KOHELET 11:10 - Bibəl ta Sar̄

¹⁰ Ī-gōn̄g yá̰á̰ kə́ a ojə wōn̄g aláa mo̰y kɔ̄ɔ́. Tɔdɔ̄ ɓāl̄ balsáa yā deē ō, ɓāl̄ ngangə̄n ō, i yá̰a̰ gə̄ kə́ a mānə̄n̄ láẃ ngá̰ý.

Bible sar

¹⁰ Ī-gōn̄g yá̰á̰ kə́ a ojə wōn̄g aláa mo̰y kɔ̄ɔ́. Tɔdɔ̄ ɓāl̄ balsáa yā deē ō, ɓāl̄ ngangə̄n ō, i yá̰a̰ gə̄ kə́ a mānə̄n̄ láẃ ngá̰ý.

KOHELET 11:10 Referans Kwoze

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

KOHELET 12:1

Dan ń ī-na̰y ngōn̄ ɓáý ní, ādə̄ əga kemií dɔ nge kəndāí tə́. Ādə̄ əga kemií dɔn tə́ kété pá tá kadə̄ ndɔ̄ kə́ majaĺ gə̄ reē ugə̄n̄ ɓáý, pá tá kadə̄ kum mbang ń ā ə́dań najə̄ń toō ní reē ugə̄ ɓáý, ā ə́da na: Ngur ndi kə kumḿ rāām̄ to̰ alé.

KOHELET 1:14

M-á̰a̰ kəla malang ń de gə̄ a rāān̄ dɔ nang tə́ laā ní. Banī kumən gətóo ō, i ngɔ̄də̄ gō nél yā kəhɔn ō.

KOHELET 1:2

Kohelet ń i nge kɔjə ngé kán̄ naā gə̄ najə̄ ní, əda na: Yá̰a̰ malang kumən gətóo, yá̰a̰ malang kumən gətóo, yá̰a̰ malang i yá̰á̰ kə́ kumən gətóo.

PĀ GƏ̄ 39:5

Kɔ́ɔ̄ɓē, ɔ́jəm̄ ndɔ̄ ń gír yāḿ a gāngəń ní ādə̄ m̄-ger̄. M-ā m̄-rāā i ndɔ̄ kóndóńg? Ādə̄ m̄-ger̄ kadə̄ mā i de kə́ ndɔ̄ḿ i ngá̰ý alé!

Makətūbə̄ yā Job 20:11

Kem kə̄ngān ngan̄g tītə̄ yā de kə́ balsáa beé ɓá tā, ba ni a oy i kə balsáaneé.

Makətūbə̄ yā Job 13:26

Ḭ̄ ī-ndang najə̄ kə́ ngan̄g ngá̰ý gə̄ dɔḿ tə́ ō, yá̰á̰ kə́ gōtə́ aĺ gə̄ ń m̄-rāādə́ dan balsááḿ tə́ ní, ḭ̄ ə̄ndā najə̄n dɔḿ tə́ ō,

PĀ GƏ̄ 25:7

Yá̰á̰ kə́ majaĺ gə̄ ō, yá̰a̰ kə́ gōtə́ aĺ gə̄ ō ń m̄-rāā kə ngōn̄ dūúḿ ní, ī-lōō gír̄ dɔ tə́. Banī Kɔ́ɔ̄ɓē, ī-gír̄ dɔḿ tə́ tām̄ ḭ̄ i nge ra dɔ ndūí tə́, sɔɔ̄ń kem majə yāí.

Gōsə̄ najə̄ gə̄ 22:15

Mbóo i yá̰á̰ kə́ əhɔ kem ngán gə̄, banī ndéý kə́ kəndańdə́ a ɔr̄də́ dɔ háĺ ń noō tə́ kɔ̄ɔ́.

Makətūbə̄ yā Job 11:12

De ń yá̰a̰ tɔȳ tɔ́gən ní ger̄ najə̄ to̰ alé. Deē malang ń i ngōn̄ kásə́ ɓáý ní, to i tītə̄ ngōn̄ kərō kə́ bembeé beé.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!