KƏLA RĀĀ 6:7 - Bibəl ta Sar̄

⁷ Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

Bible sar

⁷ Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ *Jerusalem tə́ ō, *ngé tun̄ yá̰a̰ gə̄ ngá̰ý taān̄ kem ō.

KƏLA RĀĀ 6:7 Referans Kwoze

KƏLA RĀĀ 19:20

I tītə̄ ń noō n najə̄ yā Kɔ́ɔ̄ɓē taāń loo kum kə̄ kété kə tɔ́gɔ́ ō, ɔjəń tɔ́gən kə̄ ndágá ō ní.

KƏLA RĀĀ 12:24

Dan ngeé ń noō tə́ ní najə̄ yā Nə́ɓā a ḭḭ i kə gidəneé ō, a taā i loo kum kə̄ kété kété ō.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

KƏLA RĀĀ 13:8

Banī Elimas ń kumən na i nge rāā mbōlí ní ɔgə̄də́ ō, sə̄lā nge ko̰o̰ ɓē kadə̄ taā kem najə̄ yā Nə́ɓā aĺ ō.

JA̰A̰ 12:42

Ba dɔ dán ngār gə̄ tə́ gə̄gē ní, ngá̰ý gə̄ taān̄ kemən. Banī nin̄-ədan̄ najə̄ taā kem yādə́ kə̄ ndágá wáńg alé, najə̄ yā Parijiyḛ gə̄ tə́. Tām̄ ɓōlə́n̄ najə̄ kadə̄ tə̄ɓān̄də́ kɔ̄ɔ́ kem kújə́ kán̄ naā gə̄ tə́.

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

MATIYE 19:30

Banī ngá̰ý gə̄ dan ngé kə́ kété gə̄ tə́ a télən̄ ngé kə́ gogə́ gə̄ ō, ngá̰ý gə̄ dan ngé kə́ gogə́ gə̄ tə́ a télən̄ ngé kə́ kété gə̄ ō.

PĀ GƏ̄ 132:16

M-ā m-ə́la kajə rɔ̄ ngé tun̄ yá̰a̰ yān gə̄ tə́ tītə̄ kūbə̄ beé ō, deē yān gə̄ a túrə̄n̄ kɔĺ rɔ̄nel̄ ō.

PĀ GƏ̄ 132:9

Ādə̄ ngé tun̄ yá̰a̰ yāí gə̄ əlan̄ háĺ kə́ gōtə́ kūbə̄ tə́ rɔ̄də́ tə́ ō, ādə̄ deē yāí gə̄ túrə̄n̄ kɔĺ rɔ̄nel̄ ō!

2 YÁ̰A̰ GƏ̄ 30:24

Tɔdɔ̄ mban̄g Ejekias adə̄ ngé kán̄ naā gə̄ man̄g kə́ bəra gə̄ dūbú ō, batə̄ gə̄ dūbú sīrí ō, de kə́ bo gə̄ adə̄n̄də́ man̄g kə́ bəra gə̄ dūbú ō, batə̄ gə̄ dūbú kutə ō. Tá ngé tun̄ yá̰a̰ gə̄ ngá̰ý tə́gon̄ rɔ̄də́ ō.

2 YÁ̰A̰ GƏ̄ 29:34

Kutə ngé tun̄ yá̰a̰ gə̄ asə toó dā̰ kə́ yā tun̄ kə taá gə̄ ní malang alé, adə̄ ngákó̰ó̰də́ kə́ ngán Lebi gə̄ reē dḭḭ̄n̄də́ adə̄ gír kəla tóo dā̰ gāngəń ō, adə̄ ngé tun̄ yá̰á̰ kə́ rang gə̄ tə́gon̄neé rɔ̄də́ oy ō. Tɔdɔ̄ ngán Lebi gə̄ tə́gon̄ rɔ̄də́ láẃ ngá̰ý tɔȳ ngé tun̄ yá̰a̰ gə̄.

KƏLA RĀĀ 2:47

Nin̄-tɔ̄ȳn̄ Nə́ɓā ō, nel̄ de gə̄ malang sedə́ ō. Ngé gə̄ ń ajən̄ ní Kɔ́ɔ̄ɓē reē sedə́ kə̄ dɔ ngé kán̄ naā gə̄ tə́ kə dɔ ndɔ̄ gə̄.

KƏLA RĀĀ 6:1

Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī Jipə kə́ ngé kɔr̄ ta Gərek gə̄ tāmən kə Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

GALATƏ 1:23

I najə̄ ń de kə́ rang gə̄ a ədan̄ dɔḿ tə́ ní ngóy n nin̄-gerə̄n ní, de gə̄ ədan̄ na: Deē ń kété a rāā kumjí ndoō tə́ ní, ngɔlaā a ɔjə i najə̄ taā kem ń ni sāā nujəń kɔ̄ɔ́ ní.

GALATƏ 6:10

I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

Makətūbə̄ ń Jud ndang ní 1:20

Banī sḭḭ̄ kó tár yāḿ gə̄, ī-raī dɔ taā kem yāsí tə́ kə háĺ kə́ kɔr̄ kam̄ tām̄ yā Nə́ɓā tə́ ō, ə̄ndāī tɔ́gə́sí dɔ tə́ ī-rāāīneé yá̰a̰ kum kə̄ kété kété ō. Ī-ndɔ̄yī Nə́ɓā kə ta kūl̄ Ndíĺ kə́ Táĺ.