KOHELET 2:14 - Bibəl ta Sar̄

¹⁴ Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

Bible sar

¹⁴ Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

KOHELET 2:14 Referans Kwoze

PĀ GƏ̄ 49:10

Ni a ndi kə kumneé ngándáńg a? A oy yā kaw̄ ɓádá aĺ a?

Gōsə̄ najə̄ gə̄ 17:24

Kum kedə̄ yā de kə́ ger̄ kum yá̰a̰ to i kə̄ ta kumən tə́ ndágá, banī kum de kə́ mbóo ra i kə̄ dɔ yá̰á̰ kə́ ni asə gō tə́ aĺ tə́.

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

1 JA̰A̰ 2:11

Ba deē ń im̄ ngōkó̰o̰n ní ndi i tilií ō, njə̄rā i kum til tə́ ō, ger̄ loo ń ni a aw̄ kə̄ tū tə́ ní aĺ ō, tām̄ til utə̄ kumən kɔ̄ɔ́.

KOHELET 3:19

Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

KOHELET 9:16

Tā anī mā m-ə́da na kum kedə̄ i só tə́ tɔȳ tɔ́gə deē. Banī de gə̄ kídə̄n̄ kum kedə̄ yā nge ndoō ō, deē oō yā n aĺ ō.

KOHELET 8:1

I náā n to tītə̄ nge kum kedə̄ ō, ger̄ kum yá̰a̰ gə̄ ō ní? Kum kedə̄ yā deē rāā adə̄ ta kumən ndə́lē ō, dɔ kumən kə́ majaĺ tūr̄ ō.

KOHELET 7:2

Kaw̄ kem kújə́ kə́ de gə̄ a nōōn̄ yo tū tə́ tə́ i só tə́ tɔȳ kaw̄ kem kújə́ kə́ rāān̄ yá̰a̰ kəsa kə́ ngá̰ý kemeé tām̄ yā de gə̄ tə́ tə́. Yo i loo ń de gə̄ malang, a tɔ̄lən tadə́ tū tə́ ní adə̄ majə kadə̄ de gə̄ ń ndin̄ kə kumdə́ ɓáý ní əndān̄ kemdə́ dɔ tə́ majə.

KOHELET 6:6

Ká ré deē ngeé ń toō ndiń kə kumneé ɓāl̄ dūbú nja jōó gə̄gē, a ger̄ yá̰á̰ ń i ndi dan majaá ní alé. Tɔdɔ̄ yá̰a̰ malang ń ndi kə kumneé ní ta tɔ̄l̄ tan i yo.

Gōsə̄ najə̄ gə̄ 14:8

Kum kedə̄ yā nge kəndā kum kedə̄ dɔ rɔ̄n tə́ i rāā yá̰á̰ kə́ kadə̄ de gə̄ gerə̄n̄ kum. Banī mbóo gə̄ ndómə̄n̄ sɔɔ̄ń kur̄ dɔdə́ kə́ gətóo.

PĀ GƏ̄ 19:10

Ɓōĺ ndíĺ Kɔ́ɔ̄ɓē i yá̰á̰ kə́ majə ō, to ngándáńg kə dɔ ɓāl̄ gə̄ ō. Ndū gə̄ ń Kɔ́ɔ̄ɓē ra dɔ tə́ ní i ndū kə́ rɔ̄kum gə̄, i ndū kə́ gōtə́ gə̄ malang.

KOHELET 2:16

Yá̰a̰ malang ń rāā yá̰á̰ ní dɔ deē ndígə̄nal kɔ̄ɔ́ kem ndɔ̄ gə̄ ń utə̄n̄ gō tə́ ní. De kə́ nge kum kedə̄ oy tītə̄ ń de kə́ mbóo oyń ní ō, i nin̄ mbak n əga kem de gə̄ dɔdə́ tə́ to̰ aĺ ní ō. Yá̰a̰ to tītə̄ ń noō i najə̄ rí tə́ ō?

PĀ GƏ̄ 49:11

Tá de gə̄ a̰a̰n̄ de kə́ ngáā gə̄ loo koy tə́ kə de kə́ mbóó ngá̰ý ō, kə de kə́ ger̄ najə̄ aĺ ō. Nin̄ oyn̄ ba əya̰n̄ yá̰a̰ kənge yādə́ gə̄ adə̄n̄ de kə́ rang gə̄.

KOHELET 6:8

Tɔdɔ̄ yá̰á̰ ń de kə́ ngáā ənge tɔȳ yā de kə́ mbóó ní i rí? Ger̄ ń de kə́ nge rɔ̄ tō ndoō ger̄ ngatə́rā dɔ rɔ̄n tə́ dɔ nang tə́ ní teēn i rí?