KƏLA RĀĀ 7:2 - Bibəl ta Sar̄

² Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:

Bible sar

² Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to *kɔsə gɔn ndɔ̄bən noó ba ədan na:

KƏLA RĀĀ 7:2 Referans Kwoze

TA KƏLA 11:31

Tera un ngōnən Abəram ō, kaan Lot ń i ngōn̄ Haran ní ō, umən Sarai nə̄yá̰ Abəram ō, teē sedə́ kɔ̄ɔ́ Ur, dɔ nang kə́ Kalde tə́, ba aw̄ sedə́ kə̄ gō nang kə́ Kanaan tə́. Nin̄ aw̄n̄ bátə́ ugə̄n̄ Haran, ba ndin̄ tū tə́.

KƏLA RĀĀ 22:1

Ngákó̰ó̰ḿ gə̄ ō, bɔbə́ḿ gə̄ ō, ōōī yá̰á̰ ń ngɔlaā m-ā m-ə́dásí yā nējəń najə̄ dɔḿ tə́ kɔ̄ɔ́ ní.

PĀ GƏ̄ 29:3

Ndū Kɔ́ɔ̄ɓē ɓār̄ dɔ man̄ tə́. Nə́ɓā kə́ nge kɔsə gɔn rāā adə̄ man̄ ndang. Kɔ́ɔ̄ɓē o̰o̰ ɓē dɔ man̄ kə́ bo gə̄ tə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

NEHEMI 9:7

I ḭ̄ Kɔ́ɔ̄ɓē Nə́ɓā n ī-gə̄rā Abəram ní. I ḭ̄ n ī-rāā ādə̄ ni teē kɔ̄ɔ́ kem ɓē kə́ Ur tə́, dɔ nang kə́ Kalde tə́, ba ə̄ndā rīn na i Abəraham dɔn tə́ ní.

TA KƏLA 15:7

Kɔ́ɔ̄ɓē ədan na: Mā i Kɔ́ɔ̄ɓē, nge teē seí kɔ̄ɔ́ Ur, dɔ nang kə́ Kalde tə́ yā kadī dɔ nang ń toō.

JEJU TEĒ KUM JA̰A̰ 4:11

Kɔ́ɔ̄ɓē Nə́ɓā yājí, ḭ̄ ásə kadə̄ ɔsən̄ gɔnií ō, rɔȳnī ō, ásə kənge tɔ́gə ō, tɔdɔ̄ i ḭ̄ n ī-rāā yá̰a̰ malang ní. Ḭ̄ ī-gḛy kadə̄ yá̰a̰ gə̄ ton̄ anī, yá̰a̰ gə̄ ní i kə́ kəndādə́.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

1 KORḚNTƏ 2:8

Deē kógə̄ḿ kə́ dan ngār gə̄ kə́ dɔ nang tə́ laā kə́ ger̄ kum kedə̄ ngeé ń toō gətóo. Ré nin̄-gerə̄n̄ i mbée anī, Kɔ́ɔ̄ɓē ń kɔsə gɔn i yān ní, a əndanən̄ kə máyá̰ tū kāgə̄ kə́ dēsə́ tə́ alé.

KƏLA RĀĀ 23:7

Dan ń ni-əda najə̄ ń noō ənī tan kə̄ nang tə́ aĺ ɓáý anī, gákə̄ naā ḭḭ dɔ dán Parijiyḛ gə̄ tə́ kə Sadusiyḛ gēé ō, kēgə̄ naā to dan ngé kán̄ naā gə̄ tə́ ō.

JA̰A̰ 12:41

Ijai ɔr̄ najə̄ beé i tām̄ ni-a̰a̰ kɔsə gɔn yā Jeju, adə̄ ni-ɔr̄ i najə̄ yān.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

IJAI 51:2

Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

PĀ GƏ̄ 24:10

Mban̄g kə́ bo ní i náā? I Kɔ́ɔ̄ɓē kə́ ɓoo kə́ tɔ́gən i ngá̰ý ní, i ni n i mban̄g kə́ bo ní.

PĀ GƏ̄ 24:7

Ī-teēī ta róbə, ɔ́yiī kāgə̄ tan kə́ dɔɔ́ gə̄ kə̄ dɔɔ́! Ī-teēī ta róbə kə́ jóo gə̄ ādī laa kadə̄ mban̄g kə́ bo udəń!

JOJUE 24:2

ba ni-əda de gə̄ malang na: Yá̰á̰ ń Kɔ́ɔ̄ɓē Nə́ɓā yā Israel əda ní n toó: Kété ní, kaasí gə̄ ndin̄ i gidə bā Opəratə tə́ ba a rāān̄ i ɓesə̄ gə̄ bátə́ ugə̄ń ɓāl̄ yā Tera kə́ bɔbə̄ Abəraham nin̄ kə Nahor tə́.

TA KƏLA 29:4

Jakob əda ngé ngɔ̄m̄ yá̰a̰ kul̄ gə̄ ní na: Ngákó̰ó̰ḿ gə̄, sḭḭ̄ i de kə́ ɓē kə́ rá tə́ gə̄? Anī nin̄ tél ədanən̄ na nin̄ na i de kə́ Haran gə̄.

TA KƏLA 12:5

Abəram un nə̄yá̰n Sarai ō, Lot ngōn̄ ngōkó̰o̰n ō. Ɔyn̄ yá̰a̰ kənge yādə́ gə̄ malang ō, ɓəlo yādə́ gə̄ ń mangən̄də́ Haran ní ō, ba aw̄n̄ kumdə́ kə̄ Kanaan. Dan ń ɔtə̄n̄ nang kə́ Kanaan tə́ ní,

TA KƏLA 12:1

Kɔ́ɔ̄ɓē əda Abəram na: Ə́ya̰ nang yāí ō, ngééí gə̄ ō, ɓē yā bɔbí ō, ba āw̄ dɔ nang ń m-ā m-ɔ́jiī tə́ ní.

IJAI 37:12

Dan ń mban̄g kə́ rang kə́ kété noḿ mā tə́ gə̄ nujən̄ ɓē gə̄ kə́ Gojan ō, Haran ō, Resep ō, Telasar ō, ɓē bo yā Edenitə gə̄ ō ní, nə́ɓā gə̄ yā nápar de gə̄ ń noō gə̄ gāngə̄n̄ dɔdə́ alé.

KƏLA RĀĀ 7:1

Ngol ngé tun̄ yá̰a̰ gə̄ dəje Etiyen na ké i tītə̄ ń noō rɔ̄kum wa.

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

JAKƏ 2:1

Ngákó̰ó̰ḿ gə̄, ī-taāī kem Jeju Kərist, Kɔ́ɔ̄ɓē yājí ń kɔsə gɔn i yān ní. Ī-lōōī tə́la taā kem yāsí ō, rāā yá̰a̰ tām̄ ger̄ ta kum de gə̄ tə́ ō, naā tə́.