KƏLA RĀĀ 4:34 - Bibəl ta Sar̄

³⁴ Adə̄ de kə́ ndoō rāān gətóo dandə́ tə́. Tɔdɔ̄ ngé gə̄ ń aw̄n̄ kə loo yādə́ gə̄, aláa kə kújə gə̄ ní, igən̄neé

Bible sar

³⁴ Adə̄ de kə́ ndoō rāān gətóo dandə́ tə́. Tɔdɔ̄ ngé gə̄ ń aw̄n̄ kə loo yādə́ gə̄, aláa kə kújə gə̄ ní, igən̄neé

KƏLA RĀĀ 4:34 Referans Kwoze

KƏLA RĀĀ 2:45

Nin̄-igən̄ loo yādə́ gə̄ ō, yá̰a̰ kənge yādə́ gə̄ ō, ba nar ń əngen̄ gírí ní kēgə̄n̄ naā dɔ dáńdə́ tə́ malang.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

Najə̄ kə́ Majə yā Jeju ń Luk ndang ní 22:35

Gō tə́ anī, ni-ədadə́ na: Dan ń m-ə́lásí kanjə̄ ngong nar, aláa sángá, aláa sākə̄rā njasí tə́ ní, ī-nalī yá̰á̰ kógə̄ḿ sḛ́ý a? Nin̄-tél ədan̄ na: Jə-nal̄ yá̰á̰ kógə̄ḿ yḛtə alé.

MARK 10:21

Jeju əndā kumən dɔn tə́ anī tárən, ba ədan na: Na̰yiī yá̰á̰ kógə̄ḿ ɓáý: Āw̄ ígə́ yá̰a̰ yāí malang ba ādə̄ ngé ndoō gə̄ narən, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba ré loo ń noō tə́ tā anī, ī-reē ba un gōḿ.

MATIYE 19:21

Anī Jeju tél ədan na: Ré ī-gḛy kadə̄ ḭ̄ i de kə́ majə ɔtə̄ kə taá ɓáa, āw̄ ígə́ yá̰a̰ kənge yāí gə̄ malang ba ādə̄ ngé ndoō gə̄ narən. Loo ń noō tə́ ā ə́ngé yá̰á̰ ngá̰ý dɔ rā̰ tə́. Gō tə́ anī, ī-reē un gōḿ.

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

1 TIMOTE 6:19

I tītə̄ ń noō n nin̄ a ɔsən̄neé dɔ yá̰a̰ kənge kə́ majə ō, kə́ rɔ̄kum ō, kə̄ naā tə́, tām̄ yā ndɔ̄ kə́ bírí tə́ ní, yā kadə̄ əngen̄neé ndi kə kumuú kə́ rɔ̄kum.

KƏLA RĀĀ 4:37

Ni igəń kɔ̄ɔ́ ba reē kə narneé ɓōkə́ no ngámbang kəla gə̄ tə́.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

1 TESALONIK 4:12

Yā kadə̄ de kə́ ndágá gə̄ ɓōlə́n̄neé ndíĺsí ō, ɔ̄yīneé deē kógə̄ḿ aĺ ō.

2 KORḚNTƏ 8:14

Ngɔlaā ní sḭḭ̄ ī-ndiī i dan yá̰a̰ kal̄ loo tə́, adə̄ ásiī rāā kə ngé gə̄ ń ndin̄ dan ndoō tə́ ní. Ba ré ndɔ̄ kə́rēý tə́ sḭḭ̄ ī-ndiī dan ndoō tə́, banī nin̄-ndin̄ i dan yá̰a̰ kal̄ loo tə́ anī, nin̄ a asən̄ rāā sesí ō. I tītə̄ ń noō n yá̰a̰ a asəń naā ní,