KƏLA RĀĀ 8:1 - Bibəl ta Sar̄

¹ Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

Bible sar

¹ Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ *Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

KƏLA RĀĀ 8:1 Referans Kwoze

KƏLA RĀĀ 22:20

Etiyen ń i de kə́ kum tə́ yāí ní, dan ń ɓōkə́n̄ mósən nang tə́ ní, mā i kum tə́ ō. Mā m̄-ndigə najə̄ gō ngé tɔ̄lən gə̄ tə́ ō, m̄-ngɔ̄m̄ kūbə̄ yādə́ gə̄ ō.

KƏLA RĀĀ 7:58

nin̄-ndɔ́r̄nən̄ kə̄ gidə ɓē tə́ ndágá ba tə́nīnən̄ kə mbalá tənī tɔ̄l̄nən̄. De kə́ kum tə́ gə̄ ɔrə̄n̄ kūbə̄ yādə́ gə̄ ba ɓōkə́n̄ nja balsáá kógə̄ḿ kə́ rīn na i Sol tə́.

KƏLA RĀĀ 5:40

anī tél ɓārə́n̄ ngámbang kəla gə̄ gogə́, ba adə̄ əndan̄də́ kə ndéyé ō, ɔgə̄n̄də́ kɔr̄ najə̄ kə rī Jeju ō, pá tá əya̰n̄də́ dɔɔ́.

KƏLA RĀĀ 5:33

Dan ń nin̄-oōn̄ najə̄ gə̄ ń noō ní anī wōn̄g asədə́ nák, adə̄ sāān̄ tɔ̄l̄ ngámbang kəla gə̄ kɔ̄ɔ́.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

KƏLA RĀĀ 8:14

Dan ń ngámbang kəla gə̄ ń ndin̄ Jerusalem ní oōn̄ kadə̄ de kə́ Samari gə̄ na ndigən̄ najə̄ yā Nə́ɓā anī əlan̄ Piyer ō Ja̰a̰ ō loodə́.

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.

KƏLA RĀĀ 8:4

Ngé gə̄ ń tə̄ndā tḭ̄ḭ̄n̄də́ kə̄ loo gə̄ tə́ ní, unən̄ gō ɓē gə̄ ba ɔjən̄ de gə̄ Najə̄ kə́ Majə.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

HEBƏRO 11:27

I kə ta kūl̄ taā kem n ni əya̰ ɓē kə́ Ejiptə kɔ̄ɔ́, kanjə̄ ɓōĺ wōn̄g yā mban̄g ní. Ni əre wurən njam tītə̄ kə́ ni-a̰a̰ Nə́ɓā ń deē asə ka̰a̰n kə kumneé aĺ ní beē.

PILIPƏ 1:12

Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

KƏLA RĀĀ 13:1

Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

KƏLA RĀĀ 7:38

Dan ń ngán Israel gə̄ kánə̄n̄ naā kem dəla loo tə́ ní, i ni n i nge ra mbənā kaají gə̄ tə́ kə de kə́ dɔ rā̰ tə́ ń a ɔr̄ najə̄ seneé dɔ mbal̄ Sinai tə́ ní. I ni n taā najə̄ kə́ a rāā deē kadə̄ ndi kə kumneé adə̄jí ní.

KƏLA RĀĀ 5:20

Āw̄ ī-raī kem kújə yā Kɔ́ɔ̄ɓē tə́ ba ɔjiī ngán Israel gə̄ najə̄ malang kə́ dɔ ndi kə kumuú ń toō tə́.

KƏLA RĀĀ 5:18

Nin̄-əhɔn̄ ngámbang kəla gə̄ ɓōkə́n̄də́ kem kújə dəngáý kə́ tām̄ yā de gə̄ malang tə́.

KƏLA RĀĀ 2:47

Nin̄-tɔ̄ȳn̄ Nə́ɓā ō, nel̄ de gə̄ malang sedə́ ō. Ngé gə̄ ń ajən̄ ní Kɔ́ɔ̄ɓē reē sedə́ kə̄ dɔ ngé kán̄ naā gə̄ tə́ kə dɔ ndɔ̄ gə̄.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

MATIYE 23:34

I tām̄ najə̄ ń noō tə́ n m-ā m-ə́lá ngé koō ta gə̄ ō, ngé kum kedə̄ gə̄ ō, ngé ndóō de gə̄ ndū najə̄ gə̄ ō, kə̄ rɔ̄sí tə́ ní. Ā ī-tɔ̄lī kə́rēý gə̄ ō, ā ə́ndaī ngé kə́rēý gə̄ tū kāgə̄ kə́ dēsə́ tə́ kə máyá̰ ō, ā ə́ndaī kə́rēý gə̄ kə mərawaá kem kújə́ kán̄ naā yāsí tə́ ō, ā ī-ngɔ̄dīdə́ kə gō ɓē gə̄ ō.

MATIYE 22:6

gotə gə̄ əhɔn̄ ngé kəla gə̄ ní rāān̄də́ yá̰á̰ kə́ majaĺ ngá̰ý pá tá tɔ̄lə̄n̄də́ ō.

MATIYE 5:13

Sḭḭ̄ i katə̄ kə́ dɔ nang tə́ gə̄. Ba ré nel̄ katə̄ teē kɔ̄ɔ́ ní, deē a ɓōkə́ i rí gotoó n katə̄ a téləń yā nel̄ gogə́ ní? Yá̰á̰ kə́ yā rāāń to̰ gətóo. Katə̄ ń nelə̄n teē kɔ̄ɔ́ ní a ɓōkə́n̄ i ndágá ō, de gə̄ a njə̄rān̄ dɔ tə́ ō.

DANIEL 6:23

Nə́ɓā yāḿ əla deē yān kə́ dɔ rā̰ tə́ adə̄ utə̄ ta ɓɔl gə̄ kɔ̄ɔ́, adə̄ ɓɔl gə̄ rāān̄ yá̰á̰ kógə̄ḿ kə́ majaĺ seḿ alé. Tɔdɔ̄ m̄-rāā yá̰á̰ gōtə́ aĺ kə Nə́ɓāá aĺ ō, kɔ́ɔ̄ ɓē gə̄, m̄-rāā yá̰á̰ kógə̄ḿ kə́ gōtə́ aĺ seí ḭ̄ aĺ ō!

DANIEL 6:10

Loo ń noō tə́ mban̄g Darius ndang ndū najə̄ ní ō, yá̰á̰ ń ɔgə̄n̄ de gə̄ rāā ní ō.

NEHEMI 6:3

Banī m-ə́la m-ə́dádə́ na: Kəla ń m-ā m̄-rāā ní i kəla kə́ ngá̰ý adə̄ m-ásə kaw̄ alé. Kə m-ə́ya̰ ta kəla kɔ̄ɔ́ ba kə m-āw̄ rɔ̄sí tə́ i najə̄ rí tə́?

KƏLA RĀĀ 7:54

Najə̄ ní adə̄də́ wōn̄g ngá̰ý, adə̄ tadə́ ndebə mimis ō, do̰o̰n̄ tadə́ dɔ Etiyen tə́ ō.

KƏLA RĀĀ 8:2

De kə́ ngé ɓōĺ Ndíĺ Nə́ɓā gə̄ dubə̄n̄ Etiyen ō, nōōnən̄ ngá̰ý ō.

KƏLA RĀĀ 8:5

I beé n Pilipə aw̄ń kem ɓē kógə̄ḿ kə́ gō nang kə́ Samari tə́ ní. Ni ɔjə de kə́ kemeé gə̄ najə̄ yā Kərist.

KƏLA RĀĀ 13:36

Dabid rāā yá̰á̰ ń kem Nə́ɓā ndigə ní ɓāl̄ yān tə́. Gō tə́ anī oy, adə̄ dubə̄nən̄ kadə kaan gə̄ tə́ ō, nīnə́n ndum ō.

KƏLA RĀĀ 26:10

Adə̄ m̄-rāā yá̰á̰ ní kem ɓē kə́ Jerusalem tə́. Ngol gə̄ kə́ dɔ ngé tun̄ yá̰a̰ gə̄ tə́ adə̄mə̄n̄ ta róbə, adə̄ m-ə́wá ngé taā kem gə̄ ngá̰ý m̄-ɓōkə́də́ dəngáyá. Tá dan ń a tɔ̄lə̄n̄də́ ní, mā m̄-ndigə najə̄ gō ngé tɔ̄l̄də́ gə̄ tə́ ō.

Makətūbə̄ ń Pol ndang adə̄ Rom gə̄ ní 1:32

De gə̄ ń rāān̄ yá̰á̰ kə́ tītə̄ ń noō gə̄ ní gerə̄n̄ majə kadə̄ sarya ń Nə́ɓā gān̄g dɔdə́ tə́ ní i kadə̄ a oyn̄. Nge ń noō nin̄-gerə̄n̄ majə tā, ba rāān̄ i mbéé ngóy alé, ba ré de kə́ rang gə̄ rāān̄ anī, nin̄-ndigən̄də́ loon tə́ ō.