KƏLA RĀĀ 7:44 - Bibəl ta Sar̄

⁴⁴ Dan ń kaají gə̄ i kem dəla loo tə́ ní, nin̄-aw̄n̄ kə kújə tandā yā najə̄ kə́ kum tə́. Nge ń a ɔr̄ najə̄ kə Moijə ní ədan na kə rāā kújə́ ní kadə̄ kə to tītə̄ nge ń a̰ā̰ ní.

Bible sar

⁴⁴ Dan ń kaají gə̄ i kem dəla loo tə́ ní, nin̄-aw̄n̄ kə kújə tandā yā najə̄ kə́ kum tə́. Nge ń a ɔr̄ najə̄ kə Moijə ní ədan na kə rāā kújə́ ní kadə̄ kə to tītə̄ nge ń a̰ā̰ ní.

KƏLA RĀĀ 7:44 Referans Kwoze

Teē Ngán Israel gə̄ 25:40

Ḭ̄ Moijə, ā ə̄ndā kumií gírí kadə̄ rāān̄ yá̰á̰ ní kadə̄ to tītə̄ nge ń m-ɔ́jiī dɔ mbalá laā ní.

Teē Ngán Israel gə̄ 38:21

Gində̄ gə̄ malang ń rāān̄neé kújə ndi Kɔ́ɔ̄ɓē yā kəndā sandúkə ndū najə̄ kemeé ní n toó. I Moijə n mēr̄ ngán Lebi gə̄ mbɔ̄jə́ kɔȳn ní. Deē ń ɔr no ngán Lebi gə̄ loo mbɔ̄jə́ kɔȳn tə́ ní i Itamar ngōn̄ Aaro̰ nge tun̄ yá̰a̰.

HEBƏRO 8:5

Kəla ń ngé tun̄ yá̰a̰ gə̄ ngeé ń toō a rāān̄ ní, i ndíĺ yá̰a̰ karī. Nin̄-ndájə̄n̄ i yá̰á̰ kə́ dɔ rā̰ tə́. Tɔdɔ̄ dan ń Moijə a rāā yā rāā kújə tandā ní, Nə́ɓā ədan na: Ā ī-rāā yá̰a̰ malang kadə̄ a to i tītə̄ nge ń m-ɔ́jiī dɔ mbalá ní.

HEBƏRO 8:2

Ni-rāā kəla kem kújə yā Kɔ́ɔ̄ɓē tə́, kumən na i kem kújə tandā kə́ rɔ̄kum ń i Kɔ́ɔ̄ɓē n i nge kudən ba i deē ndul alé ní tə́.

2 YÁ̰A̰ GƏ̄ 24:6

Adə̄ mban̄g ɓāŕ Yoyada ngol ngé tun̄ yá̰a̰ gə̄ ba ədan na: Lambóó ń Moijə nge kəla yā Nə́ɓā ō, ngé kán̄ naā gə̄ kə́ Israel tə́ ō, gāngə̄n̄ tām̄ yā kújə kənge naā tə́ ní, i tām̄ rí tə́ á ī-ra kə ngán Lebi gēé ādə̄ aw̄ táān̄ jī de kə́ Jerusalem gə̄ tə́ ō, jī Juda gə̄ tə́ ō aĺ ní?

1 YÁ̰A̰ GƏ̄ 28:19

Dabid əda na yá̰a̰ gə̄ ń noō malang na ton̄ kem makətūbə̄ ń n-ənge jī Kɔ́ɔ̄ɓē tə́ ní. Makətūbə̄ ní na ɔjə loo rāā yá̰a̰ gə̄ ní kógə̄ḿ kógə̄ḿ malang adə̄ unjə̄.

1 YÁ̰A̰ GƏ̄ 28:11

Dabid adə̄ ngōnən Salomo̰ makətūbə̄ kə́ ɔjə loo rāā ngōn̄ kújə́ kə́ ta róbə tə́ naā tə́ kə kújə́ kə́ kadə tə́ gēé. Adə̄ i kújə ngɔ̄m̄ yá̰a̰ gə̄ ō, kújə́ kə́ dɔɔ́ gə̄ ō, kújə́ kə́ kemeé gə̄ ō, kújə́ ń sandúkə́ kə́ táĺ a ndi kemeé ní ō.

JOJUE 18:1

Dan ń ngán Israel gə̄ taān̄ ɓē malang oy anī, kánə̄n̄ naā Silo, ba udən̄ kújə kənge naā kemeé.

TƏ́DA 18:2

I ḭ̄ ō, ngání gə̄ ō n ā āwī ta kújə́ ń sandúkə ndū najə̄ i kemeé tə́ ní. Ba ādə̄ ngákó̰ó̰í gə̄ kə́ gír ɓē yā Lebi tə́ ń i gír ɓē yā bɔbí ní, aw̄n̄ seí loo kə́ táĺ tə́. I nin̄ n a utə̄n̄ gōí ō, a ɔsən̄ kílí ō ní.

TƏ́DA 10:11

Kə ndɔ̄ kutə jōó yā nāā kə́ nge ko̰o̰ jōó yā ɓāl̄ ń utə̄ gō nge ń ngán Israel gə̄ teēnəń kɔ̄ɔ́ Ejiptə ní, kil̄ man̄ ḭḭ kɔ̄ɔ́ dɔ kújə́ ń sandúkə ndū najə̄ yā Nə́ɓā i kemeé tə́ ní.

TƏ́DA 9:15

Ndɔ̄ ń udənə̄ń kújə yā Nə́ɓā tə́ ní, kil̄ man̄ reē utə̄ dɔ. Kújə́ ní i kújə tandā ń sandúkə ndū najə̄ i kemeé ní. Ndɔ̄ɔ́ anī kil̄ man̄ ní unjə̄ tītə̄ hor bátə́ kadə̄ loo tīiń.

Teē Ngán Israel gə̄ 26:30

A rāān̄ kújə ndiḿ kadə̄ to tītə̄ nge ń m-ɔ́jiī dɔ mbalá laā ní.

Teē Ngán Israel gə̄ 27:8

A rāān̄ loo tun̄ yá̰á̰ ní i kə kāgə̄ kə́ laa gēé adə̄ kemən a to. A rāān̄ kadə̄ a to i tītə̄ nge ń m-ɔ́jiī dɔ mbalá ní.

JOJUE 3:14

Dan ń gír de gə̄ ḭḭn̄ kɔ̄ɔ́ loo ndidə́ gə̄ tə́ yā teē bā Jurdḛ anī, ngé kətō sandúkə madə̄ naā ń i ngé tun̄ yá̰a̰ gə̄ ní, njə̄rān̄ nodə́ tə́ kété.