Deē ní kumən a edə̄ a deē ger̄ aĺ ō, i de kə́ a mbóo a deē ger̄ aĺ ō. Ni a téĺ kɔ́ɔ̄ kəla malang ń m̄-rāā kə kum kedə̄ yāḿ kum mbang tə́ ní: Nge ń noō i yá̰á̰ kə́ kanjə̄ kumən ō.
Tɔdɔ̄ á̰a̰ā̰, kadə̄ deē rāā kəla yān kə kum kedēé ō, kə ger̄ yá̰á̰ ō, kəla ní teē majə ō, ɓáa i de kə́ rang kə́ rāā kəla ní aĺ n nge rāā kəla ní a adə̄n kan̄ kəla yān ní ní, nge ń noō i yá̰á̰ kə́ kumən gətóo ō, i majaĺ kə́ bo ngá̰ý ō.