KƏLA RĀĀ 6:8 - Bibəl ta Sar̄

⁸ Etiyen rāā yá̰á̰ kə́ yáā gə̄ kə́ to ɓōĺ ngá̰ý gə̄ ō, yá̰á̰ kə́ to kɔr kum gə̄ kə́ bo ngá̰ý gə̄ ō, dan ngán Israel gə̄ tə́ kə ta kūl̄ tɔ́gə́ ń Nə́ɓā adə̄n ní.

Bible sar

⁸ Etiyen rāā yá̰á̰ kə́ yáā gə̄ kə́ to ɓōĺ ngá̰ý gə̄ ō, yá̰á̰ kə́ to kɔr kum gə̄ kə́ bo ngá̰ý gə̄ ō, dan ngán *Israel gə̄ tə́ kə ta kūl̄ tɔ́gə́ ń Nə́ɓā adə̄n ní.

KƏLA RĀĀ 6:8 Referans Kwoze

KƏLA RĀĀ 7:55

Ndíĺ kə́ Táĺ rosə kem Etiyen. Ni-ənī kumən kə̄ dɔɔ́ anī a̰a̰ kɔsə gɔn yā Nə́ɓā ō, a̰a̰ Jeju ra kə njan kə́ dɔɔ́ dɔ jī ko̰ Nə́ɓā tə́ ō.

KƏLA RĀĀ 6:5

Kósə́ ngé ndóō yá̰a̰ gə̄ malang ndigən̄ najə̄ ní. Adə̄ gə̄rān̄ Etiyen ń i de kə́ taā kem yān i taā kem kə́ mámák ō, Ndíĺ kə́ Táĺ rosə kemən ní ō, gə̄rān̄ Pilipə ō, Pərokor ō, Nikanor ō, Timon ō, Parmenas ō, Nikola kə́ A̰tiyos tə́ ń kété ni i Jipə tél ní ō,

1 TIMOTE 3:13

Tɔdɔ̄ ngé gə̄ ń rāān̄ kəla nə̄ɓō yá̰a̰ majə ní de gə̄ rɔȳn̄də́ ō, asən̄ kənī kemdə́ kɔrə̄ń najə̄ kə́ dɔ taā kem ń ɓoojí naā tə́ kə Kərist Jeju ní ō.

KƏLA RĀĀ 6:15

De gə̄ malang ń ndin̄ loo sarya tə́ ní əndān̄ kumdə́ dɔ Etiyen tə́, anī nin̄-a̰a̰n̄ kadə̄ ta kumən to tītə̄ ta kum de kə́ dɔ rā̰ tə́ kógə̄ḿ beē.

KƏLA RĀĀ 6:10

Banī nin̄-asən̄ dumə̄n kə najá alé, tɔdɔ̄ kum kedə̄ ń ni a ɔrə̄ń najə̄ ní i Ndíĺ kə́ Táĺ n adə̄n.

KƏLA RĀĀ 8:6

Kósə de gə̄ malang nēlə̄n̄ mbīdə́ oōn̄neé najə̄ yā Pilipə, tɔdɔ̄ nin̄-oōn̄ kōō yá̰á̰ kə́ yáā gə̄ ń ni-rāā ní ō, nin̄ kɔ́ gə̄ a̰a̰n̄ yáā gə̄ ní kə kumdə́ ō.

KƏLA RĀĀ 6:3

Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

JA̰A̰ 4:48

Jeju əda na: Ré sḭḭ̄ á̰a̰ī yá̰á̰ kə́ to kɔr kum gə̄ ō, yá̰á̰ kə́ yáā gə̄ ō aĺ anī, ā ī-taāī kem aĺ bátə́ tā!