KOHELET 10:12 - Bibəl ta Sar̄

¹² De gə̄ ndigən̄ najə̄ kɔr̄ nge kum kedə̄, banī ndigən̄ de kə́ mbóo alé i tām̄ najə̄ kɔrə̄n gə̄ tə́.

Bible sar

¹² De gə̄ ndigən̄ najə̄ kɔr̄ nge kum kedə̄, banī ndigən̄ de kə́ mbóo alé i tām̄ najə̄ kɔrə̄n gə̄ tə́.

KOHELET 10:12 Referans Kwoze

KOLOSƏ 4:6

Ādī najə̄ kɔr̄sí i najə̄ kə́ majə ngándáńg ō, i najə̄ kə́ nel̄ ō, yā kadə̄ ī-gerīneé loo tūr̄ de gə̄ najə̄ kadə̄ sɔɔ̄ dɔdə́ kógə̄ḿ kógə̄ḿ.

Najə̄ kə́ Majə yā Jeju ń Luk ndang ní 4:22

De gə̄ malang a ədan̄ i najə̄ kə́ majə yā Jeju. Najə̄ kɔrə̄n kə́ majə ngá̰ý gə̄ ní ɔr kumdə́ ngá̰ý adə̄ ədan̄ na: I ngōn̄ Jəjep ní n noó aĺ a?

Gōsə̄ najə̄ gə̄ 22:11

Mban̄g i madə̄ de kə́ nge gḛy de kə́ kemən unjə̄ njáý njáý ō, najə̄ kə́ tan tə́ i najə̄ kə́ majə ō.

Gōsə̄ najə̄ gə̄ 15:2

Dan ń de kə́ nge kum kedə̄ ɔr̄ najə̄ anī ngur ndóō yá̰á̰ rāā deē, banī de kə́ mbóo a ɔr̄ najə̄ i tītə̄ de kə́ nge kɔ̄r̄.

EPEJƏ 4:29

Ādī najə̄ kə́ majaĺ teē tasí tə́ alé, banī i najə̄ kə́ majə tá, yā kadə̄ ngé gə̄ ń oōn̄ ní rāā majə sedə́ ō, aw̄n̄neé kum kə̄ kété ō.

Najə̄ kə́ Majə yā Jeju ń Luk ndang ní 19:22

Ngār ní ədan na: Ḭ̄ i nge kəla kə́ majaĺ. M-ā m̄-gān̄g sarya dɔí tə́ i kə gō najə̄ gə̄ ń teēn̄ taí ḭ̄ kɔ́ tə́ ní. Adə̄ m-ā m-ún yá̰á̰ kə́ m-ə̄nā aĺ ō, m-ə́ja kōō kə́ m̄-dubə̄ aĺ ō,

MATIYE 12:35

De kə́ majə a teē kə yá̰á̰ kə́ majə gə̄ dan yá̰a̰ kənge yān kə́ majə gə̄ tə́ ō, de kə́ majaĺ a teē kə yá̰á̰ kə́ majaĺ gə̄ dan yá̰a̰ kənge yān kə́ majaĺ gə̄ tə́ ō.

Gōsə̄ najə̄ gə̄ 31:26

Ni ɔr̄ najə̄ i kə kum kedēé ō, ger̄ kɔjə̄ deē kə tárá ō.

Gōsə̄ najə̄ gə̄ 26:9

Gōsə̄ najə̄ kə́ ta de kə́ mbóo gə̄ tə́ to i tītə̄ jə̄ngā ndéy kōn̄ kə́ nge kasə rāā un əhɔ dɔɔ́ yā kəndań deē beé.

Gōsə̄ najə̄ gə̄ 19:5

De kə́ kum yá̰á̰ tə́ kə́ nge kəda najə̄ kə́ rɔ̄kum aĺ ní a əya̰nən̄ kanjə̄ kəndan aĺ ō, de kə́ nge kɔr̄ najə̄ kə́ sor̄ ní, a teē kum tə́ aĺ ō.

Gōsə̄ najə̄ gə̄ 15:23

Rɔ̄nel̄ i kə deē ń tūr̄ najə̄ əda kə taneé ní! Najə̄ kə́ kəda kə kum mbangneé i yá̰á̰ kə́ majə ngá̰ý!

Gōsə̄ najə̄ gə̄ 12:18

Najə̄ kɔr̄ de kə́ nge kɔsə kum i najə̄ kə́ a adə̄ deē do kə́ tītə̄ do kaskar beé, banī ta ndo̰ ngé kum kedə̄ gə̄ i dáwá.

Gōsə̄ najə̄ gə̄ 10:10

De kə́ nge ka̰a̰ loo kə gír kumneé i de kə́ nge rāā deē yá̰á̰ kə́ tōr̄ ō, de kə́ nge kɔr̄ mbóo najə̄ gə̄ a̰ȳ ngɔ̄də̄ a aw̄ i kə̄ tḭ̄ḭ̄ ta rɔ̄n tə́ ō.

Gōsə̄ najə̄ gə̄ 10:8

De kə́ dan wurən ger̄ najə̄ ndigə yá̰a̰ gə̄ ń ɔjənən̄ kadə̄ rāā ní, banī de kə́ nge kɔr̄ mbóo najə̄ gə̄ a̰ȳ ngɔ̄də̄ a aw̄ i kə̄ tḭ̄ḭ̄ ta rɔ̄n tə́.

PĀ GƏ̄ 140:9

Kɔ́ɔ̄ɓē, yá̰á̰ ń ngé kem ndul gə̄ gḛyn̄ ní ɔ́də aĺ gōdə́ tə́. Yá̰a̰ gə̄ ń a nómə̄n̄ yā rāā ní ādə̄ udə róbó alé, na sōgə́ ɔsən̄ rɔ̄də́ kə̄ dɔɔ́.

PĀ GƏ̄ 64:8

Banī Nə́ɓā túr̄də́ kə kum gəraá kə̄ ta jī tə́ noō, adə̄ yá̰á̰ ń nin̄ kɔ́ gə̄ nómə̄n̄ ní tél rāādə́.

PĀ GƏ̄ 37:30

Ta de kə́ súmūú əda yá̰á̰ kə́ ngáā ō, ta ndo̰n əda yá̰á̰ kə́ gōtə́ ō.

Makətūbə̄ yā Job 16:5

m-ā m-ə́la go̰ kemsí tə́ kə najə̄ kə́ taḿ tə́ ō, taḿ kə́ hɔɔ́lɔ̄ a tél i dáwá kə́ nge rāā kadə̄ kemsí tetə kə̄ nang tə́ ō.

2 SAMUEL 1:16

Dabid əda Amalek ní na: Ādə̄ mósí i dɔí īkɔ́ tə́, tɔdɔ̄ īkɔ́ ī-gān̄g sarya dɔ rɔ̄í īkɔ́ tə́ ə́da na mban̄g ń Kɔ́ɔ̄ɓē ur yibə̄ dɔn tə́ gə̄rānneé ní i ḭ̄ n na ī-tɔ̄lə̄n ní.

KOHELET 4:5

Mbó kán̄ jīn ndi adə̄ ɓō tɔ̄lən.

KOHELET 9:17

Nge kum kedə̄ ń ɔr̄ najə̄ hɔlyɔ ní koō najə̄ kɔrə̄n i só tə́ tɔȳ koō ndán̄g rɔ̄ yā nge ndi dɔ de kə́ mbóo gə̄ tə́.

KOHELET 12:11

Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

KOHELET 5:2

Tɔdɔ̄ sōl̄ kə́ ngá̰ý a reē kə nī kə́ majaĺ gə̄ ō, najə̄ kə́ kɔr̄ ngá̰ý a rāā kadə̄ ḭ̄ deē ɔ̄r̄ najə̄ kə́ to mbóo gə̄ ō.

KOHELET 5:6

Najə̄ kə́ kɔr̄ ngá̰ý ō, nī kə́ ngá̰ý ō i yá̰á̰ kə́ kanjə̄ kumən gə̄. I beé ní, ī-ɓōĺ ndíĺ Nə́ɓā.