KOHELET 3:17 - Bibəl ta Sar̄

¹⁷ Loo ń noō tə́ m-ə́da kə̄ kemḿ tə́ m-ə́da na Nə́ɓā a rāā sarya kə nge kem nduluú ō, kə de kə́ súmūú ō. Tɔdɔ̄ yá̰á̰ malang a ugə̄ i kə kum mbangneé ō, yá̰a̰ rāājí gə̄ kógə̄ḿ kógə̄ḿ ní a gāngə̄n̄ sarya dɔ tə́ ō.

Bible sar

¹⁷ Loo ń noō tə́ m-ə́da kə̄ kemḿ tə́ m-ə́da na Nə́ɓā a rāā sarya kə nge kem nduluú ō, kə de kə́ súmūú ō. Tɔdɔ̄ yá̰á̰ malang a ugə̄ i kə kum mbangneé ō, yá̰a̰ rāājí gə̄ kógə̄ḿ kógə̄ḿ ní a gāngə̄n̄ sarya dɔ tə́ ō.

KOHELET 3:17 Referans Kwoze

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

KOHELET 3:1

Yá̰a̰ malang a rāā yá̰a̰ i kə kum mbangneé dɔ nang tə́ laā.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

JEJU TEĒ KUM JA̰A̰ 20:2

Ni-əhɔ dā̰ kə́ to ɓōĺ ngá̰ý ń i lī kə́ jóó ō, i diabəl ō, i Sətan ō ní, do̰ō̰n kə súĺ kadə̄ rāā ɓāl̄ dūbú.

JEJU TEĒ KUM JA̰A̰ 11:18

Nápar de gə̄ rāān̄ wōn̄g, ba i wōn̄g yāí ḭ̄ n reē rāā yá̰á̰ ní. Kum mbang kə́ yā gāngəń sarya dɔ de kə́ koy gə̄ tə́ asə ō, kum mbang kə́ yā kəndāń nja ngé kəla yāí gə̄ ń i ngé koō ta gə̄ ō, i deē yāí gə̄ ō, ngé ɓōĺ rīí gə̄ ō ń nin̄ i de kə́ dūú gə̄ ō, kə́ bo gə̄ ō ní, asə ō, kum mbang nujə ngé nujə dɔ nang gə̄ asə ō.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

KƏLA RĀĀ 1:7

Jeju tél tūr̄ ədadə́ na: I Bɔbə́ḿ n i nge rāā kadə̄ yá̰a̰ gə̄ rāān̄ yá̰a̰ kə ɓāl̄ yādə́ gēé ō, kə kum mbang yādə́ gēé ō, kə ndū ko̰o̰ ɓē yānneé ō ní. Ger̄ ɓāl̄ gə̄, aké kum mbang gə̄ ń yá̰a̰ gə̄ a rāān̄neé yá̰á̰ ní ndetəsí alé.

JA̰A̰ 5:22

Bɔbə̄ Ngōn̄ gān̄g sarya yā deē alé, banī sarya malang ní, ni-adə̄ i Ngōn̄ kadə̄ gān̄g,

DANIEL 12:9

Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

KOHELET 8:6

A̰á̰ā̰, yá̰a̰ gə̄ kógə̄ḿ kógə̄ḿ ní kum mbang yādə́ i noó ō, sarya yādə́ i noó ō. Banī yá̰á̰ kə́ to kum kaȳ aĺ kógə̄ḿ kə́ bo ngá̰ý yā deē ndul to noó:

KOHELET 2:1

M-ə́da kə̄ kemḿ mə̄kɔ́ tə́ na: M-ā m̄-nāā rāā rɔ̄nel̄ ō, ndi majə ō yā ka̰ā̰, anī nge ń noō i yá̰á̰ kə́ kanjə̄ kumən ō.

KOHELET 1:16

Mā m̄-gír̄ m-ə́da na kum kedə̄ yāḿ na i ngá̰ý tɔȳ yā de gə̄ malang ń o̰o̰n̄ ɓē kété noḿ tə́ Jerusalem ní. Tɔdɔ̄ kemḿ ger̄ najə̄ kə́ dɔ kum kedə̄ tə́ ngá̰ý ō, ger̄ yá̰á̰ kə́ dɔ nang tə́ ngá̰ý ō.

1 TESALONIK 5:1

Ngákó̰ó̰jí gə̄, najə̄ kə́ dɔ ndɔ̄ tə́, aláa kum mbangən ń Kɔ́ɔ̄ɓē a reēń tə́ ní, majə kadə̄ deē ndang adə̄sí to̰ alé,

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.