KOHELET 11:6 - Bibəl ta Sar̄

⁶ Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

Bible sar

⁶ Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

KOHELET 11:6 Referans Kwoze

IJAI 55:10

Man̄ ō, néjə ō, ḭḭn̄ dɔ rā̰ tə́ tə́sōn̄. Nin̄ tél aw̄n̄ gogə́ dɔ rā̰ tə́ kanjə̄ rāā kadə̄ yá̰á̰ kógə̄ḿ to alé. Nin̄ rāān̄ adə̄ dɔ nang yḭ̄l̄ ō, teē yá̰a̰ ō, kum yá̰a̰ gə̄ əɓan̄ ō. I tītə̄ ń noō n nin̄ a adə̄nəń de gə̄ kum yá̰á̰ kə́ yā dubə̄ ō, yá̰á̰ kə́ yā kəsa ō ní.

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.

2 KORḚNTƏ 9:6

Ādə̄ əga kemsí dɔ najə̄ ń toō tə́: Nge ń ənda i sḛ́ý beē anī a əja i sḛ́ý beē ō, nge ń ənda i ngá̰ý anī a əja i ngá̰ý ō!

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

KOHELET 9:1

A̰á̰ā̰, m-ə̄ndā kumḿ gír yá̰a̰ gə̄ ń noō tə́ malang, anī yá̰á̰ ń m-á̰a̰ā̰ ní n toó: De kə́ súmūú gə̄ ō, de kə́ ngé kum kedə̄ gə̄ ō ní, nin̄ i kem jī Nə́ɓā tə́ kə kəla yādə́ gēé. Yá̰á̰ ń deē ndul ger̄ danən aĺ ní n toó, i tár ō, i kim̄ ō. Yá̰a̰ gə̄ ń noō malang i kə́ ton̄ kété non tə́ kɔ̄ɔ́ ɓáá.

KOHELET 11:7

Loo kə́ unjə̄ kow i yá̰á̰ kə́ majə ō, ka̰a̰ mbang i yá̰á̰ kə́ nel̄ deē ō.