Yá̰á̰ ń rāā nge ndējə̄ yá̰a̰ ō, nge ndējə̄ yá̰a̰ aĺ ō ní i yá̰á̰ kə́ kógə̄ḿ beē. Yā de kə́ majə to tītə̄ yā de kə́ majaĺ ō, yā nge túbə to tītə̄ yā nge ɓōĺ túbə ō.

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

PĀ GƏ̄ 49:13

Deē ń de gə̄ ɔsən̄ gɔnən ní a ndi dan i ngá̰ý alé. Ni to i tītə̄ dā̰ ń əhɔ tan kə̄ naā tə́ kɔ̄ɔ́ ní.

KOHELET 1:14

M-á̰a̰ kəla malang ń de gə̄ a rāān̄ dɔ nang tə́ laā ní. Banī kumən gətóo ō, i ngɔ̄də̄ gō nél yā kəhɔn ō.

KOHELET 1:17

m̄-gḛy ger̄ dɔ nin̄ kum kedə̄ ō, mbóo ō. m̄-gḛy ger̄ dɔ nin̄ yá̰á̰ kə́ to ngáā ō, yá̰a̰ kə́ kumən gətóo ō ba m-á̰a̰ kadə̄ nge ń noō i ngɔ̄də̄ gō nél.