KOHELET 2:1 - Bibəl ta Sar̄

¹ M-ə́da kə̄ kemḿ mə̄kɔ́ tə́ na: M-ā m̄-nāā rāā rɔ̄nel̄ ō, ndi majə ō yā ka̰ā̰, anī nge ń noō i yá̰á̰ kə́ kanjə̄ kumən ō.

Bible sar

¹ M-ə́da kə̄ kemḿ mə̄kɔ́ tə́ na: M-ā m̄-nāā rāā rɔ̄nel̄ ō, ndi majə ō yā ka̰ā̰, anī nge ń noō i yá̰á̰ kə́ kanjə̄ kumən ō.

KOHELET 2:1 Referans Kwoze

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

JAKƏ 5:5

Sḭḭ̄ ī-ndiī dɔ nang tə́ i dan yá̰á̰ kə́ majə gə̄ tə́ ō, i dan rɔ̄nel̄ tə́ ō, sḭḭ̄ ə̄ndāī mbóĺsí tām̄ yā ndɔ̄ tɔ̄l̄sí tə́ ō.

JAKƏ 5:1

Ngɔlaā ní, sḭḭ̄ ngé kənge yá̰á̰ gə̄, ə́gaī kɔŕ ō ī-nōōī ō, tām̄ yā yá̰á̰ kə́ to kum tō ndoō gə̄ ń a reēn̄ kə̄ dɔsí tə́ ní.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.

JAKƏ 4:13

Ba ngɔlaā sḭḭ̄ ń ə́daī na ɓōólaā, aláa bírí anī ā āwī kem ɓē ń noō tə́ ō, ā ī-ndiī tū tə́ ɓāl̄ kógə̄ḿ ō, ā ī-rāāī gātə̄ kadə̄ ā ə́ngeī nar ō,

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

Najə̄ kə́ Majə yā Jeju ń Luk ndang ní 16:19

Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

IJAI 50:11

Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

IJAI 50:5

Kɔ́ɔ̄ɓē Nə́ɓā teē ta mbīḿ, adə̄ m̄-dum̄ naā aĺ ō, m̄-tél kə̄ gogə́ aĺ ō.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

KOHELET 7:4

Ngarā̰ kem ngé kum kedə̄ gə̄ i kem kújə́ ń de gə̄ a nōōn̄ yo tū tə́ ní tə́ ō, ngarā̰ kem de kə́ mbóo gə̄ i kem kújə rɔ̄nel̄ tə́ ō.

KOHELET 2:15

Tā anī m-ə́da kə̄ kemḿ tə́ na: Yá̰á̰ ń rāā de kə́ mbóó ní a rāām̄ mā ō, ní m̄-sāā kadə̄ kumḿ mā kə edə̄ ngá̰ý i najə̄ rí tə́? I yá̰á̰ kə́ kanjə̄ kumən ō.

PĀ GƏ̄ 14:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. De kə́ mbóo gə̄ ədan̄ naā dɔ dandə́ tə́ na Nə́ɓā na gətóo! Nin̄ i de kə́ nujə kɔ̄ɔ́ gə̄. Yá̰a̰ rāādə́ to yḛr kum. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo.

PĀ GƏ̄ 10:6

Ni-əda kə̄ kemən tə́ na: Yá̰á̰ a yéȳm̄ yek alé, yá̰á̰ kə́ to kum kaȳ aĺ a əsō dɔḿ tə́ aĺ bátə́!

2 MBAN̄G 5:5

Anī mban̄g əda na: Majə, āw̄ ə́nge mban̄g kə́ Samari kə makətūbə̄ ń m-ā m-ādī kadə̄ āwń ādə̄n ní. Ādə̄ Naaman əsō róbó aw̄. Ni ɔy gində̄ arjā̰a̰ kə́ kɔȳn i kəlōo ɓú mətá o, lɔ́r kə́ kɔȳn i kəlōo kutə mehḛ́ ō, kūbə̄ gə̄ kə́ yā kəla rɔ̄ tə́ ndɔ̄ nāā gə̄ tə́ kutə kógə̄ḿ ō, jīn tə́.

TA KƏLA 11:7

Jə-risə j-aw̄ jə-tə́laī ta yādə́ naā tə́, ādə̄ oōn̄ ta yā naā to̰ alé.

Najə̄ kə́ Majə yā Jeju ń Luk ndang ní 16:23

Dan ń nge kənge yá̰a̰ ngeé ń toō a̰a̰ tápə̄ ngá̰ý loo kə́ ɓádá tə́ ní a, ənī kumən kə̄ dɔɔ́ anī, a̰a̰ Abəraham sa̰y ō, Lajar kə́ ndi kadən tə́ ngɔr ō.

IJAI 5:5

I beé ní, m̄-ndigə kədasí yá̰á̰ ń m̄-sāā rāā kə ndɔr̄ kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.

Gōsə̄ najə̄ gə̄ 14:13

Kəgō kə́ ta deē tə́ a asə ɓɔ̄ɔ̄ dɔ rɔ̄ tōr̄ yān gə̄ ō, rɔ̄nel̄ a əya̰ loo adə̄ wur katə ō.

KOHELET 2:10

Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

KOHELET 2:25

Tɔdɔ̄ ni-əda na: I náā n asə kəsa yá̰a̰ ō sōl̄ ō kanjə̄ kadə̄ mā m̄-ger̄ gō ní?