KƏLA RĀĀ 9:10 - Bibəl ta Sar̄

¹⁰ Nge ndóō yá̰a̰ yā Jeju kógə̄ḿ kə́ rīn na i Ananias ndi kem ɓē kə́ Damas tə́. Kɔ́ɔ̄ɓē ndɔ̄bən ba ədan na: Ananias! Anī Ananias ndigən əda na: Mā n toō Kɔ́ɔ̄ɓē!

Bible sar

¹⁰ Nge ndóō yá̰a̰ yā Jeju kógə̄ḿ kə́ rīn na i Ananias ndi kem ɓē kə́ Damas tə́. Kɔ́ɔ̄ɓē ndɔ̄bən ba ədan na: Ananias! Anī Ananias ndigən əda na: Mā n toō Kɔ́ɔ̄ɓē!

KƏLA RĀĀ 9:10 Referans Kwoze

KƏLA RĀĀ 22:12

Ba kem ɓē kə́ Damas tə́ ní, dəngam kógə̄ḿ kə́ rīn na i Ananias ndi noó. Ni i de kə́ nge ɓōĺ ndíĺ Nə́ɓā ō, i de kə́ nge kəhɔ gō ndū najə̄ ō, Jipə gə̄ malang kə́ Damas tə́ ədan̄ najə̄ yān majə ō.

KƏLA RĀĀ 10:3

Ndɔ̄ kógə̄ḿ tə́ kə mbang kə́ mətá kə́ loo sɔlí anī, de kə́ dɔ rā̰ tə́ kógə̄ḿ yā Nə́ɓā ndɔ̄bən adə̄ a̰a̰n unjə̄ ká̰ý ká̰ý. Nge kəla ní udə kújú gōn tə́ ba ədan na: Kɔrney!

TA KƏLA 22:1

Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

1 SAMUEL 3:4

Kɔ́ɔ̄ɓē ɓāŕ Samuel anī Samuel ndigən na: Mā n toó.

Teē Ngán Israel gə̄ 3:4

Dan ń Kɔ́ɔ̄ɓē a̰a̰n loo rə̄ngō rɔ̄n tə́ anī, ɓār̄ ɓār̄ kə̄ dan bɔkə́ kámbə́ ní tə́, əda na: Moijə, Moijə. Anī Moijə ndigə na: Mā n toó.

TA KƏLA 31:11

Nge kəla yā Nə́ɓā reē dɔḿ tə́ kə nīí ɓārə́m̄ na: Jakob! Anī m̄-ndigən na: Mā n toó!

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

2 SAMUEL 15:26

Ba ré Kɔ́ɔ̄ɓē əda na n-gḛym̄ aĺ anī, ādə̄ rāā yá̰á̰ ń kemən ndigə ní seḿ.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

TA KƏLA 14:15

Ni-kēgə̄ ɓūtə̄ de gə̄ yān gə̄ naā tə́ yā rɔ̄ɔńdə́ ndɔ̄ɔ́. Ni-tetədə́ rɔ̄ɔ̄ ba ngɔ̄də̄də́ bátə́ ugə̄ sedə́ Hoba ń ra i dām̄ Damas kə́ ko̰ó̰ tə́ ní.

KƏLA RĀĀ 9:9

Ni-ndi ndɔ̄ mətá kanjə̄ ka̰a̰ loo, əsa yá̰a̰ aĺ ō, a̰ȳ man̄ aĺ ō.

KƏLA RĀĀ 11:5

Dan ń m̄-ndi m-ā m̄-ndɔ̄ȳ Nə́ɓā kem ɓē kə́ Jope tə́ anī, m-á̰á̰ yá̰á̰ kógə̄ḿ kə́ to tītə̄ kūbə̄ kə́ bo kə́ əhɔn̄ ta kílən kə́ sɔ́ gə̄ beé ḭḭ dɔ rā̰ tə́ reē bátə́ ugə̄ rɔ̄ḿ tə́ ngɔr.

KƏLA RĀĀ 12:9

Piyer teē ndágá ba un gōn. Yá̰á̰ ń de kə́ dɔ rā̰ tə́ rāā ní, ni-ger̄ kadə̄ i yá̰á̰ kə́ rɔ̄kum alé. Ni ɔjəń na i yá̰a̰ n na ndɔ̄wn adə̄ n-a̰ā̰ ní.

KƏLA RĀĀ 16:9

Ndɔ̄ɔ́ anī yá̰a̰ ndɔ̄bə̄ Pol: Ni-a̰a̰ deē kógə̄ḿ kə́ Masedəwan. Deē ní ra kə njan kə́ dɔɔ́ rāān ɓɔ́ ba ədan na: Ī-reē Masedəwan ī-dḭḭ̄jí!

KƏLA RĀĀ 16:10

Gō yá̰a̰ ń noō ń ndɔ̄bə̄ Pol tə́ ní, kə̄ ta jī tə́ noō jə-sāā kaw̄ Masedəwan, tām̄ jə-ger̄ majə ngá̰ý kadə̄ Nə́ɓā ɓāŕjí i kadə̄ j-aw̄ j-ɔjə de kə́ gō nang ngeé ń noō tə́ gə̄ Najə̄ kə́ Majə.

KƏLA RĀĀ 18:9

Kɔ́ɔ̄ɓē ndɔ̄bə̄ Pol ndɔ̄ɔ́ ndɔ̄ kógə̄ḿ tə́ ba ədan na: Ī-lōō ɓōĺ, ɔ̄r̄ najə̄ ba ī-lōō ndi kə taí kə́ mbóó,

2 KORḚNTƏ 11:32

Dan ń mā i kem ɓē kə́ Damas tə́ ní, nge ko̰o̰ ɓē ń i nge rāā kəla yā mban̄g Aretas ní, tə́ndā ngé ngɔ̄m̄ loo gə̄ kə ta róbə gə̄ kə́ yā teēń kem ɓēé kə̄ ndágá tə́.

GALATƏ 1:17

de gə̄ ń nin̄ i ngámbang kəla gə̄ kété noḿ tə́ ní, m-āw̄ ka̰a̰də́ tə́ Jerusalem aĺ ō, ba m-āw̄ i gō nang kə́ Arabə tə́ kanjə̄ kɔr bā̰ā̰ ō. Gō tə́ anī, m̄-tél dɔ tə́ m-āw̄ gogə́ Damas ō.

KƏLA RĀĀ 9:12

ba a̰a̰ deē kógə̄ḿ kə́ rīn na i Ananias udə kújú gōn tə́ ba əndā jīn dɔn tə́, yā kadə̄ kumən kə tél kə a̰a̰ loo gogə́.