KOHELET 12:7 - Bibəl ta Sar̄

⁷ Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

Bible sar

⁷ Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

KOHELET 12:7 Referans Kwoze

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

PĀ GƏ̄ 146:4

Koōdə́ a teē kɔ̄ɔ́, a télən̄ bumbə́rú gogə́. Ndɔ̄ ń noō tə́ ní, yá̰a̰ gə̄ ń nin̄ nómə̄n̄ rāā ní a tɔ̄ɔ̄ kɔ̄ɔ́ malang.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

TA KƏLA 2:7

Kɔ́ɔ̄ɓē Nə́ɓā ɔy nán̄g əɓāń deē. Ni-əla koō ndi kə kumuú kónən tə́ adə̄ tél de kə́ kə kumuú.

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

PĀ GƏ̄ 90:3

Ḭ̄ ī-rāā ādə̄ de gə̄ télən̄ nán̄g gogə́. Tɔdɔ̄ ə́da na: Ngán Adam gə̄, ī-tél āwī gogə́ loo ń ī-teēī tū tə́ ní tə́!

Makətūbə̄ yā Job 20:11

Kem kə̄ngān ngan̄g tītə̄ yā de kə́ balsáa beé ɓá tā, ba ni a oy i kə balsáaneé.

TƏ́DA 27:16

Kɔ́ɔ̄ɓē Nə́ɓā, ḭ̄ ń ī-rāā de gə̄ malang ādə̄ ndin̄ kə kumdə́ ní, ə̄ndā deē kógə̄ḿ dɔ ngán Israel gə̄ tə́,

HEBƏRO 12:23

Sḭḭ̄ ī-ndɔ́tī i kə̄ rɔ̄ ngé kán̄ naā gə̄ ń i ngáń hágə gə̄ yā Nə́ɓā, kə́ ndangən̄ rīdə́ dɔ rā̰ tə́. Sḭḭ̄ ī-ndɔ́tī i kə̄ rɔ̄ Nə́ɓā nge ngān̄g sarya yā de gə̄ malang tə́ ō, kə̄ rɔ̄ ndíl de kə́ súmūú gə̄ n télən̄ kə́ majə ɔtə̄ kə taá gə̄ tə́ ō.

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

JEREMI 38:16

Tā anī mban̄g Sedekias ənī ndūn adə̄ Jeremi loo mundə̄ tə́ əda na: Tītə̄ ń Kɔ́ɔ̄ɓē ndiń kə kumneé noō ō, ajəńjí ō ní, m-ā m̄-tɔ̄lī aĺ ō, m-ā m-ə́laī jī ngé ndə̄ngāí yo tə́ aĺ ō.

TA KƏLA 18:27

Abəraham tél əda na: Kɔ́ɔ̄ɓē, ī-mā̰ȳ rɔ̄í dɔḿ tə́, tɔdɔ̄ mā i bumbə́ru ō, bū ō, ba m̄-nāā kɔr̄ najə̄ seí.

Makətūbə̄ yā Job 7:21

Ásə́ tə́gā taí dɔ mbātə́ najə̄ yāḿ tə́ aĺ a? Yá̰á̰ kə́ gōtə́ aĺ ń m̄-rāā ní ásə kəya̰ gō kɔ̄ɔ́ aĺ a? Tɔdɔ̄ ń toō ní, m̄-to i kum bumbə́rú tə́ kɔ̄ɔ́ ɓá. Ā ī-sāām̄, banī mā m̄-gətóo kɔ̄ɔ́.

Najə̄ kə́ Majə yā Jeju ń Luk ndang ní 23:46

Anī Jeju əga kɔŕ ngá̰ý əda na: Bɔbə́ḿ, m-ə́yá̰ ndílə́ḿ kem jīí tə́. Dan ń əda najə̄ ń noō oy anī, əhɔ tan kə̄ naā tə́.

KƏLA RĀĀ 7:59

Dan ń a tə́nīn̄ Etiyen ní, Etiyen ɓāŕ Kɔ́ɔ̄ɓē əda na: Kɔ́ɔ̄ɓē Jeju, ī-taā ndílə́ḿ!

PĀ GƏ̄ 103:14

Ni ger̄ yá̰á̰ ń ló̰ȳ əɓān̄neéjí ní majə, əga kemən kadə̄ jḭḭ̄ i bumbə́ru.

PĀ GƏ̄ 104:29

Ī-tūr̄ gidií kɔ̄ɔ́ tadə́ tə́ anī ɓōĺ rāādə́ ngá̰ý. Ɔ̄r̄ koō yāí kə́ kemdə́ tə́ kɔ̄ɔ́ anī oyn̄ mak ō, télən̄ bumbə́ru gogə́ ō.

PĀ GƏ̄ 31:6

Kɔ́ɔ̄ɓē, Nə́ɓā kə́ rɔ̄kum, ḭ̄ ń ī-gān̄g dɔḿ ní, m-ə́yá̰ ndílə́ḿ kem jīí tə́.