KƏLA RĀĀ 5:16 - Bibəl ta Sar̄

¹⁶ Kósə de kə́ kem ɓē gə̄ kə́ kadə ɓē kə́ Jerusalem tə́ gə̄ ɓə̄ngān̄ naā ɓuk reēn̄ ō. Nin̄-reēn̄ kə ngé mo̰y gə̄ ō, kə de gə̄ kə́ ndíĺ kə́ yḛr gə̄ a rāān̄ kumdə́ ndoō tə́ gə̄ ō, ba de gə̄ malang ń noō ní əngen̄ rɔ̄ ngáā.

Bible sar

¹⁶ Kósə de kə́ kem ɓē gə̄ kə́ kadə ɓē kə́ Jerusalem tə́ gə̄ ɓə̄ngān̄ naā ɓuk reēn̄ ō. Nin̄-reēn̄ kə ngé mo̰y gə̄ ō, kə de gə̄ kə́ ndíĺ kə́ yḛr gə̄ a rāān̄ kumdə́ ndoō tə́ gə̄ ō, ba de gə̄ malang ń noō ní əngen̄ rɔ̄ ngáā.

KƏLA RĀĀ 5:16 Referans Kwoze

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

KƏLA RĀĀ 4:30

Ī-rāā ādə̄ rɔ̄ ngé mo̰y gə̄ ngáā ō, yá̰á̰ kə́ to kɔr kum gə̄ ō, kə́ yáā gə̄ ō, rāān̄ yá̰a̰ kə ta kūl̄ rī Jeju nge kəla yāí kə́ táĺ ɔ́jəń tɔ́gí kə̄ ndágá.

JA̰A̰ 14:12

Ādə̄ m-ə́dásí najə̄ kə́ bo ngá̰ý, deē ń taā kemḿ anī a rāā kəla gə̄ ń m̄-rāā ní ō, ba a rāā ngé kə́ bo tɔȳ ngé gə̄ ń toō ɓáý, tɔdɔ̄ m-ā m-āw̄ i kə̄ rɔ̄ Bɔbə́ḿ tə́.

Najə̄ kə́ Majə yā Jeju ń Luk ndang ní 9:11

Kósə de gə̄ gerə̄n̄ gōdə́ adə̄ aw̄n̄ gōdə́ tə́. Ni-əhɔdə́ kə̄ rɔ̄n tə́ majə. Ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō, rāā adə̄ rɔ̄ ngé mo̰y gə̄ ń gḛyn̄ i kadə̄ yā rāā sedə́ ní ngáā ō.

Najə̄ kə́ Majə yā Jeju ń Luk ndang ní 5:17

Ndɔ̄ kógə̄ḿ tə́ Jeju a ndóō de gə̄ yá̰a̰ anī, Parijiyḛ kə ngé ndóō de gə̄ ndū najə̄ gə̄ i dan de gə̄ ní tə́. Nin̄-ḭḭn̄ i kə̄ ngán ɓē gə̄ malang kə gō nang kə́ Galile tə́ ō, kə́ Jude tə́ ō, ḭḭn̄ i Jerusalem ō n reēn̄ ní. Tɔ́gə yā Kɔ́ɔ̄ɓē i naā tə́ kə Jeju. Tɔ́gə́ ní rāā adə̄ kə ta kūl̄ Jeju de gə̄ ngá̰ý rɔ̄də́ ngáā.

MATIYE 8:16

Loo tíbí anī, de gə̄ reēn̄ rɔ̄ Jeju tə́ kə de gə̄ ngá̰ý kə́ ndíĺ kə́ majaĺ gə̄ i kemdə́ tə́. Ni-tə̄ɓā ndíl gə̄ ní kə najə̄ kə́ tan tə́ ō, rāā adə̄ ngé mo̰y gə̄ malang ngáā ō.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

1 KORḚNTƏ 12:9

Ndíĺ kə́ kal kógə̄ḿ beē nəkɔ́ ń toō adə̄ deē kógə̄ḿ tɔ́gə taā kem ō, adə̄ de kə́ rang tɔ́gə kə́ yā rāań kadə̄ rɔ̄ deē ngáā ō,

MATIYE 2:16

Dan ń Herod a̰ā̰ kadə̄ ngé ka̰a̰ yá̰a̰ tū tə́yō̰ tə́ gə̄ mbóon̄ i seneé anī, wōn̄g asən nák. Adə̄ ngáń kə́ dəngam gə̄ malang ń ojən̄də́ rāā ɓāl̄ jōó ō, ngé gə̄ ń ɓāl̄də́ asə jōó aĺ ɓáý ō ní, ni-əla tɔ̄l̄də́ tə́ kɔ̄ɔ́ kem ɓē kə́ Betlehem tə́ ō, kem ngán ɓē gə̄ kə́ gō nang kə́ Betlehem tə́ ō. Ni-rāā yá̰á̰ ní i kə gō ndɔ̄ ń ngé ka̰a̰ yá̰a̰ tū tə́yō̰ tə́ gə̄ ədanən̄neé ní.

KƏLA RĀĀ 5:15

De gə̄ reēn̄ kə ngé mo̰y gēé ɓōkə́n̄də́ kum róbə kɔsə gə̄ tə́. Tə́nīn̄də́ i kem tə̄rá gə̄ tə́ ō, kem waá gə̄ tə́ ō, kadə̄ ré Piyer kə mān̄ anī, kadə̄ ndílən ngóy aw̄ dɔ nge kə́ kógə̄ḿ tə́ dandə́ tə́.

KƏLA RĀĀ 5:17

Loo ń noō tə́ ngol ngé tun̄ yá̰a̰ gə̄ ō, de gə̄ ń seneé á i Sadusiyḛ gə̄ ní ō, əndān̄ ngámbang kəla gə̄ nii.

Najə̄ kə́ Majə yā Jeju ń Luk ndang ní 6:18

Nin̄-reēn̄ i koō najə̄ yān tə́ ō, i kadə̄ ni-rāā adə̄ rɔ̄də́ ngáā ō. Ni-rāā adə̄ ngé gə̄ ń ndíĺ kə́ yḛr gə̄ a rāān̄ kumdə́ ndoō tə́ əngen̄ rɔ̄ ngáā.