KOHELET 10:1 - Bibəl ta Sar̄

¹ Nīń kón̄g rāā adə̄ yibə̄ kə́ otə majə yā kɔdə̄ yibə̄ otə majaĺ ō, rāā adə̄ yibə̄ kə́ kem kūú nujə malang kɔ̄ɔ́ ō. Adə̄ mbóó kə́ sḛ́ý beē ɔr̄ tɔ́gə kum kedə̄ ō kɔsə gɔn ō kɔ̄ɔ́.

Bible sar

¹ Nīń kón̄g rāā adə̄ yibə̄ kə́ otə majə yā kɔdə̄ yibə̄ otə majaĺ ō, rāā adə̄ yibə̄ kə́ kem kūú nujə malang kɔ̄ɔ́ ō. Adə̄ mbóó kə́ sḛ́ý beē ɔr̄ tɔ́gə kum kedə̄ ō kɔsə gɔn ō kɔ̄ɔ́.

KOHELET 10:1 Referans Kwoze

NEHEMI 13:26

I yá̰á̰ ń noō n rāā adə̄ Salomo̰ mban̄g kə́ Israel tə́ rāań majaĺ ní aĺ a? Dan nápar de gə̄ malang tə́ ní mban̄g kə́ tītə̄n gətóo. Kété ní Nə́ɓā tárən ō, əndān mban̄g dɔ ngán Israel gə̄ tə́ malang ō. Ɓá tā ba i ni n dəyá̰ tə̄rā gə̄ rāānən̄ adə̄ rāā majaĺ ní!

2 YÁ̰A̰ GƏ̄ 19:2

Yehu nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

Teē Ngán Israel gə̄ 30:25

Nge rāā yibə̄ a guŕdə́ naā tə́ yā rāań yibə̄ kə́ táĺ. Yibə̄ ń noō i yibə̄ kə́ táĺ.

NEHEMI 6:13

Adə̄nən̄ nar gírí i tām̄ yā rí tə́? I yā kadə̄ ré ɓōĺ kə rāām̄ ɓáa kə m̄-rāā tītə̄ ń ədań ní kadə̄ m̄-mānə ń dɔ ndū Nə́ɓā. Loo ń noō tə́ nin̄ a əngen̄ ta róbə kənda rīḿ loo tə́ kadə̄ rīḿ ɓār̄ majə aĺ ō, kadə̄ ədan̄ na mā n a i nge tájə̄ Nə́ɓā ō.

Makətūbə̄ yā Job 6:3

Banī nin̄ ɔȳn̄ tɔȳ nán̄g ngárə̄ḿnjēý ké ta bā bo gə̄ tə́. I tām̄ najə̄ ń noō tə́ n m-ɔ̄rəń najə̄ mbitə mbitə ní.

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

Makətūbə̄ yā Aje 2:12

De kógə̄ḿ ndem̄ núsə dā̰ kə́ tun̄ ta kūbə̄ yān tə́. Gō tə́ anī, kūbə̄ ní ɔdə mápa, aláa mbī kámbə́ gə̄ kə́ yā ndīr̄ tá̰ tə́, aláa kasə nduú, aláa yibə̄. Ní, yá̰a̰ kəsa ń noō téĺ yá̰á̰ kə́ yā ɓōĺ gidə a? Anī ngé tun̄ yá̰a̰ gə̄ tél ədan̄ Aje na: A̰ á̰.

Makətūbə̄ yā Aje 2:13

Aje ɔjədə́ yá̰á̰ kə́ rang ɓáý to̰, əda na: Tītə̄ ń toō deē kógə̄ḿ tél de kə́ yḛr, tām̄ ni ɔdə nīń. Gō tə́ anī, deē ní ɔdə yá̰a̰ kəsa kə́rēý. Ní, yá̰a̰ kəsa ní téĺ yá̰a̰ kəsa kə́ yḛr a? Anī nge tun̄ yá̰a̰ gə̄ tél ədan̄ na: A̰á̰ā̰.