KƏLA RĀĀ 9:4 - Bibəl ta Sar̄

⁴ Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

Bible sar

⁴ Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

KƏLA RĀĀ 9:4 Referans Kwoze

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

1 KORḚNTƏ 12:12

Tɔdɔ̄ rɔ̄ deē i kógə̄ḿ beē, banī ngán rɔ̄n gə̄ i ngá̰ý. Ba ngán rɔ̄n gə̄ ń gíŕdə́ i ngá̰ý noō ɓoon̄ naā anī, télən̄ i rɔ̄ de kə́ kal kógə̄ḿ beē. Ba Kərist i tītə̄ ń noō ō.

Makətūbə̄ ń Pol ndang adə̄ Rom gə̄ ní 11:22

Majə kadə̄ ə̄ndā kumií á̰a̰ń rāā ń Nə́ɓā rāā kem majə kə de gēé ní ō, kəndā ń a əndā katə̄n dɔdə́ tə́ ní ō. Ni-əndā katə̄n i dɔ ngé gə̄ ń əsōn̄ tə́ ní, ɔjə kem majə yān i seí ḭ̄ḭ́ ō dan ń ə̄ndā kemií dɔ kem majə yān ń toō tə́ ní. Ré i beé aĺ anī, a tə́gāī kɔ̄ɔ́ tītə̄ yādə́ ō.

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

TA KƏLA 22:11

anī nge kaw̄ kəla yā Kɔ́ɔ̄ɓē ndi dɔ rā̰ tə́ ɓārə́n na: Abəraham! Abəraham! Anī Abəraham ndigə na: Mā n toó.

TA KƏLA 16:8

Ni-ədan na: Agar, ɓəlo yā Sarai, ḭ́ḭ i rá? Āw̄ i kə̄ rá? Agar tél ədan na: M-ā̰ȳ i kɔ́ɔ̄ḿ Sarai.

EPEJƏ 5:30

tɔdɔ̄ jḭḭ̄ i ngán rɔ̄n gə̄.

1 KORḚNTƏ 4:7

Tɔdɔ̄ i náā n rāāī ḭ̄ de kə́ tayā tə́ ní? Yá̰á̰ ń ə́ngé ní i rí n i kə́ adīn̄ i mbée aĺ ní? Banī loo ń adīn̄ i mbée anī, i tām̄ rí tə́ á ɔ́jəń rɔ̄í tītə̄ kə́ adīn̄ i mbée aĺ ní?

JA̰A̰ 21:15

Dan ń nin̄-əsan̄ yá̰a̰ oy anī, Jeju dəje Simo̰ Piyer na: Simo̰ ngōn̄ Ja̰a̰, ī-tárəm̄ tɔȳ madí gə̄ ń toō a? Anī Simo̰ Piyer tél ədan na: A̰á̰ā̰ Kɔ́ɔ̄ɓē, ī-ger̄ kadə̄ nelə̄m̄ seí. Anī Jeju ədan na: Ūl̄ ngán batə̄ yāḿ gə̄.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

TA KƏLA 3:9

Kɔ́ɔ̄ɓē Nə́ɓā ɓāŕ dəngam ədan na: Ḭ̄ i rá?

JA̰A̰ 20:16

Jeju ədan na: Mari! Anī Mari tūr̄ rɔ̄n, ba ədan kə ta Hebəro na: Rabuni, kumən na i ngoləḿ.

JA̰A̰ 18:6

Dan ń Jeju ədadə́ na i mā n toó ní anī, nin̄-də́bān̄ kə gōdə́ ba aw̄ əsōn̄.

Najə̄ kə́ Majə yā Jeju ń Luk ndang ní 10:41

Banī Kɔ́ɔ̄ɓē tél ədan na: Martə, Martə, ḭ̄ ī-sōl̄ ō, ī-ndebə jak jak ō tām̄ yā yá̰á̰ kə́ gíŕdə́ i kósə́ ngá̰ý gə̄ tə́.

Teē Ngán Israel gə̄ 3:4

Dan ń Kɔ́ɔ̄ɓē a̰a̰n loo rə̄ngō rɔ̄n tə́ anī, ɓār̄ ɓār̄ kə̄ dan bɔkə́ kámbə́ ní tə́, əda na: Moijə, Moijə. Anī Moijə ndigə na: Mā n toó.

KƏLA RĀĀ 5:10

Anī dəyá̰ ní teē əsō nja Piyer tə́ kə̄ ta jī tə́ noō ba oy kɔ̄ɔ́. Dan ń balsáa gə̄ udən̄ anī əngen̄ i nīnə́n tá. Nin̄-unnən̄ ba aw̄ dubə̄nən̄ kadə ngaan tə́.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

KƏLA RĀĀ 9:5

Sol ədan na: Ḭ̄ i náā Kɔ́ɔ̄ɓē? Anī deē ní tūr̄ ədan na: Mā i Jeju ń ī-rāām̄ ndoō tə́ ní.