KOHELET 1:13 - Bibəl ta Sar̄

¹³ Yá̰a̰ malang ń a rāā yá̰a̰ dɔ nang tə́ laā ní, m-ə̄ndā rɔ̄ḿ ta tə́ m̄-sāā gír ō, m-ə̄ndā ma̰ȳ ngá̰ý kə kum kedēé ō. Nge ń noō i kəla kə́ ngan̄g ngá̰ý kə́ Nə́ɓā əndā dɔ de gə̄ tə́ kadə̄ rāān̄!

Bible sar

¹³ Yá̰a̰ malang ń a rāā yá̰a̰ dɔ nang tə́ laā ní, m-ə̄ndā rɔ̄ḿ ta tə́ m̄-sāā gír ō, m-ə̄ndā ma̰ȳ ngá̰ý kə kum kedēé ō. Nge ń noō i kəla kə́ ngan̄g ngá̰ý kə́ Nə́ɓā əndā dɔ de gə̄ tə́ kadə̄ rāān̄!

KOHELET 1:13 Referans Kwoze

KOHELET 3:10

Kəla ń Nə́ɓā adə̄ ngán deē ndul gə̄ kadə̄ rāān̄ ní m-á̰a̰ā̰.

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

KOHELET 1:17

m̄-gḛy ger̄ dɔ nin̄ kum kedə̄ ō, mbóo ō. m̄-gḛy ger̄ dɔ nin̄ yá̰á̰ kə́ to ngáā ō, yá̰a̰ kə́ kumən gətóo ō ba m-á̰a̰ kadə̄ nge ń noō i ngɔ̄də̄ gō nél.

1 TIMOTE 4:15

Yá̰á̰ ń kadə̄ ī-rāā ní n noó, ə̄ndā rɔ̄í ta tə́. I loo ń noō tə́ n de gə̄ malang a gerə̄n̄ kaw̄ kum kə̄ kété yāí ní.

KOHELET 12:12

Ngōnə̄ḿ, ī-lōō kənī najə̄ kə́ rang dɔ tə́. Makətūbə̄ gə̄ ń deē asə rāā ní ta ngóýdə́ gətóo ō, ndóō yá̰á̰ kə́ ngá̰ý a taā tɔ́gə deē ō.

KOHELET 7:25

Adə̄ m-ə̄ndā rɔ̄ḿ ta ndóō yá̰á̰ tə́ ō, ta ndəle gíŕ yá̰á̰ tə́ ō. m̄-sāā ger̄ yá̰á̰ ń i kum kedə̄ ní ō, m̄-sāā ger̄ kum yá̰a̰ gə̄ ń a rāān̄ yá̰á̰ ní ō. M-á̰a̰ kadə̄ kem ndul i mbóo, i mbóó kə́ a rāā deē kɔ̄r̄ tə́.

KOHELET 8:9

M-á̰á̰ yá̰a̰ gə̄ ń noō malang i dan ń m-ā m-ə̄ndań ma̰ȳ yá̰á̰ malang ń de gə̄ a rāān̄ dɔ nang tə́ ní, dan ń deē əndā tɔ́gən dɔ deē madə̄n tə́ yā rāānneé yá̰á̰ kə́ majaĺ ní.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

KOHELET 2:23

Tɔdɔ̄ ndɔ̄n gə̄ malang i rɔ̄ tōr̄ ō, kəla rāān i wur kɔl ō. Ndɔ̄ɔ́ gə̄gē ngarā̰ kemən ɔr̄ koō alé. Nge ń noō i yá̰á̰ kə́ kanjə̄ kumən ō.

Gōsə̄ najə̄ gə̄ 23:26

Ngōnə̄ḿ, ādə̄m̄ kemií, ādə̄ rɔ̄í nelī loo kun gō tóo njaḿ tə́.

Gōsə̄ najə̄ gə̄ 18:15

De kə́ ger̄ kum yá̰a̰ sāā yá̰a̰ ger̄ ənge ō, mbī ngé kum kedə̄ gə̄ atə gō tə́ ō.

Gōsə̄ najə̄ gə̄ 18:1

De kə́ nge rāā ta yá̰a̰ a sāā i yá̰á̰ ń kemən gḛy ní. Ni a ənī wōn̄g ta kɔjə̄ malang ń deē adə̄n tə́ ní.

Gōsə̄ najə̄ gə̄ 4:7

Yá̰á̰ kə́ ta kəga dɔ yā kum kedə̄ ní i kadə̄ ī-sāā kum kedə̄ ī-mang ō, yá̰a̰ malang ń ə́ngé ní ī-mangəń ger̄ kum yá̰a̰ ō.

PĀ GƏ̄ 111:2

Kɔ́ɔ̄ɓē rāā yá̰á̰ kə́ bo gə̄! De gə̄ malang ń gḛyn̄ ní ndóōn̄.

Makətūbə̄ yā Job 28:3

De gə̄ ndērə̄n̄ bəlo kə́ ɗúú ngá̰ý ba risən̄ kemeé kə hor lámbá sāānəń mbal̄ gə̄ ní.

KOHELET 3:11

Nə́ɓā ɔjə kum mbang ń kadə̄ yá̰a̰ gə̄ a rāān̄neé yá̰á̰ ní kógə̄ḿ kógə̄ḿ kə gō naá. Ni-əndā ɓō ger̄ gír yá̰á̰ kə́ mān̄ kɔ̄ɔ́ ō, kə́ a reē ɓáý ō kem de gə̄ tə́. Banī j-asiī ger̄ kum kəla rāā Nə́ɓā kə ta njaá malang alé.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 11:5

Tītə̄ ń ī-ger̄ loo kəndā ń ngōn̄ a əndā rɔ̄n kem dəyá̰ kə́ nge ndān̄ ngōn̄ tə́ aĺ ní, Nə́ɓā ń i nge rāā yá̰a̰ malang ní, ḭ̄ ásə ger̄ kəla rāān aĺ ō.

Gōsə̄ najə̄ gə̄ 25:2

Jə-rɔyī Nə́ɓā i tām̄ ni ɓɔ̄ɔ̄ dɔ yá̰á̰ kə́rēý gə̄ kɔ̄ɔ́ ō, jə-rɔyī mban̄g gə̄ i tām̄ nin̄ əndān̄ ma̰ȳ yá̰a̰ gə̄ pá tá rāān̄ ō.