KƏLA RĀĀ 4:1 - Bibəl ta Sar̄

¹ Piyer nin̄ kə Ja̰a̰ ra a ɔrə̄n̄ najə̄ kə ngán Israel gēé kə̄ tadə́ tə́ ɓáý anī, ngé tun̄ yá̰a̰ gə̄ ō, ngol ngé ngɔ̄m̄ kújə yā Kɔ́ɔ̄ɓē ō, Sadusiyḛ gə̄ ō, reē ugə̄n̄.

Bible sar

¹ Piyer nin̄ kə Ja̰a̰ ra a ɔrə̄n̄ najə̄ kə ngán *Israel gēé kə̄ tadə́ tə́ ɓáý anī, *ngé tun̄ yá̰a̰ gə̄ ō, ngol ngé ngɔ̄m̄ *kújə yā Kɔ́ɔ̄ɓē ō, *Sadusiyḛ gə̄ ō, reē ugə̄n̄.

KƏLA RĀĀ 4:1 Referans Kwoze

Najə̄ kə́ Majə yā Jeju ń Luk ndang ní 22:4

Ni ɔtə jákə́ aw̄ ənge ngol gə̄ kə́ dɔ ngé tun̄ yá̰a̰ gə̄ tə́ ō, ngol ngé ngɔ̄m̄ kújə yā Kɔ́ɔ̄ɓē gə̄ ō, ba ɔr̄ najə̄ sedə́ dɔ loo kəla ń a əla Jeju jīdə́ tə́ ní.

KƏLA RĀĀ 6:12

Nin̄-sə̄lān̄ ngán Israel gə̄ ō, kum kɔɔ̄ gə̄ ō, ngé ndóō de gə̄ ndū najə̄ gə̄ ō dɔ Etiyen tə́. Ba gō tə́ anī teēn̄ rétə́ gēé əhɔnən̄ ba aw̄n̄ seneé no ngé sarya kə́ bo gə̄ tə́.

KƏLA RĀĀ 5:26

Anī ngār ɔy pajā gə̄ aw̄ reēń kə ngámbang kəla gēé jəke kanjə̄ rāādə́ yá̰á̰ kə́ tōr̄. Tɔdɔ̄ nin̄-ɓōlə́n̄ najə̄ kadə̄ ngán Israel gə̄ tə́nīn̄də́ kə mbalá yā tɔ̄l̄də́.

KƏLA RĀĀ 5:24

Loo ń ngār yā ngé ngɔ̄m̄ ta kújə yā Kɔ́ɔ̄ɓē gə̄ ō, ngol gə̄ kə́ dɔ ngé tun̄ yá̰a̰ gə̄ tə́ ō oōn̄ najə̄ gə̄ ń noō ní, nin̄-gírə̄n̄ yá̰á̰ sétə́ dɔ ngámbang kəla gə̄ tə́, ba dəjen̄ naā na ké i rí n rāā yá̰a̰ wa.

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

KƏLA RĀĀ 4:6

Ngol ngé tun̄ yá̰a̰ gə̄ ń rīn na i An ní ō, Kaipə ō, Ja̰a̰ ō, Alekjandər ō, de gə̄ malang kə́ gír kojə yā ngol ngé tun̄ yá̰a̰ gə̄ tə́ ō, nin̄ i noó malang.

JA̰A̰ 18:3

Anī Judas əsō kété no ɓūtə̄ áskar gə̄ kə pajā gə̄ ń ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, əlan̄də́ ní tə́. Ni-reē sedə́ kem ndɔr̄ ní tə́ kə lámba gə̄ ō, kə hor ngel̄ gə̄ ō, kə yá̰a̰ rɔ̄ɔ̄ gə̄ ō.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

MATIYE 27:41

Ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, kum kɔɔ̄ gə̄ ō, mbóon̄ seneé ō, ədan̄ na:

MATIYE 27:20

Ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, sə̄lān̄ kósə de gə̄ kadə̄ dəjen̄ kadə̄ əya̰n̄ Barabas dɔɔ́, ba kadə̄ Jeju kə oy.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

MATIYE 16:12

Loo ń noō tə́, nin̄-gerə̄n̄ kadə̄ ədadə́ na kə kumdə́ kə gól̄də́ alé i dɔ kaa mápá ń a ɔrə̄n̄neé mápá tə́ ní alé, ba i dɔ yá̰a̰ n Parijiyḛ gə̄ ō Sadusiyḛ gə̄ ō a ndóōn̄ de gə̄ tə́ ní.

KƏLA RĀĀ 6:7

Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

Najə̄ kə́ Majə yā Jeju ń Luk ndang ní 20:1

Ndɔ̄ kógə̄ḿ tə́, dan ń Jeju ndi kem kújə yā Kɔ́ɔ̄ɓē tə́ a ndóō de gə̄ yá̰a̰ ō, a ɔjə de gə̄ Najə̄ kə́ Majə ō anī, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, nin̄ kə kum kɔɔ̄ gēé,

KƏLA RĀĀ 5:17

Loo ń noō tə́ ngol ngé tun̄ yá̰a̰ gə̄ ō, de gə̄ ń seneé á i Sadusiyḛ gə̄ ní ō, əndān̄ ngámbang kəla gə̄ nii.