KOHELET 2:10 - Bibəl ta Sar̄

¹⁰ Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

Bible sar

¹⁰ Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

KOHELET 2:10 Referans Kwoze

KOHELET 9:9

Dan ń ī-ndi kə kumií kem ndɔ̄ gə̄ kə́ kanjə̄ kumən ń Nə́ɓā adī dɔ nang tə́ ní, ī-rāā rɔ̄nel̄ kə dəyá̰ ń ī-tárən ní. Tɔdɔ̄ núsə́ yá̰á̰ kə́ tām̄ yāí tə́ ō, kə́ tū kəla ń ī-rāā tə́ ní ō, dɔ nang tə́ ní n noó.

KOHELET 5:18

Dan kə́ madə̄ gə̄ tə́ anī Nə́ɓā adə̄ deē kógə̄ḿ a ənge yá̰a̰ ō, a rāā kadə̄ kɔ́ɔ̄ rāā rɔ̄nel̄ yá̰á̰ ń ɔsə dɔ naā tə́ ní ō. Ni asə kun núsə́ yá̰á̰ ń i kə sɔɔ̄ dɔn ní ō, rāań rɔ̄nel̄ ō, tɔdɔ̄ i tətōn nəkɔ́. Nge ń noō i kadə̄ karī yā Nə́ɓā.

KOHELET 3:22

Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

PĀ GƏ̄ 119:37

Ún kumḿ kɔ̄ɔ́ ta yá̰á̰ gól̄ tə́ ō, ɔ́jəm̄ ta róbə yāí tá kadə̄ m̄-ndi kə kumḿ gogə́ ō.

PĀ GƏ̄ 128:2

Əsa tətōí īkɔ́ a ā ī-ndi majə ō rɔ̄í a nelī ō!

1 JA̰A̰ 2:16

Tɔdɔ̄ yá̰á̰ kə́ dɔ nang tə́ laā gə̄ malang, adə̄ i ngur yá̰a̰ ō, ndə̄ngā yá̰a̰ ō, kɔjə rɔ̄ kə́ tām̄ yá̰a̰ kənge tə́ ō ní, ḭḭn̄ i rɔ̄ Bɔbə̄ Ngōn̄ tə́ alé, ba i dɔ nang tə́ laā.

KOHELET 2:22

Beé ní kəla malang ń kem deē i dɔ tə́ ngá̰ý á a̰a̰ tápə̄ loo rāān tə́ kum mbang tə́ ní a ənge rí i gírí?

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

KOHELET 6:9

Ka̰a̰ kə kumuú i só tə́ tɔȳ ɓō yá̰á̰ kə́ rāā deē: Nge ń noō i yá̰á̰ kə́ kanjə̄ kumən kə́ to tītə̄ loo ngɔ̄də̄ gō nél yā kəhɔn beé.

Gōsə̄ najə̄ gə̄ 23:5

Kumií a a̰a̰ yá̰a̰ kənge ba sḛy beē a gətóo kɔ̄ɔ́, tɔdɔ̄ ni ger̄ kḭḭ bɔ̄gə̄! Ni a ḭḭ bɔ̄gə̄ kum kə̄ dɔ rā̰ tə́ tītə̄ kə̄rō beé.

Makətūbə̄ yā Job 31:1

J-oō naā jḭḭ kə kumḿ, kadə̄ m-ə̄ndā kumḿ dɔ ngōmandə kə́ ger̄ dəngam aĺ tə́.

NGÉ SARYA 14:2

Ni-tél aw̄ ɓēé əda bɔbə̄n nin̄ kə kó̰o̰neé na n-a̰a̰ dəyá̰ kógə̄ḿ dan ngán Pilistin kə́ dəyá̰ gə̄ tə́, ba n-gḛy kadə̄ kə taānən̄ kə adə̄nən̄.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

KOHELET 5:10

Loo ń yá̰a̰ kənge i ngá̰ý anī, ngé kəsan gə̄ i ngá̰ý ō. Yá̰á̰ ń kɔ́ɔ̄n a ənge gírí ní i ka̰a̰ yá̰a̰ kənge yā n kə kumneé ngóy aĺ a?

KOHELET 6:2

Tītə̄ ń toō Nə́ɓā adə̄ deē kógə̄ḿ yá̰á̰ ngá̰ý ō, adə̄n yá̰a̰ kənge gə̄ ō, kɔsə gɔn ō, yá̰a̰ malang ń kemən gḛy ní ənge ō, banī Nə́ɓā əya̰n adə̄ əsa yá̰a̰ yān ní alé, ba i de kə́ rang n i nge kəsa ní. Nge ń noō i yá̰á̰ kə́ kanjə̄ kumən ō, i yá̰á̰ kə́ majaĺ kə́ tōr̄ ngá̰ý ō,

KOHELET 9:6

Tár yādə́ ō, kim̄ yādə́ ō, kəndā ni yādə́ ō ní oyn̄ naā tə́ sedə́ ō, yá̰a̰ malang ń a rāā yá̰a̰ dɔ nang tə́ ní, nin̄ a gətóon̄ kum tə́ i kə́ bátə́ gə̄ tə́ ō.

KOHELET 2:1

M-ə́da kə̄ kemḿ mə̄kɔ́ tə́ na: M-ā m̄-nāā rāā rɔ̄nel̄ ō, ndi majə ō yā ka̰ā̰, anī nge ń noō i yá̰á̰ kə́ kanjə̄ kumən ō.

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

KOHELET 5:17

Yá̰á̰ kə́ majə ń mā m̄-ger̄ ní n toó: I kadə̄ deē əsa ō a̰ȳ ō, ənge rɔ̄nel̄ tū kəla malang ń ni-rāā dɔ nang tə́ ní ō, kem ndɔ̄ gə̄ ń Nə́ɓā adə̄n kadə̄ ndiń kə kumneé tə́ ní, tɔdɔ̄ nge ń noō i núsən yān ń i kə́ sɔɔ̄ dɔn.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.