KOHELET 2:13 - Bibəl ta Sar̄

¹³ Yá̰á̰ ń m-á̰a̰ā̰ ní n toó: Kum kedə̄ rāā majə kə deē tɔȳ mbóo, tītə̄ ń loo kə́ unjə̄ kow rāań majə kə deé tɔȳ til ni.

Bible sar

¹³ Yá̰á̰ ń m-á̰a̰ā̰ ní n toó: Kum kedə̄ rāā majə kə deē tɔȳ mbóo, tītə̄ ń loo kə́ unjə̄ kow rāań majə kə deé tɔȳ til ni .

KOHELET 2:13 Referans Kwoze

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

MATIYE 6:23

Ba ré mo̰y kógə̄ḿ rāā kumií anī, rɔ̄í malang i kum til tə́. Adə̄ ré loo kə́ unjə̄ kow kə́ kemií tə́ i til anī, til ń noō i kə́ to kəda aĺ bátə́.

KOHELET 11:7

Loo kə́ unjə̄ kow i yá̰á̰ kə́ majə ō, ka̰a̰ mbang i yá̰á̰ kə́ nel̄ deē ō.

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

PĀ GƏ̄ 119:105

Najə̄ yāí i hor lámbá kə́ unjə̄ kété noḿ tə́, kadə̄ m-á̰a̰ń loo m-ə̄ndań njaḿ. I hor kə́ unjə̄ dɔ róbə yāḿ tə́.

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

KOHELET 9:16

Tā anī mā m-ə́da na kum kedə̄ i só tə́ tɔȳ tɔ́gə deē. Banī de gə̄ kídə̄n̄ kum kedə̄ yā nge ndoō ō, deē oō yā n aĺ ō.

KOHELET 7:19

Kum kedə̄ rāā adə̄ nge kum kedə̄ ngan̄g tɔȳ ngé ko̰o̰ ɓē gə̄ kutə kə́ ndin̄ kem ɓē kə́ kógə̄ḿ beē tə́.

Gōsə̄ najə̄ gə̄ 16:16

Sāā kum kedə̄ kəngen i só tə́ tɔȳ lɔ́ŕ kə́ unjə̄ njáý njáý ō, sāā ger̄ kum yá̰a̰ kəngen i só tə́ tɔȳ gində̄ arjā̰a̰ ō.

PĀ GƏ̄ 119:130

Najə̄ yāí kə́ teē dɔ tə́ teē kum deē dɔ yá̰á̰ tə́, rāā adə̄ ngé kum gān̄g aĺ gə̄ gerə̄n̄ kəndā ma̰ȳ yá̰a̰.

KOHELET 10:10

Loo ń ré kə̄ngā atə aĺ ō, deē ɔl ta aĺ ō anī, deē a ɔsə rɔ̄n i kə̄ naā tə́ tá a tə́gań yá̰a̰. Tɔdɔ̄ yá̰á̰ ń deē rāań yá̰a̰ kə gōó anī a teēn yá̰á̰ tə́ ní i kum kedə̄.

Gōsə̄ najə̄ gə̄ 14:8

Kum kedə̄ yā nge kəndā kum kedə̄ dɔ rɔ̄n tə́ i rāā yá̰á̰ kə́ kadə̄ de gə̄ gerə̄n̄ kum. Banī mbóo gə̄ ndómə̄n̄ sɔɔ̄ń kur̄ dɔdə́ kə́ gətóo.