KOHELET 10:19 - Bibəl ta Sar̄

¹⁹ De kə́ bo gə̄ rāān̄ yá̰a̰ kəsa yā rāań rɔ̄nel̄. Kasə nduú rāādə́ adə̄ rɔ̄də́ nel̄də́ ō, nar adə̄də́ yá̰a̰ malang ō.

Bible sar

¹⁹ De kə́ bo gə̄ rāān̄ yá̰a̰ kəsa yā rāań rɔ̄nel̄. Kasə *nduú rāādə́ adə̄ rɔ̄də́ nel̄də́ ō, nar adə̄də́ yá̰a̰ malang ō.

KOHELET 10:19 Referans Kwoze

PĀ GƏ̄ 104:15

Kasə nduú rāā adə̄ rɔ̄ de gə̄ nel̄də́ ō, rāā adə̄ ta kumdə́ ndə́lē tɔȳ yibə̄ kə́ ndum ō, yá̰a̰ kəsa tél adə̄də́ tɔ́gə ō.

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

IJAI 24:11

De gə̄ nōōn̄ kasə kə́ kum róbə kɔsə gə̄ tə́, ədan̄ na kasə na gətóo, rɔ̄nel̄ gətóo kɔ̄ɔ́, tə̄ɓān̄ rɔ̄nel̄ kɔ̄ɔ́ kem ɓēé.

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

KƏLA RĀĀ 11:29

Adə̄ ngé ndóō yá̰a̰ gə̄ ndigən kadə̄ nin̄ kógə̄ḿ kógə̄ḿ ní kə n-adə̄n̄ yá̰á̰ ń tɔ́gə́də́ asə ní, yā kəlań kadə̄ ngákó̰ó̰də́ gə̄ ń ndin̄ gō nang kə́ Jude tə́ ní yā rāań sedə́.

KƏLA RĀĀ 2:45

Nin̄-igən̄ loo yādə́ gə̄ ō, yá̰a̰ kənge yādə́ gə̄ ō, ba nar ń əngen̄ gírí ní kēgə̄n̄ naā dɔ dáńdə́ tə́ malang.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

Najə̄ kə́ Majə yā Jeju ń Luk ndang ní 8:3

Jan kə́ nə̄yá̰ Suja kə́ nge kəndā kumən gír yá̰a̰ kənge yā Herod tə́ ō, Sujan ō, dəyá̰ kə́ rang gə̄ ngá̰ý kə́ ngé kɔy yá̰a̰ kənge yādə́ gə̄ rāań kə Jeju ō kə ngé ndóō yá̰a̰ yān gə̄ ō.

MATIYE 19:21

Anī Jeju tél ədan na: Ré ī-gḛy kadə̄ ḭ̄ i de kə́ majə ɔtə̄ kə taá ɓáa, āw̄ ígə́ yá̰a̰ kənge yāí gə̄ malang ba ādə̄ ngé ndoō gə̄ narən. Loo ń noō tə́ ā ə́ngé yá̰á̰ ngá̰ý dɔ rā̰ tə́. Gō tə́ anī, ī-reē un gōḿ.

MATIYE 17:27

Ba kadə̄ de gə̄ n noō əsōn̄neé sɔɔ̄ńjí aĺ ní, āw̄ ta bā bo tə́ ə̄nī kuȳ. Kānjə̄ kə́ ta kəga dɔ ń a un kuȳ ní ə́hɔn ba ī-teē tan, ā ə́ngé njáŕ sə́lē arjā̰a̰ kə kum madə̄ jōó tan tə́. Ɔ̄r̄, ba āwń ādə̄də́ tām̄ yāḿ tə́ ō, tām̄ yāí tə́ ō.

IJAI 23:18

Banī manə̄n yān gə̄ ń ni a ənge ní, yá̰á̰ ń ni a ənge gírí ní, a ɔrə̄n̄ kam̄ tām̄ yā Kɔ́ɔ̄ɓē tə́. A kánə̄n̄ kə̄ dɔ naā tə́ alé, deē a ngɔ̄m̄ alé. Yá̰á̰ ń ni a ənge gírí ní, a ul̄nəń ngé ndi ta kum Kɔ́ɔ̄ɓē tə́ gə̄, a adə̄n̄neédə́ kūbə̄ kə́ majə ngá̰ý gə̄ ō.

NEHEMI 5:8

ba m-ə́dádə́ na: Jḭḭ jə-gān̄g dɔ ngákó̰ó̰jí Jipə gə̄ ń igən̄ kə rɔ̄də́ jī nápar de kə́ rang gə̄ tə́ ní kə gō ń tɔ́gə́jí asə ní, banī sḭḭ̄ ígiī kə ngákó̰ó̰sí gēé, tá ígiī sedə́ i jījí jḭḭ kɔ́ gə̄ tə́ ɓáý to̰! Nin̄ ndin̄ tadə́ mbóo, tām̄ əngen̄ najə̄ kə́ yā kəda alé.

ESDRAS 1:6

Madə̄ ɓēdə́ gə̄ rāān̄ sedə́, adə̄n̄də́ ngáń gájə́ yá̰a̰ rāā kəla gə̄ kə́ rāān̄ kə gində̄ arjā̰a̰á̰ ō, kə lɔ́rɔ́ ō, yá̰a̰ kənge kə́ rang gə̄ ō, yá̰á̰ kə́ tayā tayā gə̄ kə́ gātə̄də́ i ngá̰ý gə̄ ō, yá̰a̰ kul̄ gə̄ ō, adə̄n̄də́ yá̰a̰ ndējə̄ gə̄ kə́ nin̄ kɔ́ gə̄ adə̄n̄ kə gō kem ndigə̄ yādə́ tām̄ yā kújə yā Kɔ́ɔ̄ɓē tə́ ō.

1 YÁ̰A̰ GƏ̄ 21:24

Banī mban̄g Dabid əda Ornan na n-ɔdə alé, na n-gḛy na i mang. Na n-a n-adə̄ nar gírí, tɔdɔ̄ yá̰á̰ ń i yá̰a̰ yān ni Ornan ní, loo kadə̄ n-taā jīn tə́ karī n-adə̄ Kɔ́ɔ̄ɓē ké i ba̰ý wa. Loo kadə̄ n-ndējə̄ Kɔ́ɔ̄ɓē yá̰a̰ tun̄ n-ənge karī ní ké i ba̰ý wa.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

NGÉ SARYA 9:13

Banī kāgə̄ nduú ədadə́ na: Kasə yāḿ ń ɓesə̄ gə̄gē, de gə̄ gə̄gē rɔ̄nel̄ ní kə m̄-lōō gírí ba kə m-āw̄ kə m̄-rā kə m̄-yéȳ rɔ̄ḿ dɔ kāgə̄ tə́ a?

TA KƏLA 43:34

Jəjep adə̄ aw̄n̄ kə yá̰a̰ kəsa gə̄ ń ndin̄ non tə́ ní adə̄n̄də́, ba Benjamḛ tá ənge tɔȳ madə̄n gə̄ nja mí. A̰ȳn̄ kasə nduú naā tə́ kə Jəjepé ō, rɔ̄də́ nel̄də́ mbak ō.

KOHELET 9:7

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

KOHELET 2:3

m̄-gḛy nāā rāā rɔ̄nel̄ ń kasə nduú a adə̄ deē ní ō, m̄-gḛy ndájə̄ yá̰a̰ rāā de kə́ mbóo gə̄ ō, kanjə̄ kəya̰ rɔ̄ḿ kadə̄ yá̰á̰ kə́rēý o̰o̰ ɓē dɔ tə́. m̄-sāā ger̄ kum yá̰á̰ kə́ to só tə́ ń kadə̄ deē ndul gə̄ rāān̄ dan ń ndin̄neé kə kumdə́ dɔ nang tə́ ní.

NGÉ SARYA 14:10

Bɔbə̄ Samso̰ aw̄ ɓē dəyá̰ ní tə́, tɔdɔ̄ Samso̰ rāā yá̰a̰ kūjə́ taā naā looneé tītə̄ ń balsáa gə̄ a rāānəń ní.

ESTER 1:10

Kə ndɔ̄ kə́ nge ko̰ sīrí anī mban̄g a̰ȳ kasə adə̄ rɔ̄n nelə̄n. Ta anī ni-əda Mehuman ō, Bijta ō, Harbona ō, Bigta ō, Abagta ō Jetar ō, Karkas ō ń nin̄ i áji mbang yān kə́ sīrí gə̄ ní,