KOHELET 2:24 - Bibəl ta Sar̄

²⁴ Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

Bible sar

²⁴ Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

KOHELET 2:24 Referans Kwoze

KOHELET 3:22

Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

1 KORḚNTƏ 15:32

Rɔ̄ɔ̄ ń m̄-rɔ̄ɔ̄ kə dā̰ gēé kem ɓē kə́ Epejə tə́ ní, ré m̄-ra i dɔ gír̄ yā deē ndul gə̄ tə́ anī a teēm̄ i rí? Ré de gə̄ ń oyn̄ ní a ndólə̄n̄ aĺ anī, ādə̄ j-əsaī ō, j-a̰yī ō, tɔdɔ̄ bírí anī j-a j-ɔyiī.

NDŪ NAJƏ̄ 12:18

Ā ə́saī i ta kum Kɔ́ɔ̄ɓē Nə́ɓā yāsí tə́ ngóy, kem loo ń ni a gə̄rā tə́ ní. Ā ə́saī i kə ngáńsí kə́ dəngam gə̄ ō, kə́ dəyá̰ gə̄ ō, ngé kəla yāsí kə́ dəngam gə̄ ō, kə́ dəyá̰ gə̄ ō, kə ngán Lebi gə̄ ń ndin̄ kem ɓē yāsí gə̄ tə́ ní ō. Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ dɔ kəla malang ń ī-rāāī tə́ ní.

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

KOHELET 6:2

Tītə̄ ń toō Nə́ɓā adə̄ deē kógə̄ḿ yá̰á̰ ngá̰ý ō, adə̄n yá̰a̰ kənge gə̄ ō, kɔsə gɔn ō, yá̰a̰ malang ń kemən gḛy ní ənge ō, banī Nə́ɓā əya̰n adə̄ əsa yá̰a̰ yān ní alé, ba i de kə́ rang n i nge kəsa ní. Nge ń noō i yá̰á̰ kə́ kanjə̄ kumən ō, i yá̰á̰ kə́ majaĺ kə́ tōr̄ ngá̰ý ō,

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

KOHELET 2:3

m̄-gḛy nāā rāā rɔ̄nel̄ ń kasə nduú a adə̄ deē ní ō, m̄-gḛy ndájə̄ yá̰a̰ rāā de kə́ mbóo gə̄ ō, kanjə̄ kəya̰ rɔ̄ḿ kadə̄ yá̰á̰ kə́rēý o̰o̰ ɓē dɔ tə́. m̄-sāā ger̄ kum yá̰á̰ kə́ to só tə́ ń kadə̄ deē ndul gə̄ rāān̄ dan ń ndin̄neé kə kumdə́ dɔ nang tə́ ní.

KOHELET 2:25

Tɔdɔ̄ ni-əda na: I náā n asə kəsa yá̰a̰ ō sōl̄ ō kanjə̄ kadə̄ mā m̄-ger̄ gō ní?

KOHELET 6:12

Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

1 MBAN̄G GƏ̄ 4:20

De kə́ Juda tə́ gə̄ ō, kə́ Israel tə́ gə̄ ō, i ngá̰ý tītə̄ nán̄g ngárə̄ḿnjēý kə́ ta bā tə́ beē. Nin̄-əsan̄ ō, a̰ȳn̄ ō, rāān̄ rɔ̄nel̄ ō.

KOHELET 2:10

Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

KOHELET 5:17

Yá̰á̰ kə́ majə ń mā m̄-ger̄ ní n toó: I kadə̄ deē əsa ō a̰ȳ ō, ənge rɔ̄nel̄ tū kəla malang ń ni-rāā dɔ nang tə́ ní ō, kem ndɔ̄ gə̄ ń Nə́ɓā adə̄n kadə̄ ndiń kə kumneé tə́ ní, tɔdɔ̄ nge ń noō i núsən yān ń i kə́ sɔɔ̄ dɔn.