KOHELET 3:11 - Bibəl ta Sar̄

¹¹ Nə́ɓā ɔjə kum mbang ń kadə̄ yá̰a̰ gə̄ a rāān̄neé yá̰á̰ ní kógə̄ḿ kógə̄ḿ kə gō naá. Ni-əndā ɓō ger̄ gír yá̰á̰ kə́ mān̄ kɔ̄ɔ́ ō, kə́ a reē ɓáý ō kem de gə̄ tə́. Banī j-asiī ger̄ kum kəla rāā Nə́ɓā kə ta njaá malang alé.

Bible sar

¹¹ Nə́ɓā ɔjə kum mbang ń kadə̄ yá̰a̰ gə̄ a rāān̄neé yá̰á̰ ní kógə̄ḿ kógə̄ḿ kə gō naá. Ni-əndā ɓō ger̄ gír yá̰á̰ kə́ mān̄ kɔ̄ɔ́ ō, kə́ a reē ɓáý ō kem de gə̄ tə́. Banī j-asiī ger̄ kum kəla rāā Nə́ɓā kə ta njaá malang alé.

KOHELET 3:11 Referans Kwoze

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

Makətūbə̄ yā Job 11:7

Ásə ger̄ rúú Nə́ɓā a? Ásə ger̄ bo Nə́ɓā kə́ tɔ́gən i ngá̰ý a?

KOHELET 8:17

i loo ń noō tə́ n m-á̰a̰ kəla malang ń Nə́ɓā rāā ní. Kum deē ndul asə teē dɔ kəla ń a ra dɔ nang tə́ ní alé. Deē sāā ɓá tā ba teē dɔ tə́ alé. Ká ré nge kum kedə̄ ədań na n-ger̄ gə̄gē anī, ni a asə teē dɔ tə́ alé.

Makətūbə̄ yā Job 5:9

Nge rāā yá̰á̰ kə́ bo gə̄ kə́ deē asə ger̄ kum aĺ gə̄, ni ń deē asə tə́da kutə yá̰á̰ kə́ to kɔr kum gə̄ ń ni-rāā ní malang aĺ ní.

TA KƏLA 1:31

Dan ń Nə́ɓā a̰a̰ yá̰a̰ malang ń ni-rāā ní anī, nelə̄n ngá̰ý. Loo tíbə nja i kógə̄ḿ ō, tīī nja i kógə̄ḿ ō, adə̄ i ndɔ̄ kə́ nge ko̰ mehḛ́.

MARK 7:37

Ɔr kumdə́ ngá̰ý al̄ naā adə̄ ədan̄ na: Ni-rāā yá̰a̰ malang majə ngá̰ý. Ni ra mbíkī gə̄ adə̄ oōn̄ loo ō, ngé kɔr̄ najə̄ aĺ gə̄ adə̄ ɔrə̄n̄ najə̄ ō.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

PĀ GƏ̄ 104:24

Kɔ́ɔ̄ɓē, kəla rāāí gə̄ i ngá̰ý! Ḭ̄ ī-rāādə́ malang i kə kum kedēé, yá̰a̰ gə̄ ń ə̄ndādə́ ní taān̄ loo dɔ nang tə́ malang.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

MATIYE 13:22

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

Makətūbə̄ yā Job 37:23

Ni i Nə́ɓā kə́ tógən i ngá̰ý, j-asiī kugə̄ rɔ̄n tə́ alé. Ni i kə́ bo kə ta kūl̄ tɔ́gən ō, kə ta kūl̄ hálən kə́ gōtə́ ō. Deē ń hálən kə́ gōtə́ i ngá̰ý ní, ni-rāā kumən ndoō tə́ alé.

Gōsə̄ najə̄ gə̄ 16:4

Kɔ́ɔ̄ɓē rāā yá̰a̰ malang i kə kumneé, de kə́ nge kem ndul gə̄gē ni-rāān i tām̄ yā ndɔ̄ yá̰á̰ kə́ to kum kaȳ aĺ tə́.

KOHELET 1:13

Yá̰a̰ malang ń a rāā yá̰a̰ dɔ nang tə́ laā ní, m-ə̄ndā rɔ̄ḿ ta tə́ m̄-sāā gír ō, m-ə̄ndā ma̰ȳ ngá̰ý kə kum kedēé ō. Nge ń noō i kəla kə́ ngan̄g ngá̰ý kə́ Nə́ɓā əndā dɔ de gə̄ tə́ kadə̄ rāān̄!

KOHELET 7:13

Á̰a̰ kəla rāā Nə́ɓā: Yá̰á̰ ń ni rugən ní i náā n asə ndájə̄n gogə̄ ní?

KOHELET 7:23

m̄-nāā yá̰a̰ gə̄ ń noō malang kə kum kedēé. Anī m-ə́da na: M-ā m̄-tél de kə́ kumən edə̄. Banī kum kedə̄ i sa̰y ngá̰ý rɔ̄ḿ tə́.

KOHELET 11:5

Tītə̄ ń ī-ger̄ loo kəndā ń ngōn̄ a əndā rɔ̄n kem dəyá̰ kə́ nge ndān̄ ngōn̄ tə́ aĺ ní, Nə́ɓā ń i nge rāā yá̰a̰ malang ní, ḭ̄ ásə ger̄ kəla rāān aĺ ō.