KƏLA RĀĀ 9:16 - Bibəl ta Sar̄

¹⁶ Mə̄kɔ́ m-ā m-ɔ́jən yá̰á̰ kə́ tōr̄ gə̄ malang ń kadə̄ a rāān tām̄ yā rīḿ tə́ ní.

Bible sar

¹⁶ Mə̄kɔ́ m-ā m-ɔ́jən yá̰á̰ kə́ tōr̄ gə̄ malang ń kadə̄ a rāān tām̄ yā rīḿ tə́ ní.

KƏLA RĀĀ 9:16 Referans Kwoze

1 TESALONIK 3:3

Yā kadə̄ yá̰á̰ kə́ tōr̄ gə̄ ń a rāān̄jí toō, ɔr̄ tɔ́gə deē kógə̄ḿ dansí tə́ alé. Tɔdɔ̄ sḭḭ̄ kɔ́ gə̄ ī-gerī kadə̄ Nə́ɓā əndā dɔ yá̰á̰ ń noō danaá kɔ̄ɔ́ ɓá tām̄ yājí tə́,

KƏLA RĀĀ 21:11

Ni-reē rɔ̄jí tə́, un kəlā do̰ō̰ ɓōdə̄ yā Pol tó̰o̰ń njan gə̄ ō jīn gə̄ ō ba əda na: Yá̰á̰ ń Ndíĺ kə́ Táĺ əda ní n toó: Deē ń i kɔ́ɔ̄ kəlā do̰ō̰ ɓōdə̄ ń toō ní, Jipə gə̄ a do̰ō̰nən̄ beé kem ɓē kə́ Jerusalem tə́, ba a əlanən̄ jī de gə̄ ń nin̄ i Jipə aĺ gə̄ ní tə́.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

1 PIYER 4:14

Ré tájə̄n̄sí tām̄ yā rī Kərist tə́ anī, ādī rɔ̄sí nel̄sí. Tɔdɔ̄ Ndíĺ kə́ to kɔsə gɔn ń i Ndíĺ Nə́ɓā ní, i dɔsí tə́.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

MATIYE 5:11

Sḭḭ̄ i kə rɔ̄nelēé dan ń de gə̄ a tájə̄n̄sí ō, a rāān̄sí ndoō tə́ ō, a tétə̄n̄ najə̄ kə́ majaĺ gə̄ malang dɔsí tə́ ō, tām̄ yāḿ mā tə́ ní.

MATIYE 24:9

Dan ngeé ń noō tə́ ní a əlan̄sí jī de gə̄ tə́ kadə̄ a rāān̄sí kadə̄ wursí a ɔlsí ō, a tɔ̄lə̄n̄sí ō. Gíŕ nápar de gə̄ malang a imə̄n̄sí najə̄ yāḿ mā tə́.

2 TIMOTE 3:11

Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

KƏLA RĀĀ 21:4

J-ənge ngé ndóō yá̰a̰ gə̄ noó, adə̄ jə-ndi sedə́ ndɔ̄ sīrí. Ndíĺ kə́ Táĺ tāādə́ adə̄ nin̄-ədan̄ Pol na kə lōō kaw̄ Jerusalem.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

KƏLA RĀĀ 9:14

Tá laā ní ngol gə̄ kə́ dɔ ngé tun̄ yá̰a̰ gə̄ tə́ adə̄nən̄ ta róbə kadə̄ kə tṵ́ṵ̄ de gə̄ malang ń a ɓārə́n̄ rīí ní kə kəlaá.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

KƏLA RĀĀ 9:6

Ba ḭ́ḭ dɔɔ́ údə kem ɓēé, anī a ɔjənī yá̰á̰ ń kadə̄ ī-rāā ní.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.