KOHELET 11:2 - Bibəl ta Sar̄

² Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

Bible sar

² Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

KOHELET 11:2 Referans Kwoze

Gōsə̄ najə̄ gə̄ 6:16

Yá̰á̰ kə́ mehḛ́ gə̄ ń Kɔ́ɔ̄ɓē gḛy aĺ ngá̰ý al̄ naā ō, kə́ sīrí gə̄ ń gḛy ka̰a̰ ta kumən tə́ aĺ ō ní n toó: I kum de kə́ nge ka̰a̰ loo kə kɔjə rɔ̄ɔ́ ō, i ta ndo̰ nge kəda najə̄ kə́ sor̄ ō, i jī nge ɓōkə́ mósə de kə́ najə̄ gətóo dɔn tə́ nang tə́ ō, i dan wur de kə́ nge gír̄ rāā yá̰á̰ kə́ gōtə́ aĺ gə̄ ō, i nja nge ka̰ȳ ngɔ̄də̄ kaw̄ rāā yá̰á̰ kə́ majaĺ tə́ ō, i de kə́ kum yá̰á̰ tə́ kə́ rɔ̄kum aĺ kə́ nge kəda najə̄ kə́ sor̄ ō. Tá kə́ nge ko̰ sīrí i noó ɓáý: I nge rāā kadə̄ ngákó̰o̰ naā gə̄ kɔ̄lə̄n̄ naā ō.

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

Makətūbə̄ yā Job 5:19

Ni a ɔrī kum yá̰á̰ kə́ to ndíl ka̰ȳ kə́ mehḛ́ gə̄ tə́, tá kə́ nge ko̰ sīrí tə́ anī, yá̰á̰ kə́ majaĺ a ɔdiī alé.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

HEBƏRO 13:3

Ādī əga kemsí dɔ ngé gə̄ ń i kújə dəngáyá ní, tītə̄ kə́ sḭḭ̄ i dəngáyá sedə́ beé ō. Ādī əga kemsí dɔ ngé gə̄ ń rāān̄də́ yá̰á̰ kə́ tōr̄ gə̄ tə́ ní ō, tām̄ sḭḭ̄ kɔ́ gə̄, i kə dā̰ rɔ̄sí ō.

EPEJƏ 5:16

Dan ń ə́ngeī kum mbang anī, úniī ī-rāāiń yá̰á̰ kə́ majə, tɔdɔ̄ ndɔ̄ gə̄ ń jə-ndiī kemeé ngɔlaā ní majən̄ alé.

GALATƏ 6:1

Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

Najə̄ kə́ Majə yā Jeju ń Luk ndang ní 17:4

Ba ré ni-rāā yá̰á̰ kə́ majaĺ seí nja sīrí ndɔ̄ mbang kógə̄ḿ tə́, ba tél reē ədaī nja sīrí ədaī na n-gḛy tūr̄ hálən anī, ī-māȳ rɔ̄í dɔn tə́.

MATIYE 18:22

Jeju tél ədan na: I nja sīrí beé ngóy alé, i nja kutə sīrí nja sīrí.

MATIYE 5:42

Deē dəjeī yá̰a̰ a ādə̄n, deē gḛy tə̄nāī yá̰a̰ a, ī-lōō tūr̄ gidií tan tə́.

MISE 5:5

Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

ESTER 9:22

Tɔdɔ̄ Jipə gə̄ rāān̄ adə̄ madə̄ ba̰ā̰də́ gə̄ əya̰n̄də́ jəke i kem ndɔ̄ gə̄ ngeé ń noō tə́. I kem nāā ń noō tə́ n ngān̄g nōō téləń ngān̄g kəgō ō, yá̰á̰ kə́ majaĺ kə́ reē dɔdə́ tə́ téləń yá̰a̰ rɔ̄nel̄ ō ní. Nin̄ rāān̄ ndɔ̄ gə̄ ngeé ń noō i ndɔ̄ kəsa yá̰a̰ kə rɔ̄nelēé yādə́ tə́. Nin̄ əlan̄ kə núsə yá̰a̰ gēé adə̄n̄ naā kem ndɔ̄ gə̄ ngeé ń noō tə́ ō, adə̄n̄ ngé ndoō gə̄ yá̰a̰ karī ō.

ESTER 9:19

I tām̄ najə̄ ń noō tə́ n Jipə kə́ ngán ɓē kə́ ndágá gə̄ tə́ a rāān̄ ndɔ̄ kə́ nge ko̰ kutə gidə i sɔ́ yā nāā Adar i ndɔ̄ rɔ̄nel̄ tə́ ō, i ndɔ̄ rāā yá̰a̰ kəsa kə́ ngá̰ý tə́ ō, i ndɔ̄ rāān̄ nāā tə́ ō ní. I ndɔ̄ ngeé ń noō tə́ n nin̄ a əlan̄neé kə núsə́ yá̰a̰ gēé a adə̄n̄ naā ní.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

Gōsə̄ najə̄ gə̄ 19:17

Nge ka̰a̰ kum tō ndoō yā de kə́ tɔ́gən gətóo i nge kadə̄ Kɔ́ɔ̄ɓē yá̰a̰ loo tə̄nā tə́, Kɔ́ɔ̄ɓē a télən yā kadə̄ n.

KOHELET 11:3

Dan ń man̄ il nding anī a edə̄. Ré kāgə̄ əsō i kum kə̄ dām̄ mbɔ́r ɓē kə́ geleé tə́, aláa ko̰ó̰ tə́ anī, loo ń n i əsō tū tə́ ní, ni to i kə̄ tū tə́ noō.

KOHELET 11:8

Ré deē ndi kə kumneé ɓāl̄ ngá̰ý anī, ādə̄ rāā rɔ̄nel̄ kem ɓāl̄ gə̄ ń noō tə́ malang, banī ādə̄ əga kemən dɔ tə́ na ndɔ̄ kə́ majaĺ gə̄ i ngá̰ý ō, yá̰a̰ malang kə́ a reē ɓáý i yá̰á̰ kə́ kanjə̄ kumən ō.

KOHELET 12:1

Dan ń ī-na̰y ngōn̄ ɓáý ní, ādə̄ əga kemií dɔ nge kəndāí tə́. Ādə̄ əga kemií dɔn tə́ kété pá tá kadə̄ ndɔ̄ kə́ majaĺ gə̄ reē ugə̄n̄ ɓáý, pá tá kadə̄ kum mbang ń ā ə́dań najə̄ń toō ní reē ugə̄ ɓáý, ā ə́da na: Ngur ndi kə kumḿ rāām̄ to̰ alé.

1 SAMUEL 25:8

Ré ni dəjedə́ anī a ədan̄ kadə̄ i najə̄ kə́ rɔ̄kum. Ə́daniī kadə̄ əhɔsí kə̄ rɔ̄n tə́ majə, tɔdɔ̄ āwī rɔ̄n tə́ i ndɔ̄ rāā nāā tə́. m̄-rāān ɓɔ́ kadə̄ adə̄sí sḭḭ̄ ō mā Dabid ń i ngōnən ní ō yá̰á̰ ń tɔ́gən asə kadə̄ adə̄jí ní.