KOHELET 12:13 - Bibəl ta Sar̄

¹³ Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

Bible sar

¹³ Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

KOHELET 12:13 Referans Kwoze

NDŪ NAJƏ̄ 10:12

Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

NDŪ NAJƏ̄ 6:2

I beé n ā ī-ndóōīneé loo ɓōĺ Ndíĺ Kɔ́ɔ̄ɓē Nə́ɓā yāsí kə dɔ ndɔ̄ gə̄ malang ń ā ī-ndiīneé kə kumsí ní ō, ā ī-ndóōīneé loo ngɔ̄m̄ ndū najə̄ gə̄ ō, yá̰á̰ kə́ yā rāā gə̄ ō ń m-ādə̄sí ní. M-ādə̄sí i sḭḭ̄ ō, ngáńsí gə̄ ō, ngán kaasí gə̄ ō, yā kadə̄ ī-ndiīneé ta kaw̄ jóo.

PĀ GƏ̄ 111:10

Ɓōĺ ndíl Kɔ́ɔ̄ɓē i ta kəla gír kum kedə̄. Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá kadə̄ nin̄ i de kə́ ngé ger̄ najə̄ gə̄. Tɔ̄ȳ yā Kɔ́ɔ̄ɓē to ngándáńg.

Makətūbə̄ yā Job 28:28

Gō tə́ anī əda deē ndul na: Yá̰á̰ ń i kum kedə̄ ní, i ɓōĺ ndíĺ Kɔ́ɔ̄ɓē! Yá̰á̰ ń i ger̄ yá̰á̰ ní, i ka̰a̰ yá̰á̰ kə́ majaĺ a ka̰ȳ kɔ̄ɔ́ ta tə́!

PĀ GƏ̄ 145:19

Ni i nge rāā kem ndigə yā ngé ɓōĺ ndílən gə̄. Ni oō nōō yādə́ ō ajədə́ ō.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

Najə̄ kə́ Majə yā Jeju ń Luk ndang ní 1:50

Kem majə yān a to ngándáńg tām̄ yā ngé ɓōĺ ndílən gə̄ tə́.

Gōsə̄ najə̄ gə̄ 19:23

Ɓōĺ ndíĺ Kɔ́ɔ̄ɓē a rāā kadə̄ deē ndi kə kumneé ō, a rāā kadə̄ yá̰a̰ gə̄ ń kemən gḛy ní a əngedə́ ngá̰ý ō, a rāā kadə̄ deē ɓīī ndɔ̄ɔ́ kanjə̄ kadə̄ yá̰á̰ kə́ to kum kaȳ aĺ kógə̄ḿ teē dɔn tə́ ō.

Gōsə̄ najə̄ gə̄ 1:7

Ɓōĺ ndíĺ Kɔ́ɔ̄ɓē i ta kəla gír ger̄ yá̰a̰. I de kə́ ngáā aĺ gə̄ n a rāān̄ yá̰á̰ ndóō ō, kum kedə̄ ō mbóó tə́ ní.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

KOHELET 5:7

Ré á̰a̰ā̰ kadə̄ rāān̄ kum de kə́ nge rɔ̄ tō ndoō ndoō tə́ ō, rāān̄ yá̰á̰ kə́ súmūú aĺ ō, yá̰á̰ kə́ gōtə́ aĺ ō, kem ɓēé anī, ādə̄ ɔr kumií alé. Tɔdɔ̄ deē ń ndi loo kə́ bo tə́ ní, əndān̄ de kə́ rang kə́ bo tɔȳn dɔn tə́. Nin̄ jōó mbak ní tə́ndān̄ de kə́ rang kə́ bo tɔȳdə́ gə̄ dɔdə́ tə́ kadə̄ əndān̄ kumdə́ gíŕdə́ tə́ ō.

JEJU TEĒ KUM JA̰A̰ 19:5

Anī ndū deē kógə̄ḿ teē tū kōr̄ kāgə̄ mbang ní tə́ əda na: Sḭḭ̄ ngé kəla gə̄ malang yā Nə́ɓā yājí, adə̄ i sḭḭ̄ de kə́ dūú gə̄ ō, de kə́ tɔgə gə̄ ō ń ī-ɓōlíī ndílən ní, ī-ɓōkə́niī tɔ̄ȳ.

1 PIYER 2:17

Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.

Gōsə̄ najə̄ gə̄ 23:17

Ī-lōō kadə̄ kemií gḛy ndájə̄ ngé rāā yá̰a̰ majaĺ gə̄. Banī dəloí bátə́ kadə̄ loo tíbəń ní ādə̄ ī-ɓōĺ ndíĺ Kɔ́ɔ̄ɓē kemií tə́.

NDŪ NAJƏ̄ 4:2

Yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ní, ā ə̄nīī kə́ rang dɔ tə́ aĺ ō, ā ə́ya̰ī kógə̄ḿ kɔ̄ɔ́ aĺ ō, ba ā ī-ngɔ̄mīdə́.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

KOHELET 6:12

Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

KOHELET 2:3

m̄-gḛy nāā rāā rɔ̄nel̄ ń kasə nduú a adə̄ deē ní ō, m̄-gḛy ndájə̄ yá̰a̰ rāā de kə́ mbóo gə̄ ō, kanjə̄ kəya̰ rɔ̄ḿ kadə̄ yá̰á̰ kə́rēý o̰o̰ ɓē dɔ tə́. m̄-sāā ger̄ kum yá̰á̰ kə́ to só tə́ ń kadə̄ deē ndul gə̄ rāān̄ dan ń ndin̄neé kə kumdə́ dɔ nang tə́ ní.

1 SAMUEL 12:24

Ba yá̰á̰ ń kadə̄ sḭḭ̄ ī-rāāī ní i ɓōĺ Kɔ́ɔ̄ɓē ō, i rāā kəla yān kə gō róbə́ kə́ súmūú ō, kə ngarang kemsí gēé malang ō. Tɔdɔ̄ á̰a̰ī yá̰á̰ kə́ to ɓōĺ ngá̰ý gə̄ ń ni-rāā tām̄ yāsí tə́ ní.

KOHELET 3:14

Mā m̄-gír̄ kadə̄ yá̰a̰ malang ń Nə́ɓā rāā ní a to ngándáńg. Yá̰á̰ kə́ kadə̄ deē ənī ta tə́ gətóo ō, yá̰á̰ kə́ tū tə́ kə́ kadə̄ deē ɔr̄ kɔ̄ɔ́ gətóo ō. Nə́ɓā rāā tītə̄ ń noō yā kadə̄ deē ɓōlə́nń ndílən dan ń deē ra ta kumən tə́ ní.

KOHELET 7:18

Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.

KOHELET 8:5

Gō míndə ń ni-əndā dɔ de gə̄ tə́ kadə̄ rāān̄ ní, deē ń rāā anī yá̰á̰ kə́ majaĺ a əsō dɔn tə́ alé. Ba nge kum kedə̄ ger̄ kemən tə́ majə kadə̄ kum mbang kə́rēý tə́ a Nə́ɓā a gān̄g sarya.

NDŪ NAJƏ̄ 4:10

Ādə̄ əga kemsí dɔ ndɔ̄ ń āw̄ ī-rāīneé no Kɔ́ɔ̄ɓē Nə́ɓā yāsí tə́ nja mbal̄ Horeb tə́ ní. Kɔ́ɔ̄ɓē ədam̄ na: Ɔ́sə dɔ gír de gə̄ kə̄ naā tə́ rɔ̄ḿ tə́ ādə̄ m-ɔ̄r̄ najə̄ sedə́, kadə̄ ndóōn̄ loo ɓōĺ ndílə́ḿ dan ń a ndin̄neé kə kumdə́ dɔ nang tə́ ní ō, kadə̄ ndóōn̄ ngáńdə́ gə̄ kadə̄ gerə̄n̄ ō.

NDŪ NAJƏ̄ 10:20

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

1 MBAN̄G GƏ̄ 2:3

Ī-ngɔ̄m̄ yá̰a̰ gə̄ ń Kɔ́ɔ̄ɓē Nə́ɓā yāí əda kadə̄ yā ngɔ̄m̄ ní ō, ún gō róbə yān gə̄ ō, ī-ngɔ̄m̄ ndū najə̄ yān gə̄ ō, gō míndə gə̄ ń ni-əda kadə̄ yā rāā ní ō, jī bēl̄ loo rāā yá̰a̰ yān gə̄ ō, ī-rāā yá̰a̰ gə̄ ń ni-ɔsə seí ta rāā ní ō, tītə̄ ń i kə́ ndangəń kem ndū najə̄ yā Moijə tə́ ní. I beé tá yá̰a̰ malang ń ā ī-rāā ní a teē yá̰a̰ majə.