KƏLA RĀĀ 6:1 - Bibəl ta Sar̄

¹ Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī Jipə kə́ ngé kɔr̄ ta Gərek gə̄ tāmən kə Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

Bible sar

¹ Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī *Jipə kə́ ngé kɔr̄ ta Gərek gə̄ tāmən kə *Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

KƏLA RĀĀ 6:1 Referans Kwoze

KƏLA RĀĀ 4:35

ba reēn̄ kə narneé ɓōkə́n̄ no ngámbang kəla gə̄ tə́, adə̄ nə̄ɓōn̄ de gə̄ kógə̄ḿ kógə̄ḿ kə gō ndoōdə́ gēé.

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

JAKƏ 5:9

Ngákó̰ó̰ḿ gə̄, ī-nōōī rɔ̄sí dɔ naā tə́ alé, ādə̄ Nə́ɓā gāngəń sarya dɔsí tə́ alé. Tɔdɔ̄ nge gān̄g sarya i ta róbə́ tə́ kɔ̄ɔ́.

KƏLA RĀĀ 9:39

Piyer ɔtə kə̄ ta jī tə́ beē aw̄ sedə́. Dan ń reē ɔtə̄ anī aw̄n̄ seneé kem kújə́ kə́ dɔɔ́ tə́. Dəyá̰ kə́ ngaa koy gə̄ reēn̄ rɔ̄n tə́ malang kə nōó. Nin̄-ɔjənən̄ kūbə̄ kə́ kemeé gə̄ ō, kə́ dɔ madə̄ tə́ gə̄ ō ń Dorkas ur̄də́ dan ń ndiń dandə́ tə́ ní.

KƏLA RĀĀ 6:7

Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

KƏLA RĀĀ 2:47

Nin̄-tɔ̄ȳn̄ Nə́ɓā ō, nel̄ de gə̄ malang sedə́ ō. Ngé gə̄ ń ajən̄ ní Kɔ́ɔ̄ɓē reē sedə́ kə̄ dɔ ngé kán̄ naā gə̄ tə́ kə dɔ ndɔ̄ gə̄.

PILIPƏ 3:5

Tɔdɔ̄ əjan̄ mɔtəḿ i gō ndɔ̄ kojəḿ kə́ nge ko̰ sɔ́sɔ́ tə́ ō, mā i Israel kə́ kojə ō, mā i de kə́ gír ɓē yā Benjamḛ tə́ ō, mā i Hebəro kə́ i Hebəro gə̄ n ojəmə̄n̄ ō. Kə́ ɔjə dɔ yá̰a̰ rāā kə́ kə gō ndū najə̄ yā Jipə gə̄ ɓáa, mā i de kə́ dan ɓūtə̄ yā Parijiyḛ gə̄ tə́.

KƏLA RĀĀ 11:20

Banī ngé kə́rēý gə̄ kə́ dandə́ tə́ ń nin̄ i de kə́ Sipər tə́ gə̄ ō, kə́ Siren tə́ gə̄ ō ní, dan ń nin̄-ugə̄n̄ A̰tiyos anī, ɔjən̄ Gərek gə̄ Najə̄ kə́ Majə yā Kɔ́ɔ̄ɓē Jeju.

KƏLA RĀĀ 9:41

Piyer əla jīn adə̄n, ba unən dɔɔ́. Ni ɓāŕ ngé taā kem gə̄ ō, dəyá̰ kə́ ngaa koy gə̄ ō, ba ɔjədə́ kə Tabita ń ḭḭ ndi dɔɔ́ kə kumneé ní.

KƏLA RĀĀ 9:29

Ni-ɔr̄ najə̄ kə Jipə kə́ ngé kɔr̄ ta Gərek gə̄ ō, nējə̄ najə̄ sedə́ ō. Banī nin̄-sāān̄ tɔ̄lən.

KƏLA RĀĀ 5:14

Kósə de kə́ ngá̰ý gə̄, adə̄ i dəngam gə̄ kə dəyá̰ gə̄ ń taān̄ kem Kɔ́ɔ̄ɓē ní reēn̄ kə dɔ naā tə́.

KƏLA RĀĀ 4:4

Dan de gə̄ ń oōn̄ najə̄ kɔr̄ Piyer tə́ ní, ngá̰ý gə̄ taān̄ kem najə̄ ní. De gə̄ ń taān̄ kem ní kutədə́ asə dūbú mí ń noō.

HEBƏRO 13:1

Ī-táriī naā kə́ loo ngákó̰o̰ naā gə̄ tə́.

2 KORḚNTƏ 11:22

Nin̄ i Hebəro gə̄ a? Mā i Hebəro ō. Nin̄ i ngán Israel gə̄ a? Mā i ngōn̄ Israel ō. Nin̄ i ngán kaa Abəraham gə̄ a? Mā i ngōn̄ kaa Abəraham ō.

KƏLA RĀĀ 2:45

Nin̄-igən̄ loo yādə́ gə̄ ō, yá̰a̰ kənge yādə́ gə̄ ō, ba nar ń əngen̄ gírí ní kēgə̄n̄ naā dɔ dáńdə́ tə́ malang.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

PĀ GƏ̄ 72:16

Ādə̄ ndɔr̄ taā loo kem ɓēé, bátə́ ta kaw̄ kə̄ ta tél mbal̄ gə̄ tə́ dɔɔ́. Ādə̄ dɔ kōō kə́ tū tə́ gə̄ yéȳn̄ tītə̄ kāgə̄ gə̄ kə́ Liban beé. Ādə̄ ré deē ra kem ɓēé anī, loo i mbī kámbə́ kə́ mbōl̄ malang.

JAKƏ 4:5

Aké sḭḭ̄ ɔ́jiīneé na najə̄ ń ndangən̄ kem makətūbə̄ yā Nə́ɓā tə́ ní i kə ndāńg a? Ndangən̄ na: Nə́ɓā rāā jang dɔ Ndíĺ ń ni-əndā kemjí tə́ ní.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

1 TIMOTE 5:9

Yā kadə̄ deē əndāń rī dəyá̰ kə́ ngaa koy dan madə̄n gə̄ tə́ kem makətūbūú ɓáa, ādə̄ ɓālə̄n kə́ ngá̰ý aĺ i kutə mehḛ́ ō, ādə̄ ngaan i kógə̄ḿ beē ō tá.

1 KORḚNTƏ 10:10

Ī-lōōī yṵ́r̄ najə̄, tītə̄ ń ngé kə́rēý gə̄ dandə́ tə́ yṵ́rə̄n̄neé, adə̄ nin̄-udən̄ kɔ̄ɔ́ jī nge kəla yā Nə́ɓā kə́ nge tɔ̄l̄ yo tə́ ní.

KƏLA RĀĀ 5:28

J-ɔgə̄sí ndóō de gə̄ yá̰a̰ kə rī deē ń noō ō, j-ədasí adə̄ unjə̄ ō. Ba ń toō ɓáa ī-ndóōī de gə̄ yá̰a̰ yāsí adə̄ taā kem ɓē kə́ Jerusalem malang kɔ̄ɔ́ ō, ī-sāāī kadə̄ mósə deē ní tél əsō dɔjí tə́ ō!

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

Makətūbə̄ yā Job 31:16

Nja kógə̄ḿ m̄-mbātə́ rāā yá̰á̰ kə́ ngé ndoō gə̄ dəjemə̄n̄ a? m̄-rāā dəyá̰ kə́ ngaa koy adə̄ kumən tō ndoō a?

Makətūbə̄ yā Job 29:13

Deē ń to i kə̄ ta yo tə́ ní, tɔ́r̄ tan dɔḿ tə́ ō, m̄-rāā adə̄ rɔ̄nel̄ tél reē gogə́ kem dəyá̰ kə́ ngaa koy tə́ ō.

NDŪ NAJƏ̄ 26:12

Kem ɓāl̄ kə́ nge ko̰ mətá ń i ɓāl̄ yā dɔ yá̰á̰ kə́ nge ko̰ kutə kə́ kɔr̄ tām̄ yā Nə́ɓā tə́ ní, ré ɔ̄r̄ dɔ kōō yāí gə̄ malang ādə̄ ngōn̄ Lebi ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō, ādə̄ əsa ndānə̄n̄ kem ɓē yāí tə́ oy anī,

KƏLA RĀĀ 6:2

Loo ń noō tə́ ngámbang kəla kə́ kutə gidə i jōó gə̄ ɔsən̄ dɔ kósə́ ngé ndóō yá̰a̰ gə̄ malang naā tə́ ba ədan̄də́ na: Kadə̄ jḭḭ j-əya̰ ta kɔjə najə̄ yā Nə́ɓā kɔ̄ɔ́ yā nə̄ɓōń yá̰a̰ kəsa ní i yá̰á̰ kə́ gōtə́ alé.

KƏLA RĀĀ 11:26

Dan ń əngen anī reē seneé A̰tiyos. Nin̄ jōó mbak rāān̄ ɓāl̄ kógə̄ḿ kə taá dan de gə̄ kə́ kem Egəlijə kə́ A̰tiyos tə́ ō, ndóōn̄ kósə de kə́ ngá̰ý gə̄ yá̰a̰ ō. De gə̄ əlan̄ gír ɓāŕ ngé ndóō yá̰a̰ yā Jeju gə̄ na i Kəretiyḛ gə̄ i kem ɓē kə́ A̰tiyos tə́.

KƏLA RĀĀ 11:29

Adə̄ ngé ndóō yá̰a̰ gə̄ ndigən kadə̄ nin̄ kógə̄ḿ kógə̄ḿ ní kə n-adə̄n̄ yá̰á̰ ń tɔ́gə́də́ asə ní, yā kəlań kadə̄ ngákó̰ó̰də́ gə̄ ń ndin̄ gō nang kə́ Jude tə́ ní yā rāań sedə́.

Makətūbə̄ ń Pol ndang adə̄ Rom gə̄ ní 12:7

Ré i kadə̄ karī yā rāā kəla kadə̄ deē anī, ādə̄ deē ń ənge ní rāań kəla adə̄ deē. Ré i kadə̄ karī yā ndóō de gə̄ yá̰a̰ anī, ādə̄ deē ń ənge ní ndóōń de gə̄ yá̰a̰.

1 TIMOTE 5:3

Ī-rɔȳ dəyá̰ kə́ ngaa koy gə̄ ń deē yādə́ gə̄ gətóon̄ ní.