KOHELET 2:26 - Bibəl ta Sar̄

²⁶ A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

Bible sar

²⁶ A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

KOHELET 2:26 Referans Kwoze

Gōsə̄ najə̄ gə̄ 13:22

De kə́ majə əya̰ yá̰a̰ ndəbā adə̄ ngán kaan gə̄, banī yá̰a̰ kənge yā de kə́ nge rāā yá̰a̰ majaĺ a to tām̄ yā de kə́ súmūú tə́.

Gōsə̄ najə̄ gə̄ 28:8

De kə́ nge rāā kadə̄ yá̰a̰ kənge yān reē ngá̰ý dɔ madə̄ tə́ kə ta kūl̄ nar yān kə́ adə̄ kūl̄ tə́ ba gān̄g manə̄n ngá̰ý dɔ tə́ ní, yá̰a̰ kənge yān ní a tél yā reē i kə̄ jī de kə́ nge ka̰a̰ kum to ndoō yā ngé tɔ́gə gətóo gə̄ tə́.

JA̰A̰ 16:24

Bátə́ ngɔlaā ní sḭḭ̄ ī-dəjeī yá̰á̰ kógə̄ḿ kə rīḿ aĺ ɓáý. Ní, ī-dəjeī, anī ā ə́ngeī, yā kadə̄ rɔ̄nel̄ yāsí i kə́ ɔtə̄ kə taá mámák.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

Makətūbə̄ yā Job 32:8

Ba kə́ rɔ̄kum tə́ ɓáa, i ndíĺ ń Nə́ɓā kə́ tɔ́gən i ngá̰ý adə̄ deē ní n i nge rāā kadə̄ deē ngáā ní.

TA KƏLA 7:1

Kɔ́ɔ̄ɓē əda Noe na: Údiī kem to boó, ḭ̄ ō, deē yāí gə̄ malang ō, tɔdɔ̄ i ḭ̄ ngóy n i de kə́ súmūú ta kumḿ tə́ dan de kə́ dɔ nang tə́ gə̄ tə́.

KOHELET 1:14

M-á̰a̰ kəla malang ń de gə̄ a rāān̄ dɔ nang tə́ laā ní. Banī kumən gətóo ō, i ngɔ̄də̄ gō nél yā kəhɔn ō.

Makətūbə̄ yā Job 38:36

I náā n adə̄ kōó bə̄yā̰ kum kedə̄ ō, kə́ra kə̄njá kur̄ dɔ kə́ yā ger̄ń yá̰a̰ ō ní?

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

PĀ GƏ̄ 51:6

I īkɔ́ ngóy kal kógə̄ḿ beē n m̄-rāā yá̰á̰ kə́ majaĺ seí ní. Mā m̄-rāā yá̰á̰ ń i yá̰á̰ kə́ majaĺ ta kumií tə́ ní. Adə̄ ré ā ə̄ndā najə̄ dɔḿ tə́ anī najə̄ i yāí ō, ā ī-gān̄g sarya ɓáa yá̰á̰ kə́ kadə̄ deē əda dɔí tə́ a gətóo ō.

Gōsə̄ najə̄ gə̄ 2:6

Tɔdɔ̄ i Kɔ́ɔ̄ɓē n i nge kadə̄ deē kum kedə̄ ní. Yá̰a̰ ger̄ ō, ger̄ kum najə̄ ō, a teēn̄ i tan ni tə́.

KOHELET 1:13

Yá̰a̰ malang ń a rāā yá̰a̰ dɔ nang tə́ laā ní, m-ə̄ndā rɔ̄ḿ ta tə́ m̄-sāā gír ō, m-ə̄ndā ma̰ȳ ngá̰ý kə kum kedēé ō. Nge ń noō i kəla kə́ ngan̄g ngá̰ý kə́ Nə́ɓā əndā dɔ de gə̄ tə́ kadə̄ rāān̄!

KOHELET 2:25

Tɔdɔ̄ ni-əda na: I náā n asə kəsa yá̰a̰ ō sōl̄ ō kanjə̄ kadə̄ mā m̄-ger̄ gō ní?

KOHELET 3:10

Kəla ń Nə́ɓā adə̄ ngán deē ndul gə̄ kadə̄ rāān̄ ní m-á̰a̰ā̰.