KƏLA RĀĀ 4:23 - Bibəl ta Sar̄

²³ Dan ń ngé sarya gə̄ əya̰n̄ Piyer nin̄ kə Ja̰a̰ dɔɔ́ anī, nin̄-tél aw̄n̄ rɔ̄ madə̄də́ gə̄ tə́, ba ɔjən̄də́ gotə najə̄ gə̄ malang ń ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, ədan̄də́ ní.

Bible sar

²³ Dan ń ngé sarya gə̄ əya̰n̄ Piyer nin̄ kə Ja̰a̰ dɔɔ́ anī, nin̄-tél aw̄n̄ rɔ̄ madə̄də́ gə̄ tə́, ba ɔjən̄də́ gotə najə̄ gə̄ malang ń ngol gə̄ kə́ dɔ *ngé tun̄ yá̰a̰ gə̄ tə́ ō, *kum kɔɔ̄ gə̄ ō, ədan̄də́ ní.

KƏLA RĀĀ 4:23 Referans Kwoze

PĀ GƏ̄ 119:63

Mā i madə̄ de gə̄ malang ń a ɓōlə́n̄ ndílí ō, a rāān̄ yá̰a̰ gə̄ ń ī-ra kə de gēé ta rāā ní ō.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

Gōsə̄ najə̄ gə̄ 13:20

Nge njə̄rā kə ngé kum kedə̄ gēé a tél de kə́ nge kum kedə̄, ba nge kaw̄ ɓē de kə́ mbóo gēé ngándáńg a ənge yá̰á̰ kə́ tōr̄.

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

PĀ GƏ̄ 16:3

Ɓesə̄ gə̄ kə́ dɔ nang tə́ laā, adə̄ i tɔ́gə gə̄ ń nelə̄m̄ sedə́ kété ngá̰ý ní,

KƏLA RĀĀ 16:40

Dan ń Pol nin̄ kə Silas teēn̄ kújə dəngáyá anī, aw̄n̄ ɓē Lidə. Nin̄-a̰a̰n̄ ngákó̰ó̰də́ gə̄ ō, ɔjə̄n̄də́ ō, tá kadə̄ aw̄n̄ ɓáý.

KƏLA RĀĀ 4:22

Deē ngeé ń toō ń njan ndájə̄ kanjə̄ kadə̄ deē ger̄ loon ní, ɓālə̄n mān̄ kutə sɔ́.

KƏLA RĀĀ 4:24

Dan ń nin̄-oōn̄ najə̄ gə̄ ní anī, nin̄ malang ndɔ̄ȳn̄ Nə́ɓā kə kem kə́ kógə̄ḿ beé ədan̄ na: Kɔ́ɔ̄jí, i ḭ̄ n ī-rāā dɔ rā̰ ō dɔ nang ō, bā bo ō, kə yá̰a̰ gə̄ malang kə́ tū tə́ ní.