KƏLA RĀĀ 6:11 - Bibəl ta Sar̄

¹¹ Loo ń noō tə́ nin̄-ənīn̄ míndə́də́ adə̄n̄ de gə̄ kadə̄ ədanə̄ń najə̄ ń toō dɔn tə́: Jḭḭ j-oō kadə̄ deē ń toō ɔr̄ najə̄ kə́ to ngonjə̄ gə̄ dɔ Moijə tə́ ō, dɔ Nə́ɓā tə́ ō.

Bible sar

¹¹ Loo ń noō tə́ nin̄-ənīn̄ míndə́də́ adə̄n̄ de gə̄ kadə̄ ədanə̄ń najə̄ ń toō dɔn tə́: Jḭḭ j-oō kadə̄ deē ń toō ɔr̄ najə̄ kə́ to ngonjə̄ gə̄ dɔ Moijə tə́ ō, dɔ Nə́ɓā tə́ ō.

KƏLA RĀĀ 6:11 Referans Kwoze

1 TIMOTE 1:13

Mā ń kété m̄-ndájə̄ najə̄ dɔn tə́ ō, m̄-rāā kumən ndoō tə́ ō, m̄-rāān majaĺ ngá̰ý ō ní. Banī Nə́ɓā a̰a̰ kum tō ndoō yāḿ, tām̄ dan ń noō tə́ ní, m̄-taā kem Kərist alé. Tɔdɔ̄ m̄-rāā yá̰a̰ i kə́ de kə́ ger̄ yá̰a̰ aĺ tə́.

Makətūbə̄ ń Pol ndang adə̄ Rom gə̄ ní 3:8

Ré i beé anī, i tām̄ rí tə́ á j-ədaī na kə jə-rāāī majaĺ kadə̄ yá̰á̰ kə́ majə teēń tū tə́ aĺ ní? Ngé tétə̄ najə̄ dɔḿ tə́ gə̄ ɔsəmə̄n̄ nge kɔr̄ najə̄ kə́ tītə̄ ń noō gə̄. Nin̄ ń noō sarya a əhɔdə́, ba i nin̄ kɔ́ gə̄ n sāān̄ ní.

KƏLA RĀĀ 25:7

Dan ń Pol reē ugə̄ anī, Jipə gə̄ ń ḭḭn̄ Jerusalem ní reē gīrə̄n̄ gidən ba tə́dan̄ najə̄ kə́ majaĺ ngá̰ý gə̄ dɔn tə́ sekə́nən̄neé, ba nin̄-asən̄ kɔjə kadə̄ najə̄ gə̄ ní i rɔ̄kum alé.

KƏLA RĀĀ 25:3

kadə̄ kə rāā kem majə sedə́ ba kə reē kə Poló Jerusalem. Kə́ rɔ̄kum tə́ ɓáa nin̄-oōn̄ naā dɔ Pol tə́ yā tɔ̄lən róbó.

KƏLA RĀĀ 21:28

Nin̄-əgan̄ kɔŕ ədan̄ na: Israel gə̄ ī-dḭḭ̄jí tə́! Á̰a̰ī deē ń a aw̄ kə̄ loo gə̄ tə́ malang a ndóoń de gə̄ malang kadə̄ mbātə́n̄ gír deē yājí gə̄ ō, ndū najə̄ yā Moijə ō, kújə yā Kɔ́ɔ̄ɓē ń toō ō ní, ni n toó! Ba kə́ kal̄ naā ní ni udə kə de gə̄ kə́ nin̄ i Jipə aĺ gə̄ kem kújə yā Kɔ́ɔ̄ɓē tə́ rāań adə̄ loo kə́ táĺ ń toō tél kə́ yḛr kɔ̄ɔ́.

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

KƏLA RĀĀ 15:21

Tām̄ əla gír i jóó ngá̰ý bátə́ ɓōólaā n de gə̄ a ɔjən̄ ndū najə̄ yā Moijə kə̄ kem ɓē gə̄ tə́ kógə̄ḿ kógə̄ḿ ō, a tə́dan̄ ndū najə̄ yān kem kújə́ kán̄ naā gə̄ tə́ kə dɔ ndɔ̄ sabat gə̄ malang ō ní.

KƏLA RĀĀ 6:13

Nin̄-tə́ndān̄ de kə́ kum tə́ kə́ rɔ̄kum aĺ gə̄ kadə̄ ədan̄ na: Asə deē ń toō kɔr̄ najə̄ kə́ majaĺ dɔ loo kə́ táĺ tə́ aĺ ō, asən kɔr̄ najə̄ kə́ majaĺ dɔ ndū najə̄ yā Moijə tə́ aĺ ō!

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

JA̰A̰ 9:29

Jə-ger̄ kadə̄ Nə́ɓā ɔr̄ najə̄ kə Moijə ba deē ń noō jə-ger̄ loo ń ni ḭḭ tū tə́ ní alé.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

KƏLA RĀĀ 26:11

Mā m-ɔ̄r̄ gō kújə́ kán̄ naā gə̄ tḛ tḛ, m̄-rāā ngé taā kem gə̄ yá̰á̰ kə́ tōr̄ gə̄, ba m̄-ra sedə́ ta tájə̄ nge ń nin̄-taān̄ kemən ní. Tá wōn̄g yāḿ ń a rāām̄ i kə́ kɔ̄r̄ tə́ dɔdə́ tə́ ní, rāām̄ adə̄ m̄-ndəle njadə́ bátə́ ta kə́ dɔ ɓē kə́ rang gə̄ tə́ gə̄gē.

LEBI GƏ̄ 24:16

Deē ń a ndájə̄ najə̄ dɔ rī Kɔ́ɔ̄ɓē tə́ ní, a tɔ̄l̄nən̄ kɔ̄ɔ́. Ngán Israel gə̄ malang a tə́nīnən̄ kə mbalá yā tɔ̄l̄ən. Ká deē ní i tə̄rā, aké ni i de kə́ Israel tə́ gə̄gē anī, a tɔ̄l̄nən̄ kɔ̄ɔ́, tām̄ ni ndájə̄ najə̄ dɔ rī Kɔ́ɔ̄ɓē tə́.

Teē Ngán Israel gə̄ 23:1

Ā ə̄nī gotə najə̄ kə́ rɔ̄kum aĺ kə̄ loo gə̄ tə́ aĺ ō, ā ə́da najə̄ kə́ rɔ̄kum aĺ loo sarya tə́ yā kənīń najə̄ gír nge rāā majaĺ tə́ aĺ ō.

JEREMI 26:11

Ngé tun̄ yá̰a̰ gə̄ ō, ngé koō ta gə̄ ō, ədan̄ de kə́ bo gə̄ ō, de gə̄ malang kə́ kem ɓēé ō na: Majə kadə̄ deē ń toō oy. Tɔdɔ̄ ni-ɔr̄ najə̄ dɔ yá̰a̰ gə̄ ń a rāān̄ ɓē ń toō tə́ ní adə̄ sḭḭ̄ kɔ́ gə̄ ōōī kə mbīsí.

JEREMI 37:13

Dan ń ni ugə̄ ta róbə ń a ɓārə́n̄ na i yā Benjamḛ ní tə́ anī, ənge ngol ngé ngɔ̄m̄ loo gə̄ ń rīn na i Yiriya, ngōn̄ Selemia kə́ ngōn̄ Hanania ní. Ni-əhɔ Jeremi nge koō ta adə̄ dəba ba ədan na: Ḭ̄ ā āw̄ i kə̄ kəsōó gír Kalde gə̄ tə́!

KƏLA RĀĀ 6:10

Banī nin̄-asən̄ dumə̄n kə najá alé, tɔdɔ̄ kum kedə̄ ń ni a ɔrə̄ń najə̄ ní i Ndíĺ kə́ Táĺ n adə̄n.

KƏLA RĀĀ 6:12

Nin̄-sə̄lān̄ ngán Israel gə̄ ō, kum kɔɔ̄ gə̄ ō, ngé ndóō de gə̄ ndū najə̄ gə̄ ō dɔ Etiyen tə́. Ba gō tə́ anī teēn̄ rétə́ gēé əhɔnən̄ ba aw̄n̄ seneé no ngé sarya kə́ bo gə̄ tə́.