KƏLA RĀĀ 8:10 - Bibəl ta Sar̄

¹⁰ adə̄ de gə̄ malang, kə́ dūú gə̄gē kə́ bo gə̄gē a oōn̄ i yān. De gə̄ ədan̄ na deē ní na i tɔ́gə yā Nə́ɓā ń a ɓārə́n̄ na i tɔ́gə́ kə́ bo ní.

Bible sar

¹⁰ adə̄ de gə̄ malang, kə́ dūú gə̄gē kə́ bo gə̄gē a oōn̄ i yān. De gə̄ ədan̄ na deē ní na i tɔ́gə yā Nə́ɓā ń a ɓārə́n̄ na i tɔ́gə́ kə́ bo ní.

KƏLA RĀĀ 8:10 Referans Kwoze

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 13:3

Əndan̄ dɔn kógə̄ḿ kə doó, adə̄ dɔn ní to ranjang tītə̄ kə́ oy kɔ̄ɔ́ beē, ba do ń asə yon ní edə̄ kɔ̄ɔ́. Loo ń noō tə́ ɔr kum de kə́ dɔ nang tə́ gə̄ malang ngá̰ý, adə̄ nin̄-unən̄ gōn.

2 PIYER 2:2

Ba de gə̄ ngá̰ý a unən̄ gōdə́ loo rāā háĺ kə́ majaĺ gə̄ tə́ ō, de gə̄ tə́dan̄ najə̄ dɔ gō róbə yā najə̄ kə́ rɔ̄kum tə́ sɔɔ̄ń yá̰a̰ rāādə́ ō.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

2 KORḚNTƏ 11:19

Sḭḭ̄ ń i ngé kum kedə̄ gə̄ ní, tə́gā ta dɔ ngé kɔ̄r̄ gə̄ tə́ i yá̰á̰ kə́ tōr̄ rɔ̄sí alé!

1 KORḚNTƏ 1:24

Banī tām̄ yā ngé gə̄ ń Nə́ɓā ɓāŕdə́ tə́ ní, Jipə gə̄ aké Gərek gə̄ ní, ni i Kərist, adə̄ i tɔ́gə yā Nə́ɓā ō kum kedə̄ yā Nə́ɓā ō.

KƏLA RĀĀ 28:6

De gə̄ ní əndān̄ kemdə́ dɔ ka̰a̰n tə́ loo tágə̄ tə́, aláa loo ka̰a̰n tə́ loo teē kəsō koy tə́ kə̄ ta jī tə́ noō. Dan ń nin̄ ngóōn̄ dan i ngá̰ý ō, a̰a̰n̄ kadə̄ yá̰á̰ kógə̄ḿ kə́ rāān gətóo ō anī, tūrə̄n̄ ndūdə́, ədan̄ na Pol na i nə́ɓā kógə̄ḿ.

KƏLA RĀĀ 14:11

Dan ń kósə de gə̄ a̰a̰n̄ yá̰á̰ ń Pol rāā ní anī, əgan̄ kɔ́ŕ ədanə̄ń kə ta Likaoni na nə́ɓā gə̄ na télən̄ de gə̄ ba na reēn̄ rɔ̄də́ tə́.

JONAS 3:5

De kə́ Ninibə gə̄ taān̄ kem najə̄ yā Nə́ɓā kə̄ ta jī tə́ noō. Nin̄-*ndin̄ ɓō tām̄ yā Nə́ɓā tə́. Ngé kənge yá̰a̰ gə̄ gə̄gē, ngé ndoō gə̄ gə̄gē, nin̄ o̰ō̰n̄ kūbə̄ kəhɔ ndoō.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 42:1

Tā anī Yohanan kə́ ngōn̄ Karea ō, Ajaria kə́ ngōn̄ Hosaya ō ń nin̄ i ngol ngé rɔ̄ɔ̄ gə̄ malang ní ō, kósə de gə̄ malang, adə̄ i ngáń kə́ dūú gə̄gē, de kə́ tɔgə gə̄gē ní, ndɔ́tə̄n̄