KƏLA RĀĀ 7:5 - Bibəl ta Sar̄

⁵ Nə́ɓā adə̄n loo dɔ nang ní tə́ alé, loo kə́ laan asə kə da nja deé gə̄gē adə̄n alé. Dan ngeé ń noō tə́ ní Abəraham ənge ngōn̄ aĺ ɓáý ɓá tā ba, Nə́ɓā ənī míndən yā kadən ni ō, ngán kaan gə̄ ń a reēn̄ gōn tə́ ní ō, dɔ nang ń toō yá̰a̰ haladə́ tə́.

Bible sar

⁵ Nə́ɓā adə̄n loo dɔ nang ní tə́ alé, loo kə́ laan asə kə da nja deé gə̄gē adə̄n alé. Dan ngeé ń noō tə́ ní Abəraham ənge ngōn̄ aĺ ɓáý ɓá tā ba, Nə́ɓā ənī míndən yā kadən ni ō, ngán kaan gə̄ ń a reēn̄ gōn tə́ ní ō, dɔ nang ń toō yá̰a̰ haladə́ tə́.

KƏLA RĀĀ 7:5 Referans Kwoze

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

TA KƏLA 13:15

Dɔ nang malang ń á̰a̰ā̰ noó, m-ā m-ādə̄sí sḭḭ̄ kə ngán kaaí gēé, kadə̄ i yá̰a̰ yāsí njɔ́ḿ.

TA KƏLA 26:3

Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

NEHEMI 9:8

Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.

NDŪ NAJƏ̄ 34:4

Tā anī Kɔ́ɔ̄ɓē ədan na: Dɔ nang ń m-ə̄nī ndūḿ dɔ tə́ m-ādə̄ Abəraham ō, Isaak ō, Jakob ō, m-ə́dádə́ na, m-ā m-ādə̄ ngán kaadə́ gə̄ ní n toó. M-ɔ́jiī ḭ̄ kadə̄ á̰a̰ā̰ kə kumií, ba ā ə̄ndā njaí tū tə́ alé.

NDŪ NAJƏ̄ 11:9

Loo ń noō tə́ a ī-ndiī kə kumsí ɓāl̄ ngá̰ý kem ɓē ń mba ō, yibə̄ tejə ō, i ngá̰ý tū tə́, á Kɔ́ɔ̄ɓē ənī ndūn yā kadə̄ kaasí gə̄ ō, ngáńdə́ gə̄ ō, ngán kaadə́ gə̄ ō ní.

NDŪ NAJƏ̄ 10:11

Tā anī ni ədam̄ na: Ḭ́ḭ dɔɔ́ āw̄ ī-ra no gír de gə̄ ń toō tə́, ba ādə̄də́ ndūí ādə̄ əsōn̄ róbó. Ādə̄ aw̄ taān̄ dɔ nang ń m-ə̄nī ndūḿ m-ādə̄ kaadə́ gə̄ kadə̄ m-ādə̄də́ ní.

NDŪ NAJƏ̄ 9:5

I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.

NDŪ NAJƏ̄ 2:5

tɔdɔ̄ m-ā m-ādə̄sí yá̰á̰ kógə̄ḿ dɔ nang yādə́ tə́ alé, loo kə́ yā kadə̄ ə̄ndāīneé njasí gə̄gē a m-ā m-ādə̄sí alé. Tām̄ mbal̄ kə́ Seir ní m-ādə̄ i Esau.

TA KƏLA 23:4

Mā i nge nam̄ dɔ dáńsí tə́, adə̄ ādə̄mī bāá yāsí kógə̄ḿ tə́ ādə̄ m̄-dubə̄ń nīń nə̄yá̰ḿ.

TA KƏLA 16:2

Anī Sarai əda ngaan Abəram na Kɔ́ɔ̄ɓē na ɔgə̄n kənge ngōn̄ kɔ̄ɔ́ ɓá ní, n-rāān ɓɔ́ ba kə aw̄ kə ɓīī kə ɓəlo yānneé, na majanī n-a n-ənge ngōn̄ kə kūl̄neé. Abəram ndigə najə̄ ń Sarai ədan ní.

EJEKIEL 33:24

Ḭ̄ ngōn̄ deē, ōō! Gotə de gə̄ ń na̰yn̄ á ndin̄ Israel tə́ kə̄ kem ɓē bo gə̄ kə́ nujə kɔ̄ɔ́ gə̄ tə́ ní, ə́dan na: Kété ní Abəraham i kə kérneé banī ɓē malang i yān. Ba jḭḭ̄ ń i ngá̰ý ní, majə kadə̄ i jḭḭ̄ n ɓē i yājí ngɔlaā ní.