KOHELET 12:11 - Bibəl ta Sar̄

¹¹ Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

Bible sar

¹¹ Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

KOHELET 12:11 Referans Kwoze

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

JEREMI 23:29

Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

2 KORḚNTƏ 10:4

Tɔdɔ̄ yá̰a̰ rɔ̄ɔ̄ gə̄ ń j-a jə-rɔ̄ɔń ní, i deē ndul n rāā ní alé. Ba i yá̰a̰ rɔ̄ɔ̄ kə́ ngan̄g gə̄ yā Nə́ɓā yā nujəń kújə́ kə́ ngan̄g gə̄. Jə-nujə gír̄ kə́ gō tə́ aĺ gə̄ kɔ̄ɔ́ ō,

JA̰A̰ 3:10

Anī Jeju ədan na: Ḭ̄ i nge kɔjə ngáń Israel gə̄ yá̰a̰, anī ī-ger̄ yá̰a̰ gə̄ ń toō aĺ a?

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

Gōsə̄ najə̄ gə̄ 22:17

Ī-nēl̄ mbīí ōoń najə̄ kɔr̄ ngé kum kedə̄ gə̄ ō, ə̄ndā kumií gíŕ yá̰á̰ ń m̄-ger̄ tə́ ní ō.

Gōsə̄ najə̄ gə̄ 1:6

I kadə̄ deē gerə̄ń kum gōsə̄ najə̄ gə̄ ō, kum najə̄ kə́ to loo ɓɔ̄ɔ̄ tə́ gə̄ ō, kadə̄ deē gerə̄ń kum najə̄ kɔr̄ ngé kum kedə̄ gə̄ ō, kum səngó yādə́ gə̄ ō.

JA̰A̰ 10:14

Mā i nge kul̄ kə́ majə, adə̄ m̄-ger̄ batə̄ yāḿ gə̄ ō, nin̄-ger̄mə̄n̄ ō,

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

IJAI 22:23

M-ā m-ə́lan nang tə́ tītə̄ kāgə̄ kə́ kəla nang tə́ loo kə́ ngan̄g tə́ beē ō, de gə̄ a ɔsən̄ gɔn kojə yā bɔbə̄n i kə ta kūl̄neé ō.

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

PĀ GƏ̄ 23:1

Pā yā Dabid. Kɔ́ɔ̄ɓē i nge kulə̄ḿ, adə̄ m-ā m̄-nal̄ yá̰a̰ alé.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

ESDRAS 9:8

Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

TA KƏLA 49:24

ba ga̰ gərā yān ngan̄g. Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə. I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō, mbal̄ ń Israel ndə̄nā rɔ̄n tū tə́ ní ō.

KOHELET 7:5

Koō kɔ̄l̄ yā de kə́ nge kum kedə̄ i só tə́ tɔȳ koō pā yā mbóo gə̄.

KOHELET 10:12

De gə̄ ndigən̄ najə̄ kɔr̄ nge kum kedə̄, banī ndigən̄ de kə́ mbóo alé i tām̄ najə̄ kɔrə̄n gə̄ tə́.

Gōsə̄ najə̄ gə̄ 10:21

Najə̄ kɔr̄ de kə́ súmūú rāā majə kə kósə de kə́ ngá̰ý gēé, banī ngé kur̄ dɔ gətóo gə̄ a oyn̄ sɔɔ̄ń kur̄ dɔdə́ kə́ gətóo.