KƏLA RĀĀ 8:7 - Bibəl ta Sar̄

⁷ Ndíĺ kə́ yḛr gə̄ ngá̰ý teēn̄ kɔ̄ɔ́ kə kɔŕ kə́ ngá̰ý kem de gə̄ ń nin̄ i kemdə́ tə́ ní ō, rɔ̄ ngé lígə̄rī gə̄ kə ngé tə́sō motə gə̄ ngá̰ý tél ngan̄g májə́ májə́ gogə́ ō.

Bible sar

⁷ Ndíĺ kə́ yḛr gə̄ ngá̰ý teēn̄ kɔ̄ɔ́ kə kɔŕ kə́ ngá̰ý kem de gə̄ ń nin̄ i kemdə́ tə́ ní ō, rɔ̄ ngé lígə̄rī gə̄ kə ngé tə́sō motə gə̄ ngá̰ý tél ngan̄g májə́ májə́ gogə́ ō.

KƏLA RĀĀ 8:7 Referans Kwoze

MATIYE 10:1

Jeju ɓāŕ ngé ndóō yá̰a̰ yān kə́ kutə gidə i jōó gə̄, ba adə̄də́ tɔ́gə kadə̄ tə̄ɓān̄neé ndíĺ kə́ yḛr gə̄ ō, kadə̄ rāān̄neé kadə̄ rɔ̄ ngé mo̰y gə̄ malang ngáā ō, rɔ̄ de kə́ nujə gə̄ malang tél majə gogə́ ō.

KƏLA RĀĀ 5:16

Kósə de kə́ kem ɓē gə̄ kə́ kadə ɓē kə́ Jerusalem tə́ gə̄ ɓə̄ngān̄ naā ɓuk reēn̄ ō. Nin̄-reēn̄ kə ngé mo̰y gə̄ ō, kə de gə̄ kə́ ndíĺ kə́ yḛr gə̄ a rāān̄ kumdə́ ndoō tə́ gə̄ ō, ba de gə̄ malang ń noō ní əngen̄ rɔ̄ ngáā.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

JA̰A̰ 14:12

Ādə̄ m-ə́dásí najə̄ kə́ bo ngá̰ý, deē ń taā kemḿ anī a rāā kəla gə̄ ń m̄-rāā ní ō, ba a rāā ngé kə́ bo tɔȳ ngé gə̄ ń toō ɓáý, tɔdɔ̄ m-ā m-āw̄ i kə̄ rɔ̄ Bɔbə́ḿ tə́.

Najə̄ kə́ Majə yā Jeju ń Luk ndang ní 10:17

Ngé kə́ kutə sīrí gidə i jōó gə̄ ní tél reē ugə̄n̄. Rɔ̄də́ nel̄də́ ngá̰ý adə̄ ədan̄ Jeju na: Kɔ́ɔ̄ɓē, dan ń j-əda rīí anī, ndíĺ kə́ majaĺ gə̄ gə̄gē oōn̄ tají ba rāān̄ yá̰á̰ ń j-ədadə́ ní.

MARK 9:26

Ndíĺ ní əga kɔŕ ō, jəngan rik rik ō, ba teē kemən tə́ kɔ̄ɔ́, anī ngōn̄ ní to tītə̄ kə́ oy kɔ̄ɔ́ beē, adə̄ de kə́rēý gə̄ ngá̰ý ədan̄ na ni-oy kɔ̄ɔ́ tā.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

IJAI 35:6

Ngé nja motə gə̄ a tḭ́ḭ̄n̄ bal tītə̄ jal̄ gə̄ beé ō, ngé gə̄ ń gír kəlā ndo̰də́ do̰ō̰ naā kɔ̄ɔ́ adə̄ nin̄ a ɔrə̄n̄ najə̄ aĺ ní, a teēn̄ tadə́ yā kədań najə̄ rɔ̄nel̄ yādə́. Man̄ a kə̄rā tiriri dəla loo tə́, bā gə̄ a nūgə́n̄ dɔ nang kə́ tutə tə́.

KƏLA RĀĀ 8:6

Kósə de gə̄ malang nēlə̄n̄ mbīdə́ oōn̄neé najə̄ yā Pilipə, tɔdɔ̄ nin̄-oōn̄ kōō yá̰á̰ kə́ yáā gə̄ ń ni-rāā ní ō, nin̄ kɔ́ gə̄ a̰a̰n̄ yáā gə̄ ní kə kumdə́ ō.