KOHELET 10:10 - Bibəl ta Sar̄

¹⁰ Loo ń ré kə̄ngā atə aĺ ō, deē ɔl ta aĺ ō anī, deē a ɔsə rɔ̄n i kə̄ naā tə́ tá a tə́gań yá̰a̰. Tɔdɔ̄ yá̰á̰ ń deē rāań yá̰a̰ kə gōó anī a teēn yá̰á̰ tə́ ní i kum kedə̄.

Bible sar

¹⁰ Loo ń ré kə̄ngā atə aĺ ō, deē ɔl ta aĺ ō anī, deē a ɔsə rɔ̄n i kə̄ naā tə́ tá a tə́gań yá̰a̰. Tɔdɔ̄ yá̰á̰ ń deē rāań yá̰a̰ kə gōó anī a teēn yá̰á̰ tə́ ní i kum kedə̄.

KOHELET 10:10 Referans Kwoze

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

KOHELET 10:15

De kə́ mbóo rāā kəla kə́ uy tətō banī teēn yá̰á̰ tə́ i sḛ́ý beē ngóy. Ta róbə kə́ yā kaw̄ń kə̄ kem ɓē bo tə́ gə̄gē ní ger̄ alé.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

1 MBAN̄G GƏ̄ 3:9

Ní Kɔ́ɔ̄ɓē, ādə̄m̄ kem kə́ ger̄ najə̄ ādə̄ m̄-ndiń dɔ gír deē yāí gə̄ tə́ ō, kadə̄ m̄-gerə̄ń kɔr̄ kam̄ yá̰á̰ kə́ majə ō, kə́ majaĺ ō naā tə́. Tɔdɔ̄ kanjə̄ nge ń noō anī, de kə́ asə ndi dɔ gír deē yāí gə̄ tə́ gətóo, tām̄ nin̄ i ngá̰ý.

Makətūbə̄ ń Pol ndang adə̄ Rom gə̄ ní 16:19

Koō ń sḭḭ̄ ōōī najə̄ ta Kɔ́ɔ̄ɓē tə́ ní, de gə̄ gerə̄n̄. Adə̄ rɔ̄ḿ nelə̄m̄ najə̄ yāsí tə́, ba m̄-gḛy kadə̄ sḭḭ̄ i de kə́ ngáā gə̄ kadə̄ ī-rāāī yá̰á̰ kə́ majə ō, ī-tə́laī rɔ̄sí dan yá̰á̰ kə́ majaĺ gə̄ tə́ aĺ ō.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

1 YÁ̰A̰ GƏ̄ 12:32

Núsə de kə́ gír ɓē yā Manase tə́ gə̄ ń ndin̄ no ɓē tə́ ní, de kə́ tū tə́ gə̄ i deē 18 000. Ɔjən̄ dɔdə́ kadə̄ aw̄ əndān̄ Dabid mban̄g.

NDŪ NAJƏ̄ 32:41

Ré m-ɔ́l kum kaskar yāḿ adə̄ atə ō, ndə́lē pipir ō, ré m-ún sarya kə̄ jīḿ tə́ ō anī, m-ā m̄-dal ba̰ā̰ dɔ madə̄ ba̰ā̰ḿ gə̄ tə́ ō, de gə̄ ń imə̄mə̄n̄ ní m-ā m-ə̄gādə́ ō.

KOHELET 2:13

Yá̰á̰ ń m-á̰a̰ā̰ ní n toó: Kum kedə̄ rāā majə kə deē tɔȳ mbóo, tītə̄ ń loo kə́ unjə̄ kow rāań majə kə deé tɔȳ til ni.

KOHELET 10:9

Nge tə́gā mbal̄ a ənge do mbal̄ ō, nge njár̄ kāgə̄ əndā rɔ̄n i ta yá̰á̰ kə́ to yo tə́ ō.

KOHELET 10:11

Ré lī do̰ nge kɔ́lən tām̄ ni kɔ́lən aĺ anī, nge kɔ́l lī a ənge i yá̰á̰ rí gír kɔ́l lī tə́?

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.