KƏLA RĀĀ 8:3 - Bibəl ta Sar̄

³ Ba Sol əhɔ rɔ̄n tɔgə a sāā loo nujə Egəlijə kɔ̄ɔ́. Ni túdə̄ kə̄ kem kújə gə̄ tə́, ndɔ́r̄ dəngam gə̄ ō dəyá̰ gə̄ ō kə̄ ndágá ba ɓōkə́də́ dəngáyá.

Bible sar

³ Ba Sol əhɔ rɔ̄n tɔgə a sāā loo nujə Egəlijə kɔ̄ɔ́. Ni túdə̄ kə̄ kem kújə gə̄ tə́, ndɔ́r̄ dəngam gə̄ ō dəyá̰ gə̄ ō kə̄ ndágá ba ɓōkə́də́ dəngáyá.

KƏLA RĀĀ 8:3 Referans Kwoze

1 TIMOTE 1:13

Mā ń kété m̄-ndájə̄ najə̄ dɔn tə́ ō, m̄-rāā kumən ndoō tə́ ō, m̄-rāān majaĺ ngá̰ý ō ní. Banī Nə́ɓā a̰a̰ kum tō ndoō yāḿ, tām̄ dan ń noō tə́ ní, m̄-taā kem Kərist alé. Tɔdɔ̄ m̄-rāā yá̰a̰ i kə́ de kə́ ger̄ yá̰a̰ aĺ tə́.

PILIPƏ 3:6

Kə́ ɔjə dɔ ko̰o̰ kə́ o̰o̰ deē tɔdɔ̄ Nə́ɓā tə́ ɓáa, mā i de kə́ o̰o̰m̄ tɔdɔ̄ Nə́ɓā ngá̰ý, adə̄ m̄-rāā Egəlijə yā Jeju Kərist ndoō tə́. Kə́ ɔjə dɔ rāā yá̰á̰ kə́ ndū najə̄ əda tə́ yā kadə̄ deē téləń de kə́ nge rāā yá̰á̰ kə́ gōtə́ ɓáa, najə̄ kə́ yā kadə̄ deē əda dɔḿ tə́ loon tə́ gətóo.

GALATƏ 1:13

Tām̄ sḭḭ̄ ōōī gotə háĺ yá̰a̰ rāāḿ kə́ kété jóo gə̄, dan ń mā m̄-rāań kəla m-ādə̄ Nə́ɓā kə gō róbən yā Jipə gēé ní. m̄-rāā kum Egəlijə yā Nə́ɓā ndoō tə́ kə ngangāá ngá̰ý ō, m̄-rāādə́ yá̰á̰ kə́ majaĺ ngá̰ý ō.

1 KORḚNTƏ 15:9

Tɔdɔ̄ mā i kə́ dūú ngá̰ý dan ngaḿbang kəla gə̄ tə́ malang. Kə́ rɔ̄kum tə́ ɓáa m-ásə kadə̄ ɓāŕmə̄n̄ ngōmbang kəla alé, tɔdɔ̄ m̄-rāā Egəlijə yā Nə́ɓā yá̰á̰ kə́ tōr̄.

KƏLA RĀĀ 22:19

Banī mā m̄-tél m-ə́da na: Kɔ́ɔ̄ɓē, nin̄ kɔ́ gə̄ gerə̄n̄ mbak kadə̄ mā m̄-túdə̄ kə̄ kem kújə́ kán̄ naā yā Jipə gə̄ tə́ m-ə́hɔń ngé gə̄ ń taān̄ kemií ní ba m̄-ɓōkə́də́ dəngáyá ō, m-ādə̄ əndan̄də́ ō.

KƏLA RĀĀ 9:21

De gə̄ malang ń oōn̄ najə̄ kɔrə̄n ní ɔr kumdə́ ngá̰ý, adə̄ ədan̄ na: I deē ń toō n i nge rāā ngé ɓāŕ rī Jeju gə̄ ndoō tə́ ngá̰ý kem ɓē kə́ Jerusalem tə́ ní aĺ a? Tá reē laā i tṵ́ṵ̄də́ tə́ kə kəlaá yā kaw̄ sedə́ rɔ̄ ngol gə̄ kə́ dɔ ngé tun̄ yá̰a̰ gə̄ tə́ tə́ aĺ a?

KƏLA RĀĀ 7:58

nin̄-ndɔ́r̄nən̄ kə̄ gidə ɓē tə́ ndágá ba tə́nīnən̄ kə mbalá tənī tɔ̄l̄nən̄. De kə́ kum tə́ gə̄ ɔrə̄n̄ kūbə̄ yādə́ gə̄ ba ɓōkə́n̄ nja balsáá kógə̄ḿ kə́ rīn na i Sol tə́.

JAKƏ 2:6

Ba sḭḭ̄ ídiī tasí gír nge ndoō tə́. I de kə́ ngé kənge yá̰á̰ ngá̰ý gə̄ n a rāān̄sí yá̰á̰ kə́ tōr̄ gə̄ ō, a ndɔ́rə̄n̄sí kə̄ loo sarya gə̄ tə́ ō ní aĺ a?

KƏLA RĀĀ 8:2

De kə́ ngé ɓōĺ Ndíĺ Nə́ɓā gə̄ dubə̄n̄ Etiyen ō, nōōnən̄ ngá̰ý ō.

KƏLA RĀĀ 16:19

Ba loo ń kɔ́ɔ̄ nge kəla kə́ dəyá̰ ní gə̄ a̰a̰n̄ kadə̄ loo kənge yá̰a̰ yādə́ gətóo kɔ̄ɔ́ anī, əhɔn̄ Pol nin̄ kə Silas, ndɔ́rə̄n̄də́ aw̄n̄ sedə́ loo kán̄ naā yā de kə́ kem ɓēé gə̄ tə́ no ngār gə̄ tə́.