KOHELET 3:12 - Bibəl ta Sar̄

¹² Mā m̄-ger̄ kadə̄ yá̰á̰ kə́ majə tām̄ yā deē tə́, dan ń ni ndiń kə kumneé ní, i kadə̄ rɔ̄n nelə̄n ō, ndi majə ō ngóy.

Bible sar

¹² Mā m̄-ger̄ kadə̄ yá̰á̰ kə́ majə tām̄ yā deē tə́, dan ń ni ndiń kə kumneé ní, i kadə̄ rɔ̄n nelə̄n ō, ndi majə ō ngóy.

KOHELET 3:12 Referans Kwoze

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

KOHELET 3:22

Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

NDŪ NAJƏ̄ 28:63

Tītə̄ ń ka̰a̰ gōsí kadə̄ ī-ndiī majə ō, rāā kadə̄ kutəsí i ngá̰ý ō, i yá̰á̰ kə́ nel̄ Kɔ́ɔ̄ɓē ngá̰ý ní, yá̰á̰ ń a tél yā nelə̄n ní i kəndā kumən gōsí tə́ yā rāań kadə̄ sḭḭ̄ ī-gətóoī kɔ̄ɔ́ ō, yā nujəńsí kɔ̄ɔ́ malang ō. Ni a ngḭ̄sí yā kɔr̄sí kɔ̄ɔ́ dɔ nang ń ā āwī kə̄ tū tə́ yā taā ní.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

NDŪ NAJƏ̄ 12:18

Ā ə́saī i ta kum Kɔ́ɔ̄ɓē Nə́ɓā yāsí tə́ ngóy, kem loo ń ni a gə̄rā tə́ ní. Ā ə́saī i kə ngáńsí kə́ dəngam gə̄ ō, kə́ dəyá̰ gə̄ ō, ngé kəla yāsí kə́ dəngam gə̄ ō, kə́ dəyá̰ gə̄ ō, kə ngán Lebi gə̄ ń ndin̄ kem ɓē yāsí gə̄ tə́ ní ō. Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ dɔ kəla malang ń ī-rāāī tə́ ní.

NDŪ NAJƏ̄ 26:11

Gō tə́ anī yá̰á̰ kə́ majə gə̄ malang ń Kɔ́ɔ̄ɓē Nə́ɓā yāí adī ḭ̄ naā tə́ de kə́ kem kújə yāí tə́ gə̄ ní, ā ī-rāāī rɔ̄nelə̄n naā tə́ kə ngōn̄ Lebi ō, tə̄rā kə́ nge nam̄ ō ń ndin̄ dɔ nang yāí tə́ ní.

KOHELET 2:3

m̄-gḛy nāā rāā rɔ̄nel̄ ń kasə nduú a adə̄ deē ní ō, m̄-gḛy ndájə̄ yá̰a̰ rāā de kə́ mbóo gə̄ ō, kanjə̄ kəya̰ rɔ̄ḿ kadə̄ yá̰á̰ kə́rēý o̰o̰ ɓē dɔ tə́. m̄-sāā ger̄ kum yá̰á̰ kə́ to só tə́ ń kadə̄ deē ndul gə̄ rāān̄ dan ń ndin̄neé kə kumdə́ dɔ nang tə́ ní.

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.