KƏLA RĀĀ 8:12 - Bibəl ta Sar̄

¹² Ba dan ń de gə̄ ní taān̄ kem Pilipə tɔdɔ̄ ni ɔjədə́ Najə̄ kə́ Majə kə́ dɔ Ɓē ko̰o̰ yā Nə́ɓā tə́ ō, kə́ dɔ rī Jeju Kərist tə́ ō anī, nin̄ malang ní adə̄ rāān̄də́ batém, dəngam gē dəyá̰ gē.

Bible sar

¹² Ba dan ń de gə̄ ní taān̄ kem Pilipə tɔdɔ̄ ni ɔjədə́ Najə̄ kə́ Majə kə́ dɔ *Ɓē ko̰o̰ yā Nə́ɓā tə́ ō, kə́ dɔ rī Jeju *Kərist tə́ ō anī, nin̄ malang ní adə̄ rāān̄də́ *batém, dəngam gē dəyá̰ gē.

KƏLA RĀĀ 8:12 Referans Kwoze

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

KƏLA RĀĀ 1:3

I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

1 PIYER 3:21

Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

Makətūbə̄ ń Pol ndang adə̄ Rom gə̄ ní 10:10

Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

1 KORḚNTƏ 11:11

Ɓá tā ba ta kum Kɔ́ɔ̄ɓē tə́ ní, dəyá̰ a ɔr̄ rɔ̄n kɔ̄ɔ́ rɔ̄ dəngam tə́ aĺ ō, dəngam a ɔr̄ rɔ̄n kɔ̄ɔ́ rɔ̄ dəyá̰ tə́ aĺ ō.

KƏLA RĀĀ 28:31

Ni-ənī kemən ɔjəń najə̄ kə́ dɔ Ɓē ko̰o̰ yā Nə́ɓā tə́ kanjə̄ ɓōĺ ō, ndóoń de gə̄ najə̄ kə́ dɔ Kɔ́ɔ̄ɓē Jeju Kərist tə́ kanjə̄ ɓōĺ ō, de kə́ ɔgə̄n gətóo ō.

KƏLA RĀĀ 20:25

Ngɔlaā ní m̄-ger̄ majə kadə̄ sḭḭ̄ malang ń m̄-njə̄rā dansí tə́ m-ɔ́jəń najə̄ kə́ dɔ Ɓē ko̰o̰ yā Nə́ɓā tə́ ní, ā á̰a̰mī to̰ alé.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 18:8

Ngār kə́ dɔ kújə́ kán̄ naā tə́ ń rīn na i Kərispus ní, taā kem Kɔ́ɔ̄ɓē naā tə́ kə ngéén gə̄ malang. Korḛntə gə̄ ngá̰ý ń oōn̄ najə̄ yā Pol ní taān̄ kem ō, rāān̄də́ batém ō.

KƏLA RĀĀ 11:20

Banī ngé kə́rēý gə̄ kə́ dandə́ tə́ ń nin̄ i de kə́ Sipər tə́ gə̄ ō, kə́ Siren tə́ gə̄ ō ní, dan ń nin̄-ugə̄n̄ A̰tiyos anī, ɔjən̄ Gərek gə̄ Najə̄ kə́ Majə yā Kɔ́ɔ̄ɓē Jeju.

KƏLA RĀĀ 5:14

Kósə de kə́ ngá̰ý gə̄, adə̄ i dəngam gə̄ kə dəyá̰ gə̄ ń taān̄ kem Kɔ́ɔ̄ɓē ní reēn̄ kə dɔ naā tə́.

Najə̄ kə́ Majə yā Jeju ń Luk ndang ní 9:60

Banī Jeju ədan na: Ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄, ba ḭ̄, āw̄ ɔ́jə de gə̄ najə̄ kə́ dɔ Ɓē ko̰o̰ yā Nə́ɓā tə́.

Najə̄ kə́ Majə yā Jeju ń Luk ndang ní 9:2

Gō tə́ anī ni-əladə́ kənī mbēr̄ najə̄ kə́ dɔ Ɓē ko̰o̰ yā Nə́ɓā tə́ ō, tɔ̄l̄ mo̰y tə́ dɔ de gə̄ tə́ ō.

KƏLA RĀĀ 8:4

Ngé gə̄ ń tə̄ndā tḭ̄ḭ̄n̄də́ kə̄ loo gə̄ tə́ ní, unən̄ gō ɓē gə̄ ba ɔjən̄ de gə̄ Najə̄ kə́ Majə.

KƏLA RĀĀ 19:5

Dan ń nin̄-oōn̄ najə̄ gə̄ ń toō ní anī, nin̄-rāān̄də́ batém kə rī Kɔ́ɔ̄ɓē Jeju.