KƏLA RĀĀ 7:41 - Bibəl ta Sar̄

⁴¹ Loo ń noō tə́ nin̄-rāān̄ ɓesə̄ ngōn̄ man̄g ba tunə̄n̄ yá̰a̰ adə̄nən̄ ō, rāān̄ rɔ̄nel̄ dɔ yá̰á̰ ń nin̄ kɔ́ gə̄ rāān̄ tə́ kə jīdə́ ní ō.

Bible sar

⁴¹ Loo ń noō tə́ nin̄-rāān̄ ɓesə̄ ngōn̄ man̄g ba tunə̄n̄ yá̰a̰ adə̄nən̄ ō, rāān̄ rɔ̄nel̄ dɔ yá̰á̰ ń nin̄ kɔ́ gə̄ rāān̄ tə́ kə jīdə́ ní ō.

KƏLA RĀĀ 7:41 Referans Kwoze

NEHEMI 9:18

Nin̄ nōn̄ gində̄ rāān̄ ngōn̄ man̄g tə́ ba ədan̄ na: Nə́ɓā yājí ń teē sejí kɔ̄ɔ́ kem ɓē kə́ Ejiptə tə́ ní ni n t oó! Háĺdə́ ń rāān̄ seí ní i háĺ kə́ majaĺ ngá̰ý adə̄ najə̄ i dɔdə́ tə́.

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

OJEE 9:10

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.