KOHELET 11:8 - Bibəl ta Sar̄

⁸ Ré deē ndi kə kumneé ɓāl̄ ngá̰ý anī, ādə̄ rāā rɔ̄nel̄ kem ɓāl̄ gə̄ ń noō tə́ malang, banī ādə̄ əga kemən dɔ tə́ na ndɔ̄ kə́ majaĺ gə̄ i ngá̰ý ō, yá̰a̰ malang kə́ a reē ɓáý i yá̰á̰ kə́ kanjə̄ kumən ō.

Bible sar

⁸ Ré deē ndi kə kumneé ɓāl̄ ngá̰ý anī, ādə̄ rāā rɔ̄nel̄ kem ɓāl̄ gə̄ ń noō tə́ malang, banī ādə̄ əga kemən dɔ tə́ na ndɔ̄ kə́ majaĺ gə̄ i ngá̰ý ō, yá̰a̰ malang kə́ a reē ɓáý i yá̰á̰ kə́ kanjə̄ kumən ō.

KOHELET 11:8 Referans Kwoze

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

KOHELET 7:14

Ndɔ̄ kə́ majə tə́ anī ādə̄ rɔ̄í nelī, banī ndɔ̄ yá̰á̰ kə́ to kum kaȳ aĺ tə́ anī á̰a̰ā̰: Nge ń toō ō nge ń noō ō ní, Nə́ɓā rāādə́ i yā kadə̄ deē gerə̄ń yá̰á̰ ń a to gotən tə́ ní alé.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

KOHELET 6:11

Dan ń najə̄ i ngá̰ý anī, yá̰á̰ kə́ kanjə̄ kumən i ngá̰ý ō. I rí kə́ tɔȳ nge ń noō n deē ənge ní?

MATIYE 22:13

Anī mban̄g əda ngé kəla yān gə̄ na: Ī-tó̰ō̰ī jīn gə̄ kə njan gə̄ ba ə̄nīniī ndágá kum til tə́. De gə̄ a nōōn̄ ō, a máyā̰n̄ gɔgədə́ ō, i loo ń noō tə́.

KOHELET 6:6

Ká ré deē ngeé ń toō ndiń kə kumneé ɓāl̄ dūbú nja jōó gə̄gē, a ger̄ yá̰á̰ ń i ndi dan majaá ní alé. Tɔdɔ̄ yá̰a̰ malang ń ndi kə kumneé ní ta tɔ̄l̄ tan i yo.

KOHELET 4:16

De gə̄ malang ń ni i ngār yādə́ ní, i kósə de gə̄ kə́ dum̄ tə́da kutədə́. Ɓá tā ba ngáńdə́ gə̄ ń a utə̄n̄ gōdə́ ní rɔ̄də́ a nel̄də́ ngá̰ý tām̄ yā ngār ní tə́ alé. Tɔdɔ̄ nge ń noō i yá̰á̰ kə́ kanjə̄ kumən kə́ tītə̄ loo ngɔ̄də̄ gō nél yā kəhɔn.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

KOHELET 2:19

Deē ní kumən a edə̄ a deē ger̄ aĺ ō, i de kə́ a mbóo a deē ger̄ aĺ ō. Ni a téĺ kɔ́ɔ̄ kəla malang ń m̄-rāā kə kum kedə̄ yāḿ kum mbang tə́ ní: Nge ń noō i yá̰á̰ kə́ kanjə̄ kumən ō.

KOHELET 2:17

I beé ní ndi kə kumuú i yá̰á̰ kə́ nelə̄m̄ aĺ ngá̰ý, tɔdɔ̄ kəla ń de gə̄ rāān̄ dɔ nang tə́ ní i yá̰á̰ kə́ majaĺ ta kumḿ tə́: Yá̰a̰ malang i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

KOHELET 2:15

Tā anī m-ə́da kə̄ kemḿ tə́ na: Yá̰á̰ ń rāā de kə́ mbóó ní a rāām̄ mā ō, ní m̄-sāā kadə̄ kumḿ mā kə edə̄ ngá̰ý i najə̄ rí tə́? I yá̰á̰ kə́ kanjə̄ kumən ō.

Makətūbə̄ yā Job 18:18

A mbərenən̄ dan loo kə́ unjə̄ kow tə́ yā kənīn kum til tə́ ō, a tə̄ɓānən̄ kɔ̄ɔ́ dɔ nang ń de gə̄ ndin̄ tū tə́ i kə́ njɔ́ḿ gə̄ tə́ ní ō.

Makətūbə̄ yā Job 15:23

Əndānən̄ i kə rī kadə̄ ni i dā̰ yā māl̄ gə̄. Ni ger̄ kadə̄ yá̰á̰ ń to a ngóō tan ní, i ndɔ̄ kə́ risə til nding.

Makətūbə̄ yā Job 14:10

Banī go̰ rɔ̄ɔ̄ a oy ō, a sitə̄ ō. Dan ń koō deē teē kɔ̄ɔ́ ní ni i rá?

Makətūbə̄ yā Job 10:22

I ɓē kə́ ta gír loo kə́ tū tə́ i loo kə́ ndɔ̄ɔ́ kə́ risə til nding. I ɓē kə́ ndíl yo utə̄ dɔ yá̰á̰ kə́ ka̰a̰ gō naā aĺ gə̄ kə́ tū tə́ kɔ̄ɔ́ ō, loo kə́ kadá kə́ tū tə́ i tītə̄ loo kə́ ndɔ̄ɔ́ kə́ risə til nding ō.

KOHELET 9:7

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

KOHELET 11:2

Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

Makətūbə̄ yā Job 10:21

pá tá kadə̄ m-ā m-āw̄ kə̄ ɓē kə́ til ō, ndíl yo ō i tū tə́ tə́ kanjə̄ tél.

Makətūbə̄ yā Job 14:12

De gə̄ ń oyn̄ ní a ḭḭn̄ dɔɔ́ alé. Nin̄ a ndólə̄n̄ aĺ ō, a ḭḭn̄ dɔ ɓīī tə́ aĺ ō, bátə́ kadə̄ dɔ rā̰ gətóoń kɔ̄ɔ́.

PĀ GƏ̄ 49:20

Ɓá tā ba i gáŕ kadə̄ a oy yā kaw̄ gō kaan gə̄ tə́. Kaan gə̄ ní a a̰a̰n̄ loo kə́ unjə̄ kow to̰ aĺ i kə́ bátə́ gə̄ tə́.