KƏLA RĀĀ 8:5 - Bibəl ta Sar̄

⁵ I beé n Pilipə aw̄ń kem ɓē kógə̄ḿ kə́ gō nang kə́ Samari tə́ ní. Ni ɔjə de kə́ kemeé gə̄ najə̄ yā Kərist.

Bible sar

⁵ I beé n Pilipə aw̄ń kem ɓē kógə̄ḿ kə́ gō nang kə́ Samari tə́ ní. Ni ɔjə de kə́ kemeé gə̄ najə̄ yā *Kərist.

KƏLA RĀĀ 8:5 Referans Kwoze

KƏLA RĀĀ 6:5

Kósə́ ngé ndóō yá̰a̰ gə̄ malang ndigən̄ najə̄ ní. Adə̄ gə̄rān̄ Etiyen ń i de kə́ taā kem yān i taā kem kə́ mámák ō, Ndíĺ kə́ Táĺ rosə kemən ní ō, gə̄rān̄ Pilipə ō, Pərokor ō, Nikanor ō, Timon ō, Parmenas ō, Nikola kə́ A̰tiyos tə́ ń kété ni i Jipə tél ní ō,

KƏLA RĀĀ 21:8

Teē kə ndɔ̄ kə́ noō anī j-ɔr̄ dɔɔ́ j-aw̄ Sejare. Dan ń j-ugə̄ anī, j-aw̄ ɓē yā Pilipə nge kɔjə Najə̄ kə́ Majə tə́ ba jə-ndi looneé. Ni i de kə́ dan ngé kə́ sīrí gə̄ ń gə̄rān̄də́ ní tə́.

KƏLA RĀĀ 8:40

Ba Pilipə a̰a̰ rɔ̄n i kem ɓē kə́ Ajot tə́ kɔ̄ɔ́. Gō tə́ anī ni-njə̄rā kə gō ɓē gə̄, ba ɔjə Najə̄ kə́ Majə kem ɓē gə̄ malang ń ni-mān̄ tū tə́ ní tə́, bátə́ ugə̄ń kem ɓē kə́ Sejare tə́.

1 KORḚNTƏ 3:11

Yā ngəra kújə́ ɓáa deē kógə̄ḿ kə́ asə kəndā kə́ rang gətóo, i nge ń i kə́ kəndā ɓáá ní ngóy, adə̄ i Jeju Kərist.

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

KƏLA RĀĀ 5:42

Nin̄-ndóōn̄ de gə̄ yá̰a̰ ō, ɔjən̄ de gə̄ Najə̄ kə́ Majə yā Jeju Kərist ō, kə dɔ ndɔ̄ gə̄ kem kújə yā Kɔ́ɔ̄ɓē tə́ ō, kem kújə gə̄ tə́ ɓēé ō.

1 KORḚNTƏ 2:2

Tɔdɔ̄ m̄-sāā ger̄ yá̰á̰ kə́ rang dan ń m̄-ndiń sesí ní alé, ba i Jeju Kərist ngóy, nge ń əndanən̄ kə máyá̰ tū kāgə̄ kə́ dēsə́ tə́ ní.

KƏLA RĀĀ 9:20

Ni ngóō alé ba udə kə̄ rɔ̄ kɔjə najə̄ tə́ kem kújə́ kán̄ naā gə̄ tə́, əda de gə̄ na Jeju i Ngōn̄ Nə́ɓā.

KƏLA RĀĀ 8:1

Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

KƏLA RĀĀ 8:6

Kósə de gə̄ malang nēlə̄n̄ mbīdə́ oōn̄neé najə̄ yā Pilipə, tɔdɔ̄ nin̄-oōn̄ kōō yá̰á̰ kə́ yáā gə̄ ń ni-rāā ní ō, nin̄ kɔ́ gə̄ a̰a̰n̄ yáā gə̄ ní kə kumdə́ ō.

KƏLA RĀĀ 8:26

De kə́ dɔ rā̰ tə́ yā Kɔ́ɔ̄ɓē əda Pilipə na: Āw̄ kumií kə̄ dām̄ mbɔ́r ɓē kə́ geleé tə́, róbə́ ń ḭḭ Jerusalem aw̄ kə̄ Gaja tə́ ní, i róbə́ kə́ kem dəla loo tə́.

KƏLA RĀĀ 8:30

Pilipə a̰ȳ ngɔ̄də̄ aw̄ rɔ̄ tə́, anī oō de kə́ bo ní ndi a tə́da i najə̄ yā Ijai nge koō ta. Anī dəjen na ké ger̄ kum najə̄ nəkɔ́ ń a tə́da toó wa.