KOHELET 10:13 - Bibəl ta Sar̄

¹³ A əla gír kɔr̄ najə̄ yān i kə mbóo najə̄ gēé ō, a tɔ̄l̄ ta i kə najə̄ kə́ to kɔ̄r̄ kə́ majaĺ gēé ō.

Bible sar

¹³ A əla gír kɔr̄ najə̄ yān i kə mbóo najə̄ gēé ō, a tɔ̄l̄ ta i kə najə̄ kə́ to kɔ̄r̄ kə́ majaĺ gēé ō.

KOHELET 10:13 Referans Kwoze

Gōsə̄ najə̄ gə̄ 29:9

De kə́ ngáā ń aw̄ kə najá kə de kə́ mbóó ní, ká ni rāań i wōn̄g aláa əgōń i mbée gəgē anī, a ənge kem sɔl alé!

JA̰A̰ 12:10

Loo ń noō tə́ ngol gə̄ kə́ dɔ ngé tun̄ yá̰a̰ gə̄ tə́ gḛyn̄ tɔ̄l̄ Lajar ō,

Najə̄ kə́ Majə yā Jeju ń Luk ndang ní 11:38

Dan ń Parijiyḛ ní a̰ā̰ kadə̄ Jeju tə́go jīn tá əsań yá̰a̰ aĺ anī, ɔr kumən seneé ngá̰ý.

Najə̄ kə́ Majə yā Jeju ń Luk ndang ní 6:11

Banī wōn̄g rāādə́ ngá̰ý adə̄ nējə̄n̄ naā najə̄ dɔ yá̰á̰ kə́ yā rāā kə Jejuú tə́.

Najə̄ kə́ Majə yā Jeju ń Luk ndang ní 6:2

Loo ń noō tə́ Parijiyḛ kə́rēý gə̄ ədan̄ na: Yá̰á̰ ń ndū najə̄ ɔgə̄ rāā ndɔ̄ sabat tə́ ní sḭḭ̄ ī-rāāī i tām̄ rí tə́?

MATIYE 2:16

Dan ń Herod a̰ā̰ kadə̄ ngé ka̰a̰ yá̰a̰ tū tə́yō̰ tə́ gə̄ mbóon̄ i seneé anī, wōn̄g asən nák. Adə̄ ngáń kə́ dəngam gə̄ malang ń ojən̄də́ rāā ɓāl̄ jōó ō, ngé gə̄ ń ɓāl̄də́ asə jōó aĺ ɓáý ō ní, ni-əla tɔ̄l̄də́ tə́ kɔ̄ɔ́ kem ɓē kə́ Betlehem tə́ ō, kem ngán ɓē gə̄ kə́ gō nang kə́ Betlehem tə́ ō. Ni-rāā yá̰á̰ ní i kə gō ndɔ̄ ń ngé ka̰a̰ yá̰a̰ tū tə́yō̰ tə́ gə̄ ədanən̄neé ní.

2 MBAN̄G 6:31

Mban̄g əda na: Ré m-ə́ya̰ dɔm dɔ Elije ngōn̄ Sapat adə̄ ndi ta míndən tə́ ɓōólaā anī, ādə̄ Nə́ɓā rāām̄ yá̰á̰ kə́ tōr̄ ń toō ō, nge kə́ tōr̄ ń toō ɓáý to̰ ō.

2 MBAN̄G 6:27

Banī mban̄g tél ədan na: Ré Kɔ́ɔ̄ɓē mbātə́ rāā seí anī, mā m-ā m-ásə ka̰yī mbērē tə́ i kə rí? I kə njár̄ kōō gémé kə́ kḭḭń loo kənda kōō gémé tə́ aké i kə kasə kan̄ kāgə̄ nduú kə́ kḭḭń loo mbə́rē kan̄ kāgə̄ nduú tə́?

2 SAMUEL 19:41

ba Kimham aw̄ kə mbangāá Gilgal. Juda gə̄ malang ō, núsə Israel gə̄ ō, teēn̄ bā Jurdḛ kə mbangāá.

NGÉ SARYA 14:15

Kə ndɔ̄ kə́ nge ko̰ sɔ́ anī ədan̄ nə̄yá̰ Samso̰ na: Ī-tɔ́y ngaaí ādə̄ ədají kum səngó ní, aĺ ɓáa j-a j-əla hor dɔí tə́ ō, dɔ de kə́ kem ndogə̄ yā bɔbí tə́ gə̄ ō. Ī-ɓāríījí i yā reē táā yá̰a̰ yājí gə̄ kɔ̄ɔ́ malang jījí tə́ a?

KOHELET 7:25

Adə̄ m-ə̄ndā rɔ̄ḿ ta ndóō yá̰á̰ tə́ ō, ta ndəle gíŕ yá̰á̰ tə́ ō. m̄-sāā ger̄ yá̰á̰ ń i kum kedə̄ ní ō, m̄-sāā ger̄ kum yá̰a̰ gə̄ ń a rāān̄ yá̰á̰ ní ō. M-á̰a̰ kadə̄ kem ndul i mbóo, i mbóó kə́ a rāā deē kɔ̄r̄ tə́.

KOHELET 10:14

De kə́ mbóo ɔr̄ najə̄ asən alé. Deē ndul ger̄ ta kə́ bírí alé. I náā n a ɔjən yá̰á̰ kə́ a rāā yá̰a̰ gotən tə́ ní?

Gōsə̄ najə̄ gə̄ 13:16

Nge kəndā kum kedə̄ dɔ rɔ̄n tə́ i de kə́ a gír̄ yá̰á̰ pá tá a rāā, banī mbóo deē ɔjə mbóon kə̄ ndágá.

KOHELET 5:2

Tɔdɔ̄ sōl̄ kə́ ngá̰ý a reē kə nī kə́ majaĺ gə̄ ō, najə̄ kə́ kɔr̄ ngá̰ý a rāā kadə̄ ḭ̄ deē ɔ̄r̄ najə̄ kə́ to mbóo gə̄ ō.