KƏLA RĀĀ 5:11 - Bibəl ta Sar̄

¹¹ Egəlijə malang ō, de gə̄ malang ō ń oōn̄ gotə najə̄ ń noō ní ɓōlə́n̄ ngá̰ý.

Bible sar

¹¹ Egəlijə malang ō, de gə̄ malang ō ń oōn̄ gotə najə̄ ń noō ní ɓōlə́n̄ ngá̰ý.

KƏLA RĀĀ 5:11 Referans Kwoze

KƏLA RĀĀ 5:5

Dan ń Ananias oō najə̄ gə̄ ń noō ní anī, ni-teē əsō ba oy. De gə̄ malang ń oōn̄ ní ɓōĺ rāādə́.

HEBƏRO 4:1

Dan ń Nə́ɓā ənī míndən yā kadə̄ j-ugīneé tū kɔr̄ koō yān tə́ to̰ ɓáý ní, jə-ɓōlíī najə̄ kadə̄ deē kógə̄ḿ kə́ dansí tə́ nal̄ ta róbə́ kə́ yā kudəń tū kɔr̄ koō ngeé ń toō tə́.

KƏLA RĀĀ 19:17

De kə́ Epejə gə̄ malang, Jipə gə̄ ō, Gərek gə̄ ō, oōn̄ gotə yá̰á̰ ń noō ń rāā yá̰á̰ ní. Nin̄ malang ní ɓōĺ rāādə́ ō, de gə̄ tɔ̄ȳn̄ rī Kɔ́ɔ̄ɓē Jeju ō.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

PĀ GƏ̄ 89:7

Kɔ́ɔ̄ɓē, de kə́ asə seí gətóo dɔ rā̰ tə́. Dan nə́ɓā gə̄ tə́ ní, nge kə́ to tītə̄ Kɔ́ɔ̄ɓē gətóo.

HEBƏRO 12:28

Tām̄ najə̄ ń toō tə́, jḭḭ̄ ń j-əngeī i ɓē ko̰o̰ kə́ a yéȳ aĺ ní, ādə̄ jə-ndadə̄ j-adī Nə́ɓā ō, jə-rāāī kəla j-adə̄niī kə gō nelə̄n ō. J-ənī kemjí j-adə̄niī ō, jə-ɓōlíī ndílən ō.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

1 PIYER 1:17

Nə́ɓā ń i nge gān̄g sarya dɔ de gə̄ tə́ malang, kə gō yá̰a̰ rāādə́ gēé kógə̄ḿ kógə̄ḿ ba i tām̄ ta kumdə́ tə́ aĺ ní, ré sḭḭ̄ ī-ɓār̄niī na i Bɔbə̄sí anī, ɔ́jiī kə̄ ndágá tū kəla rāāsí gə̄ tə́ kadə̄ ī-ɓōlíī ndílən, kə dɔ ndɔ̄ gə̄ malang ń ī-ndiīneé kə kumsí dɔ nang tə́ ní.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

KƏLA RĀĀ 2:43

Ngámbang kəla gə̄ rāān̄ yá̰á̰ kə́ yáā gə̄ ō, yá̰á̰ kə́ to kɔr kum gə̄ ō ngá̰ý, adə̄ de gə̄ malang ndin̄ i kə ɓōló kemdə́ tə́.

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.