KƏLA RĀĀ 6:3 - Bibəl ta Sar̄

³ Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

Bible sar

³ Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ *Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

KƏLA RĀĀ 6:3 Referans Kwoze

NDŪ NAJƏ̄ 1:13

Ī-gə̄rāī de kə́ kumdə́ edə̄ gə̄ ō, gerə̄n̄ yá̰a̰ ō, kə́ ī-gerī háĺdə́ majə ō, dan gír ɓē yāsí gə̄ tə́ kógə̄ḿ kógə̄ḿ ī-reēī sedə́ ādə̄mī, ādə̄ m-ə̄ndādə́ dɔsí tə́.

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

3 JA̰A̰ 1:12

Demetrius tā anī de gə̄ malang ədan̄ najə̄ yān majə. Najə̄ kə́ rɔ̄kum nəkɔ́ gə̄gē əda najə̄ yān kə́ majə. Jḭḭ gə̄gē a j-əda najə̄ yān majə ō, tá ḭ̄ ī-ger̄ kadə̄ najə̄ yān ń j-əda ní i najə̄ kə́ rɔ̄kum.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī Ndíĺ kə́ Táĺ rosə kemsí.

1 KORḚNTƏ 16:3

Ba loo ń ré m-ūgə̄ anī, ngé gə̄ ń sḭḭ̄ ā ī-gə̄rāīdə́ ní, m-ā m-ādə̄də́ makətūbə̄ kadə̄ aw̄n̄neé kə kadə̄ karī yāsí gēé Jerusalem.

KƏLA RĀĀ 22:12

Ba kem ɓē kə́ Damas tə́ ní, dəngam kógə̄ḿ kə́ rīn na i Ananias ndi noó. Ni i de kə́ nge ɓōĺ ndíĺ Nə́ɓā ō, i de kə́ nge kəhɔ gō ndū najə̄ ō, Jipə gə̄ malang kə́ Damas tə́ ədan̄ najə̄ yān majə ō.

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

KƏLA RĀĀ 6:6

ba reēn̄ sedə́ no ngámbang kəla gə̄ tə́. Nin̄-ndɔ̄ȳn̄ ō, əndān̄ jīdə́ dɔdə́ tə́ ō.

KƏLA RĀĀ 2:4

Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

KƏLA RĀĀ 1:21

De kə́rēý gə̄ njə̄rān̄ sejí dan ń Jeju a ɔrəń nojí tə́ ní.

MATIYE 23:8

Ba sḭḭ̄, ī-lōōī kadə̄ de gə̄ ɓārə́n̄sí ngoldə́ gə̄, tɔdɔ̄ sḭḭ̄ malang i ngákó̰o̰ naā gə̄ ō, ngolsí i kógə̄ḿ beē ō.

IJAI 28:26

I Nə́ɓā yān n ndóōn loo rāā yá̰a̰ tītə̄ ń noō ō, ɔjən yá̰a̰ adə̄ ger̄ ní ō.

IJAI 28:6

Ni a adə̄ ngé gān̄g sarya gə̄ ndíĺ yá̰a̰ rāā kə́ gōtə́. Ngé mbəre madə̄ ba̰ā̰də́ gə̄ kə̄ gogə́ kɔ̄ɔ́ ta róbə́ kə́ yā kudəń kə̄ kem ɓēé tə́ ní, ni a adə̄də́ tɔ́gə́ ngá̰ý.

1 KORḚNTƏ 12:8

Ni-adə̄ deē kógə̄ḿ tɔ́gə kɔr̄ najə̄ kə́ kə kum kedēé ō, Ndíĺ kə́ Táĺ nəkɔ́ kə́ kal kógə̄ḿ beē ń toō adə̄ de kə́ rang tɔ́gə kɔr̄ najə̄ kə gō yá̰á̰ ń ní ger̄ kə ta kūl̄ Ndíĺ kə́ Táĺ ní ō.

KƏLA RĀĀ 16:2

Rī Timote ní ɓār̄ majə ngá̰ý dan ngákó̰ó̰jí gə̄ kə́ Listər tə́ ō, kə́ Ikoniyɔm tə́ ō.

KƏLA RĀĀ 15:23

Əlan̄də́ kə makətūbə̄ ń toō, nin̄-ndangən̄ kemeé na: Ngámbang kəla gə̄ ō, kum kɔɔ̄ gə̄ ō, nin̄ ń i ngákó̰ó̰sí gə̄ ní, rāān̄ ngákó̰ó̰də́ kə́ Jipə aĺ gə̄ ń ndin̄ A̰tiyos dɔ nang kə́ Siri tə́ ō, Silisi tə́ ō ní lápə́ya.

KƏLA RĀĀ 9:30

Loo ń ngákó̰o̰n gə̄ oōn̄ anī aw̄n̄ seneé Sejare, ba əlan̄ seneé Tarsə.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

JA̰A̰ 21:23

Əla gír i dɔ najə̄ ń noō tə́ n de gə̄ ədan̄ naā kə̄ kété dɔ dáń ngákó̰o̰ naā gə̄ tə́ na nge ndóō yá̰á̰ ń noō na a oy alé. Kə́ rɔ̄kum tə́ tā anī najə̄ ń Jeju əda Piyer ní n noó alé, ədan na a oy aĺ alé, ba na: Ré m̄-gḛy kadə̄ ni-ndi kə kumneé bátə́ kadə̄ m̄-tél m̄-reēń anī usiī i rí?

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

KƏLA RĀĀ 6:2

Loo ń noō tə́ ngámbang kəla kə́ kutə gidə i jōó gə̄ ɔsən̄ dɔ kósə́ ngé ndóō yá̰a̰ gə̄ malang naā tə́ ba ədan̄də́ na: Kadə̄ jḭḭ j-əya̰ ta kɔjə najə̄ yā Nə́ɓā kɔ̄ɔ́ yā nə̄ɓōń yá̰a̰ kəsa ní i yá̰á̰ kə́ gōtə́ alé.

KƏLA RĀĀ 6:5

Kósə́ ngé ndóō yá̰a̰ gə̄ malang ndigən̄ najə̄ ní. Adə̄ gə̄rān̄ Etiyen ń i de kə́ taā kem yān i taā kem kə́ mámák ō, Ndíĺ kə́ Táĺ rosə kemən ní ō, gə̄rān̄ Pilipə ō, Pərokor ō, Nikanor ō, Timon ō, Parmenas ō, Nikola kə́ A̰tiyos tə́ ń kété ni i Jipə tél ní ō,

KƏLA RĀĀ 28:14

J-ənge ngákó̰ó̰jí gə̄ kem ɓē ngeé ń noō tə́, adə̄ nin̄-əhɔn̄jí mbā ndɔ̄ sīrí. I beé n j-ugə̄ń Rom ní.