KOHELET 1:2 - Bibəl ta Sar̄

² Kohelet ń i nge kɔjə ngé kán̄ naā gə̄ najə̄ ní, əda na: Yá̰a̰ malang kumən gətóo, yá̰a̰ malang kumən gətóo, yá̰a̰ malang i yá̰á̰ kə́ kumən gətóo.

Bible sar

² Kohelet ń i nge kɔjə ngé kán̄ naā gə̄ najə̄ ní, əda na: Yá̰a̰ malang kumən gətóo, yá̰a̰ malang kumən gətóo, yá̰a̰ malang i yá̰á̰ kə́ kumən gətóo.

KOHELET 1:2 Referans Kwoze

PĀ GƏ̄ 144:4

Deē ndul to i tītə̄ nél, ndɔ̄n gə̄ ton̄ i tītə̄ ndíl kāgə̄ gə̄ kə́ a mānə̄n̄ kɔ̄ɔ́ beē.

Makətūbə̄ ń Pol ndang adə̄ Rom gə̄ ní 8:20

Tɔdɔ̄ əlan̄ dɔ yá̰a̰ gə̄ ń Nə́ɓā əndā ní gíŕ tɔ́gə yā yá̰á̰ kə́ rim karī gə̄ tə́. I kə gō kem ndigə yādə́ alé, banī i kə gō kem ndigə yā nge ń əla dɔdə́ gíŕ tɔ́gə yā yá̰á̰ kə́ rim gə̄ tə́ ní. Ɓá tā ba yá̰á̰ kógə̄ḿ kə́ kadə̄ deē əndā kemən dɔ tə́ to noó:

KOHELET 5:10

Loo ń yá̰a̰ kənge i ngá̰ý anī, ngé kəsan gə̄ i ngá̰ý ō. Yá̰á̰ ń kɔ́ɔ̄n a ənge gírí ní i ka̰a̰ yá̰a̰ kənge yā n kə kumneé ngóy aĺ a?

KOHELET 12:8

Kumən gətóo, nge kɔjə ngé kán̄ naā gə̄ najə̄ əda na: I yá̰á̰ kə́ kumən gətóo, yá̰a̰ malang ní kumən gətóo.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

KOHELET 2:19

Deē ní kumən a edə̄ a deē ger̄ aĺ ō, i de kə́ a mbóo a deē ger̄ aĺ ō. Ni a téĺ kɔ́ɔ̄ kəla malang ń m̄-rāā kə kum kedə̄ yāḿ kum mbang tə́ ní: Nge ń noō i yá̰á̰ kə́ kanjə̄ kumən ō.

KOHELET 2:11

Banī m̄-tél m̄-tūr̄ rɔ̄ḿ kə̄ rɔ̄ kəla gə̄ malang ń m̄-rāādə́ kə jīḿ ní tə́ ō, kə̄ rɔ̄ kəla ń rāān tōr̄ rɔ̄ḿ ngá̰ý ní tə́ ō. M-á̰a̰ kadə̄ yá̰a̰ gə̄ ń noō malang i yá̰á̰ kə́ kanjə̄ kumən tītə̄ loo ngɔ̄də́ gō nél yā kəhɔn beé. Deē a ənge yá̰á̰ kógə̄ḿ gírí dɔ nang tə́ laā alé.

KOHELET 2:23

Tɔdɔ̄ ndɔ̄n gə̄ malang i rɔ̄ tōr̄ ō, kəla rāān i wur kɔl ō. Ndɔ̄ɔ́ gə̄gē ngarā̰ kemən ɔr̄ koō alé. Nge ń noō i yá̰á̰ kə́ kanjə̄ kumən ō.

KOHELET 2:17

I beé ní ndi kə kumuú i yá̰á̰ kə́ nelə̄m̄ aĺ ngá̰ý, tɔdɔ̄ kəla ń de gə̄ rāān̄ dɔ nang tə́ ní i yá̰á̰ kə́ majaĺ ta kumḿ tə́: Yá̰a̰ malang i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

KOHELET 11:8

Ré deē ndi kə kumneé ɓāl̄ ngá̰ý anī, ādə̄ rāā rɔ̄nel̄ kem ɓāl̄ gə̄ ń noō tə́ malang, banī ādə̄ əga kemən dɔ tə́ na ndɔ̄ kə́ majaĺ gə̄ i ngá̰ý ō, yá̰a̰ malang kə́ a reē ɓáý i yá̰á̰ kə́ kanjə̄ kumən ō.

KOHELET 6:11

Dan ń najə̄ i ngá̰ý anī, yá̰á̰ kə́ kanjə̄ kumən i ngá̰ý ō. I rí kə́ tɔȳ nge ń noō n deē ənge ní?

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

KOHELET 3:19

Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

KOHELET 2:21

Tɔdɔ̄ á̰a̰ā̰, kadə̄ deē rāā kəla yān kə kum kedēé ō, kə ger̄ yá̰á̰ ō, kəla ní teē majə ō, ɓáa i de kə́ rang kə́ rāā kəla ní aĺ n nge rāā kəla ní a adə̄n kan̄ kəla yān ní ní, nge ń noō i yá̰á̰ kə́ kumən gətóo ō, i majaĺ kə́ bo ngá̰ý ō.

KOHELET 11:10

Ī-gōn̄g yá̰á̰ kə́ a ojə wōn̄g aláa mo̰y kɔ̄ɔ́. Tɔdɔ̄ ɓāl̄ balsáa yā deē ō, ɓāl̄ ngangə̄n ō, i yá̰a̰ gə̄ kə́ a mānə̄n̄ láẃ ngá̰ý.

KOHELET 4:16

De gə̄ malang ń ni i ngār yādə́ ní, i kósə de gə̄ kə́ dum̄ tə́da kutədə́. Ɓá tā ba ngáńdə́ gə̄ ń a utə̄n̄ gōdə́ ní rɔ̄də́ a nel̄də́ ngá̰ý tām̄ yā ngār ní tə́ alé. Tɔdɔ̄ nge ń noō i yá̰á̰ kə́ kanjə̄ kumən kə́ tītə̄ loo ngɔ̄də̄ gō nél yā kəhɔn.

KOHELET 2:15

Tā anī m-ə́da kə̄ kemḿ tə́ na: Yá̰á̰ ń rāā de kə́ mbóó ní a rāām̄ mā ō, ní m̄-sāā kadə̄ kumḿ mā kə edə̄ ngá̰ý i najə̄ rí tə́? I yá̰á̰ kə́ kanjə̄ kumən ō.

Makətūbə̄ yā Job 11:12

De ń yá̰a̰ tɔȳ tɔ́gən ní ger̄ najə̄ to̰ alé. Deē malang ń i ngōn̄ kásə́ ɓáý ní, to i tītə̄ ngōn̄ kərō kə́ bembeé beé.

PĀ GƏ̄ 89:47

Kɔ́ɔ̄ɓē, ā ī-ɓɔ̄ɔ̄ rɔ̄í i bátə́ ta kə́ rá? Wōn̄g yāí a o̰o̰ loo bir bir i bátə́ ta kə́ rá?

KOHELET 2:8

m̄-kán̄ gində̄ arjā̰a̰ ō lɔ́r ō ń i yá̰a̰ kənge yā mban̄g gə̄ ō, yā ɓē gə̄ ō ń əlan̄ dɔdə́ gír tɔ́gə yāḿ tə́ ní kə̄ dɔ naā tə́ tām̄ yāḿ tə́. Yá̰á̰ ń nel̄ ta ngán Adam gə̄ ngá̰ý á i dəyá̰ gə̄ ní m-ɔ́ýdə́ ngá̰ý tām̄ yāḿ tə́ ō.