KOHELET 10:15 - Bibəl ta Sar̄

¹⁵ De kə́ mbóo rāā kəla kə́ uy tətō banī teēn yá̰á̰ tə́ i sḛ́ý beē ngóy. Ta róbə kə́ yā kaw̄ń kə̄ kem ɓē bo tə́ gə̄gē ní ger̄ alé.

Bible sar

¹⁵ De kə́ mbóo rāā kəla kə́ uy tətō banī teēn yá̰á̰ tə́ i sḛ́ý beē ngóy. Ta róbə kə́ yā kaw̄ń kə̄ kem ɓē bo tə́ gə̄gē ní ger̄ alé.

KOHELET 10:15 Referans Kwoze

IJAI 57:1

Ngé gə̄ ń oōn̄ ta Nə́ɓā ní, tɔ̄lə̄n̄də́ kɔ̄ɔ́ ō, deē kógə̄ḿ kə́ usən dɔ tə́ gətóo ō. A̰á̰ā̰, ngé gə̄ ń oōn̄ ta Nə́ɓā ní gətóon̄ kɔ̄ɔ́, sɔɔ̄ń kem ndul yā de kə́ majaĺ gə̄.

KOHELET 10:3

Ká ré de kə́ mbóo njə̄rań i róbó gə̄gē a ger̄ yá̰a̰ alé, adə̄ de gə̄ malang a a̰a̰n̄ kadə̄ i de kə́ mbóo.

PĀ GƏ̄ 107:7

Ni-rāā adə̄ unən̄ róbə́ kə́ aw̄ súmūú dɔ ɓē kə́ de gə̄ ndin̄ kemeé tə́.

PĀ GƏ̄ 107:4

Ngé kə́rēý gə̄ ndɔmə̄n̄ kem loo gə̄ kə́ deē gətóo tū tə́ tə́, dɔ róbə́ kə́ mángá tə́, kanjə̄ kənge ɓē kə́ deē ndi tū tə́.

HABAKUK 2:6

Banī de gə̄ malang ń nin̄ tetən̄də́ rɔ̄ɔ̄ ní, a tāmə̄n̄ sedə́ ō, a lurən̄də́ ō, najə̄ kə́ tadə́ tə́ a adə̄də́ do ō. Najə̄ ń nin̄ a ədan̄ ní n toó: I yá̰á̰ kə́ to kum kaȳ aĺ kə́ ba̰ý beē n rāāsí ní. Yá̰a̰ kənge gə̄ ń i yāsí aĺ ní, sḭḭ̄ ā ɔ́siī dɔ kə̄ naā tə́ i bátə́ ndɔ̄ kə́ rá tə́? Kə̄rā gə̄ kə́ dɔsí tə́ i ngá̰ý kum kə̄ kété kété!

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

KOHELET 10:10

Loo ń ré kə̄ngā atə aĺ ō, deē ɔl ta aĺ ō anī, deē a ɔsə rɔ̄n i kə̄ naā tə́ tá a tə́gań yá̰a̰. Tɔdɔ̄ yá̰á̰ ń deē rāań yá̰a̰ kə gōó anī a teēn yá̰á̰ tə́ ní i kum kedə̄.

KOHELET 10:14

De kə́ mbóo ɔr̄ najə̄ asən alé. Deē ndul ger̄ ta kə́ bírí alé. I náā n a ɔjən yá̰á̰ kə́ a rāā yá̰a̰ gotən tə́ ní?

KOHELET 10:16

Yá̰á̰ kə́ to kum kaȳ aĺ i yā ɓē ń mban̄g kə́ tū tə́ i ngōn̄ ɓáý ní ō, ngār kə́ kemeé gə̄ i ngé kəsa yá̰a̰ dəloí ɓatə gə̄ ní ō!