KƏLA RĀĀ 6:9 - Bibəl ta Sar̄

⁹ Anī de kə́rēý gə̄ ḭḭn̄ seneé kə najá. De gə̄ ní i de gə̄ ń a ɓārə́n̄ kújə́ kán̄ naā yādə́ na i kújə́ kán̄ naā yā ɓəlo gə̄ kə́ gāngə̄n̄ dɔdə́ kɔ̄ɔ́ gə̄ ní ō, i de kə́ Siren tə́ gə̄ ō, kə́ Aleksandəri tə́ gə̄ ō, kə́ Silisi tə́ gə̄ ō, kə́ gō nang kə́ Aji tə́ gə̄ ō. Nin̄-nējə̄n̄ naā najə̄ kə Etiyen.

Bible sar

⁹ Anī de kə́rēý gə̄ ḭḭn̄ seneé kə najá. De gə̄ ní i de gə̄ ń a ɓārə́n̄ kújə́ kán̄ naā yādə́ na i kújə́ kán̄ naā yā ɓəlo gə̄ kə́ gāngə̄n̄ dɔdə́ kɔ̄ɔ́ gə̄ ní ō, i de kə́ Siren tə́ gə̄ ō, kə́ Aleksandəri tə́ gə̄ ō, kə́ Silisi tə́ gə̄ ō, kə́ gō nang kə́ Aji tə́ gə̄ ō. Nin̄-nējə̄n̄ naā najə̄ kə Etiyen.

KƏLA RĀĀ 6:9 Referans Kwoze

KƏLA RĀĀ 23:34

Ni-taā makətūbə̄ ní a̰a̰, ba dəje Pol na ké ni i de kə́ gō nang kə́ rá tə́ wa. Dan ń ni-oō kadə̄ Pol i de kə́ gō nang kə́ Silisi tə́ anī ədan na:

KƏLA RĀĀ 22:3

Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

KƏLA RĀĀ 15:41

Ni ənda dɔ nang kə́ Siri ō, kə́ Silisi ō gān̄g. Ni mbūsə̄ de gə̄ kə́ kem Egəlijə gə̄ tə́ adə̄ ran̄ ngan̄g dɔ taā kem yādə́ tə́ ō.

KƏLA RĀĀ 15:23

Əlan̄də́ kə makətūbə̄ ń toō, nin̄-ndangən̄ kemeé na: Ngámbang kəla gə̄ ō, kum kɔɔ̄ gə̄ ō, nin̄ ń i ngákó̰ó̰sí gə̄ ní, rāān̄ ngákó̰ó̰də́ kə́ Jipə aĺ gə̄ ń ndin̄ A̰tiyos dɔ nang kə́ Siri tə́ ō, Silisi tə́ ō ní lápə́ya.

MATIYE 27:32

Dan ń teē a aw̄n̄ seneé kə̄ gidə ɓē tə́ ndágá anī, əngen̄ deē kógə̄ḿ kə́ Siren, rīn na i Simo̰. Əhɔnən̄ adə̄ ətō kāgə̄ kə́ dēsə́ yā Jeju.

GALATƏ 1:21

Gō tə́ anī m-āw̄ gō nang kə́ Siri tə́ ō, kə́ Silisi tə́ ō.

KƏLA RĀĀ 21:27

Ndɔ̄ kə́ sīrí gə̄ ń jə-ndiń Jerusalem ní a rāā yā təgā ngɔr anī, Jipə kə́ gō nang kə́ Aji tə́ gə̄ a̰a̰n̄ Pol kem kújə yā Kɔ́ɔ̄ɓē tə́. Nin̄-sə̄lān̄ kósə de gə̄ malang ba əhɔn̄ Pol.

KƏLA RĀĀ 19:10

Ni-rāā beé ɓāl̄ jōó, adə̄ de gə̄ malang kə́ gō nang kə́ Aji tə́, Jipə gə̄ gə̄gē, Gərek gə̄ gə̄gē oōn̄ najə̄ yā Kɔ́ɔ̄ɓē.

KƏLA RĀĀ 18:24

Jipə kógə̄ḿ kə́ rīn na i Apolos reē ugə̄ kem ɓē kə́ Epejə tə́. Ojənən̄ i Aleksandəri. I de kə́ nge gōsə̄ najə̄ ō, i de kə́ ger̄ najə̄ gə̄ kə́ kem makətūbə̄ yā Nə́ɓā tə́ ngá̰ý ō.

KƏLA RĀĀ 16:6

Pol nin̄ kə Silas əndan̄ nang kə́ Pəriji ō kə́ Galasi ō gāngə̄n̄, tɔdɔ̄ Ndíĺ kə́ Táĺ ɔgə̄də́ kɔjə najə̄ dɔ nang kə́ Aji tə́.

Najə̄ kə́ Majə yā Jeju ń Luk ndang ní 21:12

Ba kété no yá̰a̰ gə̄ ń toō tə́ malang ní, a əhɔn̄sí yā rāāsí ndoō tə́ ō, a əlan̄sí jī ngé sarya kə́ loo kán̄ naā gə̄ tə́ ō, yā kəlasí kújə dəngáy gə̄ tə́ ō. A aw̄n̄ sesí kə̄ ta mban̄g gə̄ tə́ ō, kə̄ ta ngé ko̰o̰ ɓē gə̄ tə́ ō, tām̄ yā rīḿ tə́.

MARK 13:9

Banī ādə̄ kumsí ngan̄g tɔdɔ̄ de gə̄ a əlan̄sí jī ngé rāā sarya gə̄ tə́ ō, a tə̄ndān̄sí kem kújə́ kán̄ naā gə̄ tə́ ō, a aw̄n̄ sesí kadə̄ ī-raī no ngé ko̰o̰ ɓē gə̄ tə́ ō, najə̄ yāḿ mā tə́. Loo ń noō tə́ ā ə́daī najə̄ kə́ kum tə́ kadə̄ oōn̄.

MATIYE 10:17

Əndāī kum kedə̄ dɔ rɔ̄sí tə́ najə̄ yā de gə̄ tə́, tɔdɔ̄ nin̄ a əlan̄sí jī ngé rāā sarya gə̄ tə́ ō, a əndan̄sí kə mərawaá kem kújə kán̄ naā yādə́ gə̄ tə́ ō.

1 KORḚNTƏ 1:20

Ní, nge kum kedə̄, aláa nge ger̄ yá̰a̰, aláa nge tɔ́sə̄ najə̄ kə̄ ndágá kə́ ngɔlaā ń toō a əda na i rí ɓáý? Nə́ɓā ɔjə kə̄ ndágá kadə̄ kum kedə̄ kə́ dɔ nang tə́ laā i mbóó yá̰a̰ karī aĺ a!

KƏLA RĀĀ 26:11

Mā m-ɔ̄r̄ gō kújə́ kán̄ naā gə̄ tḛ tḛ, m̄-rāā ngé taā kem gə̄ yá̰á̰ kə́ tōr̄ gə̄, ba m̄-ra sedə́ ta tájə̄ nge ń nin̄-taān̄ kemən ní. Tá wōn̄g yāḿ ń a rāām̄ i kə́ kɔ̄r̄ tə́ dɔdə́ tə́ ní, rāām̄ adə̄ m̄-ndəle njadə́ bátə́ ta kə́ dɔ ɓē kə́ rang gə̄ tə́ gə̄gē.

KƏLA RĀĀ 22:19

Banī mā m̄-tél m-ə́da na: Kɔ́ɔ̄ɓē, nin̄ kɔ́ gə̄ gerə̄n̄ mbak kadə̄ mā m̄-túdə̄ kə̄ kem kújə́ kán̄ naā yā Jipə gə̄ tə́ m-ə́hɔń ngé gə̄ ń taān̄ kemií ní ba m̄-ɓōkə́də́ dəngáyá ō, m-ādə̄ əndan̄də́ ō.

KƏLA RĀĀ 21:39

Pol tél ədan na: Mā i Jipə kə́ ojəmə̄n̄ i Tarsə, dɔ nang kə́ Silisi tə́. Mā i ngōn̄ kem ɓē kə́ rīn ɓār̄ ngá̰ý. m̄-rāāī ɓɔ́ ba ādə̄ m-ɔ̄r̄ najə̄ kə de gə̄ ń toō.

KƏLA RĀĀ 19:26

Ba yá̰á̰ ń Pol ngeé ń noō rāā ní, sḭḭ̄ á̰a̰ī ō ōōī ō. Ni-əda na nə́ɓā gə̄ ń de gə̄ rāān̄ kə jīdə́ ní na i nə́ɓā gə̄ alé. Ni-ɔsə ngóy de gə̄, adə̄ de gə̄ ngá̰ý ndigən̄ najə̄ gōn tə́. I kem ɓē yājí kə́ Epejə tə́ laā ngóy alé, na̰y sḛ́ý beē kadə̄ i gō nang kə́ Aji tə́ malang.

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

KƏLA RĀĀ 13:1

Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

KƏLA RĀĀ 11:20

Banī ngé kə́rēý gə̄ kə́ dandə́ tə́ ń nin̄ i de kə́ Sipər tə́ gə̄ ō, kə́ Siren tə́ gə̄ ō ní, dan ń nin̄-ugə̄n̄ A̰tiyos anī, ɔjən̄ Gərek gə̄ Najə̄ kə́ Majə yā Kɔ́ɔ̄ɓē Jeju.

MATIYE 23:34

I tām̄ najə̄ ń noō tə́ n m-ā m-ə́lá ngé koō ta gə̄ ō, ngé kum kedə̄ gə̄ ō, ngé ndóō de gə̄ ndū najə̄ gə̄ ō, kə̄ rɔ̄sí tə́ ní. Ā ī-tɔ̄lī kə́rēý gə̄ ō, ā ə́ndaī ngé kə́rēý gə̄ tū kāgə̄ kə́ dēsə́ tə́ kə máyá̰ ō, ā ə́ndaī kə́rēý gə̄ kə mərawaá kem kújə́ kán̄ naā yāsí tə́ ō, ā ī-ngɔ̄dīdə́ kə gō ɓē gə̄ ō.

KƏLA RĀĀ 6:10

Banī nin̄-asən̄ dumə̄n kə najá alé, tɔdɔ̄ kum kedə̄ ń ni a ɔrə̄ń najə̄ ní i Ndíĺ kə́ Táĺ n adə̄n.

KƏLA RĀĀ 24:18

I loo ń noō tə́ n teēn̄ dɔḿ tə́ kem kújə yā Kɔ́ɔ̄ɓē tə́, ndɔ̄ ń m-ā m̄-tɔ̄ləń ta tə́go rɔ̄ḿ tə́ kadə̄ m-ūnjəń njáý njáý tə́ ní. De gə̄ ɔsən̄ dɔdə́ naā tə́ ran̄ aĺ ō, ká̰a̰ najə̄ ɓār̄ sow aĺ ō.